<div class="article-content">
<p><strong>បាងកក៖</strong> អាជ្ញាធរថៃ បានកំណត់មុខសញ្ញា ពួកហេកឃ័រ វិបសាយ ជេរប្រមាថនាយករដ្ឋមន្រ្តី <br />យីងឡាក់ ខណៈនេះសមត្ថកិច្ចកំពុង ប្រមូលភស្តុតាង និងត្រៀមចេញដីកា ចាប់ខ្លួនជនល្មើស។</p>
<p>គេហទំព័រ INN របស់ថៃ នៅថ្ងៃ ព្រហស្បតិ៍ ទី ៩ ខែ ឧសភា ឆ្នាំ ២០១៣នេះ បានឲ្យដឹងថា ឧត្តម<br />សេនីយ៍ ភិស៊ីត ប៉ោអ៊ីន មេបញ្ជាការប្រឆាំង ឧក្រិដ្ឋកម្មបច្ចេកវិទ្យា បានថ្លែងថា បន្ទាប់ពីមានករណី<br /> ក្រុមពួកហេកឃ័រ គេហទំព័ររបស់ លោកស្រី យីងឡាក់ ស៊ីណាវ៉ាត់ នាយករដ្ឋមន្រ្តី ដោយបាន<br />សរសេរ ពាក្យជេរប្រមាថ លើលក្ខណៈសម្បតិ្ត និង ការដឹកនាំរបស់លោកស្រី យ៉ាងធ្ងន់ធ្ងរ។</p>
<p>បច្ចុប្បន្ន អង្គភាព បានចាត់តាំងក្រុមស៊ើបអង្កេតពិសេស រូមសហការជាមួយក្រសួង ទំនាក់ទំនង<br />ព័ត៌មានវិទ្យា ដើម្បីស្វែងរកទីតាំង ប្រព្រឹតិ្តបទល្មើស របស់ក្រុមហេកឃ័រ។ តាមប្រភពព័ត៌មានចុង<br />ក្រោយ ក្រុមភ្នាក់ងារស៊ើបអង្កេត បានកំណត់ មុខសញ្ញាជនល្មើសបានហើយ ប៉ុន្តែខាងសមត្ថកិច្ច<br />បង្ហាញ ពីព័ត៌មានលម្អិតនោះទេ ព្រោះខណៈនេះក្រុមអ្នកជំនាញ កំពុងប្រមូលភស្តុតាងបន្ថែមដើម្បី<br />ចេញដីកាចាប់ខ្លួនជនល្មើស។</p>
<p>លោក ភីស៊ីត បានបញ្ជាក់ថា ករណីខាងលើ ជនល្មើសអាចនឹងត្រូវផ្ទន្ទាទោស ជាប់ពន្ធនាគារ មិន<br />លើសពី ៦ខែ ឬ ពិន័យជាប្រាក់ មិនលើសពី ១ម៉ឺនបាត ឬទាំងជាប់ពន្ធនាគារ និង ពិន័យតាមមាត្រា<br />៧ នៃក្រមព្រហ្មទណរបស់ថៃ ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-030/Kosal-0137.jpg" alt="" width="500" /></p>
<p style="text-align: center;"><strong>ឧត្តមសេនីយ៍ ភិស៊ីត ប៉ោអ៊ីន</strong></p>
<p style="text-align: right;">ផ្តល់សិទ្ធិដោយ៖ ដើមអំពិល<strong><br /></strong></p>
</div>