<div class="article-content">
<p><strong>ភ្នំពេញ ៖</strong> ជនសង្ស័យ ជាបក្ខពួកក្រុម ចោរប្លន់ ម៉ូតូស្កុបពី និងឆក់ទ្រព្យសម្បត្ដិ ប្រជាពលរដ្ឋ ក្នុង<br />នោះ មាន ជនជាតិអាមេរិ កាំង និងជនជាតិជប៉ុនផងនោះ ត្រូវបាន បង្ហាញមុខជាសាធារណៈ <br />ក្រោយពីជន សង្ស័យ រូបនេះ ត្រូវបានកម្លាំងនគរបាល ការិយាល័យ ព្រហ្មទណ្ឌកម្រិតធ្ងន់រាជធានី<br /> ភ្នំពេញ ចាប់ខ្លួនកាលពីព្រឹក ថ្ងៃទី១២ ខែ តុលា ឆ្នាំ២០១៣ ខណៈដែលជនសង្ស័យរូប នេះ កំពុង<br />នៅផ្ទះសង្សារបស់ខ្លួន ម្ដុំវត្ដកោះ សង្កាត់អូរឫស្សីទី៤ ខណ្ឌ ៧មករា ។</p>
<p>ជនសង្ស័យរូបនេះ ត្រូវបានសមត្ថកិច្ច អះអាងថា គឺជាបក្ខពួករបស់ជនសង្ស័យ ២ នាក់ ដែលបាញ់<br />តដៃជា មួយសមត្ថកិច្ចកាល ពីយប់ថ្ងៃទី០៧ ខែតុលា ឆ្នាំ២០១៣ ស្ថិត នៅម្ដុំស្ពានអាកាសក្បាលថ្នល់<br /> និងជាជនដដល់ នៃការបាញ់ប្រហារគ្នាជាង១០គ្រាប់ទាំងថ្ងៃ ស្ថិតនៅក្បែរផ្សារទំនើបសូរិយា សង្កាត់<br />ផ្សារថ្មីទី៣ ខណ្ឌ ដូនពេញ កាលពី ព្រឹកព្រលឹម ប៉ុន្មានថ្ងៃកន្លងទៅនេះ ។</p>
<p>នៅក្នុងសន្និសីទកាសែត បង្ហាញមុខជន សង្ស័យរូបនេះ នាយការិយាល័យព្រហ្មទណ្ឌ កម្រិតធ្ងន់ <br />លោក អេង សោភា បាននិយាយ ថា ជនសង្ស័យឈ្មោះ សុខ ហុក អាយុ២៨ ឆ្នាំ ស្នាក់នៅផ្ទះលេខ <br />289E1z ផ្លូវលេខ៩៣ ក្រុមទី៣៣ ភូមិ៥ សង្កាត់អូរឫស្សីទី៤ ខណ្ឌ ៧មករា មានមុខរបរ មិនពិតប្រា<br />កដ ប៉ុន្ដែ ប្រភពព័ត៌មានខ្លះអះអាងថា ជនសង្ស័យជា អតីតចុងភៅ នៅភោជនីយដ្ឋានតាតា ក្នុង <br />សង្កាត់ព្រែកលៀប ខណ្ឌឫស្សីកែវ ។</p>
<p>លោក អេង សោភា បានថ្លែងឱ្យដឹង ទៀតថា ក្រោយពីមានការចាប់ខ្លួនជន សង្ស័យជាក្រុមចោរ<br />ប្រដាប់អាវុធចំនួន ២ នាក់ កាលពីការប៉ះទង្គិចគ្នាជាមួយសមត្ថ កិច្ច នាយប់ថ្ងៃទី០៧ ខែតុលា ឆ្នាំ<br />២០១៣ រួចមក ស្នងការនគរបាល រាជធានីភ្នំពេញ លោកឧត្ដមសេនីយ៍ ជួន សុវណ្ណ និងស្នងការ <br />រងនគរបាល លោកឧត្ដមសេនីយ៍ត្រី ជួន ណារិន្ទ បានបញ្ជាឱ្យកម្លាំងនគរបាលព្រហ្ម ទណ្ឌរបស់<br />លោក បើកការស្រាវជ្រាវជាបន្ដ ទៀត ដើម្បីតាមចាប់បក្ខពួកដែលនៅសេស សល់ ជុំវិញសកម្មភាព<br />ប្លន់ប្រដាប់អាវុធដែល ភាគច្រើនក្រុមនេះបាញ់ប្លន់យកម៉ូតូស្កុបពី និងឆក់ប្រដាប់អាវុធជិត ១០ករណី<br />បណ្ដាល ឱ្យជនរងគ្រោះ រងរបួសជាបន្ដបន្ទាប់ ក្នុង នោះជនសង្ស័យរូបនេះ ក៏ជាប់ពាក់ព័ន្ធ និង ជា<br />ជនដៃដល់ នៃការបាញ់តដៃគ្នាជាង១០ គ្រាប់ កាលពីព្រឹកថ្ងៃទី០៦ ខែតុលា ឆ្នាំ ២០១៣ កន្លងទៅ <br />រហូតដល់ប្លន់ម៉ូតូពីប្រជា ពលរដ្ឋ ដែលជិះធ្វើដំណើរនៅតាមផ្លូវក្រោយ ពីជនសង្ស័យទាំងនេះគេច<br />ខ្លួនក្រោយការ បាញ់ប្រហារគ្នាជាង ១០គ្រាប់ ។</p>
<p>នៅចំពោះមុខសមត្ថកិច្ច ជនសង្ស័យ សុខ ហុក បានសារភាពថា កាលពីព្រឹកថ្ងៃទី ០៦ ខែតុលា វេលា<br />ម៉ោងប្រមាណ ៧ និង ៥០នាទី ខ្លួនបានជិះម៉ូតូ ១គ្រឿងទៅឌុប ឈ្មោះ ផៃ មកកន្លែងលេងហ្គេម នៅ<br />ក្បែរ ផ្សារទំនើបសូរិយា ហើយពេលនោះបាន យកកាំភ្លើងខ្លីមួយដើម ពីឈ្មោះ ផៃ មក ទុកក្នុងកាបូប<br /> ចំណែកឈ្មោះ ជា សុវណ្ណ ហៅ វ៉ាន់ ហៅឆាលី រង់ចាំមុន នៅកន្លែង លេងហ្គេម ដោយមានអាវុធខ្លី<br />ម៉ាកកា៥៩។</p>
<p>ជនសង្ស័យបានបន្ដសារភាពទៀតថា ពេល ខ្លួនធ្វើដំណើរ មកឈប់នៅកន្លែងលេងហ្គេម នោះ<br />ស្រាប់តែឈ្មោះ ជាតិ ក៏មកដល់ដោយ ជិះម៉ូតូម៉ាកហុងដា សេ ១២៥ ស៊េរី២០១៣ ពណ៌ខ្មៅ ពេល<br />នោះខ្លួនបានស្ទុះទៅវាយ ឈ្មោះ ជាតិ ។ដោយឡែកឈ្មោះជា សុវណ្ណ បានដកកាំភ្លើងខ្លីម៉ាក កា <br />៥៩ បាញ់ទៅលើ ឈ្មោះ ជាតិ ប៉ុន្ដែ មិនផ្ទុះ រួចហើយក៏បញ្ចូល គ្រាប់ បាញ់ទៅលើឈ្មោះ ជាតិ ២-៣<br />គ្រាប់ ថែមទៀត ខណៈដែលខ្លួនកាន់អាវុធខ្លីម៉ាក ឡុក បាញ់ទៅលើឈ្មោះ ជាតិ ៤-៥គ្រាប់ ទៀត ។</p>
<p>ភ្លាមៗនោះឈ្មោះ ជាតិ ដែលមាន គ្នាតែម្នាក់ឯង បានបាញ់តបវិញ ចំនួន ៤-៥ គ្រាប់ ហើយរត់ចោល<br />ម៉ូតូ រួចមកក៏ត្រូវ ឈ្មោះ ផៃ បានលើកយកម៉ូតូរបស់ឈ្មោះ ជាតិ ជិះចេញបានប្រហែល ៣០ម៉ែត្រ ក៏<br /> ផ្ដួលម៉ូតូចោល ហើយនាំគ្នាជិះម៉ូតូរបស់ខ្លួន មកម្ដុំពេទ្យលោកសង្ឃ រួចបានបើកម៉ូតូជូន ឈ្មោះ ផៃ <br />ទៅម្ដុំទួលស្វាយព្រៃ ហើយនាំ យកអាវុធទៅជាមួយផង ។ រីឯខ្លួនបានមក សម្ងំពួននៅផ្ទះសង្សារម្ដុំ<br />វត្ដកោះ ក៏ត្រូវបាន កម្លាំងនគរបាលព្រហ្មទណ្ឌ ចាប់ខ្លួននៅ វេលាម៉ោង ៨ និង៣០នាទីព្រឹក ថ្ងៃទី១២<br /> ខែតុលា ពេលចុះពីលើផ្ទះ ។</p>
<p>លោក អេង សោភា បានបញ្ជាក់ថា ជន សង្ស័យរូបនេះ ធ្លាប់ប្រើប្រាស់គ្រឿងញៀន និងធ្លាប់ជាប់ពន្ធ<br />នាគារព្រៃស រយៈពេល២ ឆ្នាំ ពីឆ្នាំ ២០១១ ដល់ឆ្នាំ ២០១៣ ពីបទ ជួញដូរគ្រឿងញៀន ។</p>
<p>គួរបញ្ជាក់ថា កាលពីព្រឹកថ្ងៃទី០៨ ខែ តុលា ឆ្នាំ២០១៣ លោកឧត្ដមសេនីយ៍ ជួន ណារិន្ទ បានបង្ហាញ<br />មុខក្រុមចោរប្លន់ដែលជា បក្ខពួករបស់ឈ្មោះ សុខ ហុក នេះចំនួន ២ នាក់ ម្នាក់ឈ្មោះ ជា សុវណ្ណ អា<br />យុ ៣២ឆ្នាំ ដែលរងរបួសធ្ងន់ ក្រោយការបាញ់តដៃជា មួយសមត្ថកិច្ច និងម្នាក់ទៀតឈ្មោះ សារា វ៉ាត់<br /> អាយុ ២៥ឆ្នាំ ព្រមទាំងបង្ហាញអាវុធខ្លី ២ដើម ម៉ាក កា ៥៤ និងកា ៥៩ ព្រមទាំង ម៉ូតូ ២គ្រឿង ១គ្រឿង<br />ម៉ាក ស្កុបពីពណ៌ ក្រហម ស៊េរីឆ្នាំ ២០១៣ ជារបស់ជនរង គ្រោះ ដែលពួកវាប្លន់បានសម្រេចនៅជិត<br /> សាលាចិនទួនហ្វា សង្កាត់ទួលស្វាយព្រៃ ខណ្ឌចំការមន និងម៉ូតូ១គ្រឿងទៀត ដែល ពួកវាជិះធ្វើ<br />សកម្មភាព ។</p>
<p>បើតាមលោក ជួន ណារិន្ទ ក្រុមចោរ ប្លន់ទាំងនេះ បានសារភាពថា ធ្លាប់ធ្វើសកម្ម ភាពប្លន់ ចំនួន ៨<br />ករណី ក្នុងនោះរួមទាំងការ បាញ់ប្លន់ ឆក់កាបូបពីប្ដី-ប្រពន្ធជនជាតិ អាមេរិកាំង ២នាក់ និងស្ដ្រីជន<br />ជាតិជប៉ុន ម្នាក់ ហើយក្នុងចំណោមសកម្មភាពប្លន់ទាំង ៨ករណីនេះ បានបណ្ដាលឱ្យជនរងគ្រោះ <br />៣ នាក់ រងរបួសធ្ងន់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0166.jpg" alt="" width="500" /></p>
<p style="text-align: center;"><strong>ជនសង្ស័យឈ្មោះ សុខ ហុក ដែលត្រូវចាប់ខ្លួន ពេលសម្ងំលាក់ខ្លួន នៅផ្ទះសង្សារ</strong></p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0167.jpg" alt="" width="500" /></p>
<p style="text-align: center;"><strong>ប្រធានការិយាល័យ ព្រហ្មទណ្ឌកម្រិតធ្ងន់រាជធានីភ្នំពេញ លោកវរសេនីយ៍ត្រី អេង សោភា</strong></p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0168.jpg" alt="" width="500" /></p>
<p style="text-align: center;"><strong>ជនសង្ស័យឈ្មោះ សារ៉ាវ៉ាន់ ដែលត្រូវចាប់ខ្លួន ក្រោយការបាញ់តដៃជាមួយសមត្ថកិច្ច</strong></p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0169.jpg" alt="" width="500" /></p>
<p style="text-align: center;"><strong>លោកឧត្តមសេនីយ៍ត្រី ជួន ណារិន្ទ ស្នងការរងនគរបាល និងជាប្រធានការិយាល័យកណ្តាលព្រហ្មទណ្ឌ</strong></p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0170.jpg" alt="" width="500" /></p>
<p style="text-align: center;"><strong>កាំភ្លើងនិងគ្រាប់ ដែលជនសង្ស័យធ្វើសកម្មភាពបាញ់ប្លន់កាលពីពេលកន្លងទៅ</strong></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល<strong><br /></strong></p>
</div>