<p><span style="color: #000000;"><strong>ភ្នំពេញ៖</strong> តំបន់អង្គរវត្តជាប់លេខ ២ជាតំបន់ដែលអ្នកប្រើប្រាស់ចូលទស្សនាតាម Google Street View បន្ទាប់ពីលេខ១ ធ្លាក់ទៅលើទីក្រុងប៉ារីសប្រទេសបារាំង ដែលអ្នកប្រើប្រាស់ពេញនិយមច្រើនចូលទៅទស្សនាច្រើនជាងគេបំផុត។ លោក Michael Nelson តំណាងក្រុមហ៊ុន Google ប្រចាំតំបន់អាស៊ីប៉ាស៊ីហ្វិក អះអាងប្រាប់រដ្ឋមន្ត្រីក្រសួងព័ត៌មានកម្ពុជា លោកខៀវ កាញារីទ្ធ។</span></p>
<p><span style="color: #000000;">ទីភ្នាក់ងារសារព័ត៌មានជាតិកម្ពុជា (AKP) បានចុះផ្សាយថា ក្នុងជំនួបពិភាក្សាការងារជាមួយរដ្ឋមន្រ្ដីក្រសួងព័ត៌មាន កាលពីរសៀលថ្ងៃទី០១ខែតុលាឆ្នាំ២០១៤ លោក Michael Nelson បាន លើកឡើងថា បច្ចុប្បន្ននេះក្រោយពីការរៀបចំធ្វើផែនទី និង ការថតកន្លែងសំខាន់ៗដាក់នៅក្នុងប្រព័ន្ធ Google បង្ហាញឱ្យឃើញថា តំបន់ដែលមានប្រជាប្រិយភាពខ្លាំងជាងគេទី១ គឺទីក្រុងប៉ារីស, ទី២តំបន់ អង្គរវត្ដ និង ទី៣ មហាជ្រលងនៅ សហរដ្ឋអាមេរិក ដែលកាលពីមុនកន្លែង នេះបានទទួលការគាំទ្រទី២ នៅក្នុង Google ។</span></p>
<p><span style="color: #000000;"> លោកបន្ដថា «ឥឡូវនេះ តំបន់អង្គរវត្ដរបស់ប្រទេសកម្ពុជា បានក្លាយទៅជាកន្លែង ដែលមានប្រជាប្រិយភាព ខ្លាំងជាងគេ ក្នុងចំណោមអ្នកប្រើប្រាស់ផែនទី Google Street Viewនៅទូទាំងពិភពលោក»។</span></p>
<p><span style="color: #000000;">លោកលើកឡើងថា ការប្រើប្រាស់ផ្នែកបច្ចេកវិទ្យាព័ត៌មាននៅ ក្នុងប្រទេសកម្ពុជាមានការរីកចម្រើន ពិសេសក្រុមយុវជន ដែល ផែនទី Google បានបើកដំណើរការ និង បានថតនៅតាមទីប្រជុំជន និង ទីក្រុងធំៗជាច្រើន ព្រមទាំងបន្ដការងារនៅតាមកន្លែងសំខាន់ជា ច្រើនទៀត ។</span></p>
<p><span style="color: #000000;">លោក ខៀវ កាញារីទ្ធ រដ្ឋមន្រ្ដីក្រសួងព័ត៌មានបានសម្ដែង សេចក្ដីរីករាយចំពោះក្រុមហ៊ុន Google ដែលរៀបចំផែនទី និង ថតរូប ភាពក្នុងកន្លែងសំខាន់ៗ នៅក្នុងប្រទេសកម្ពុជា ដាក់ក្នុងផែនទី Google ហើយផ្ដល់ឱកាសឱ្យមាន ការប្រើប្រាស់ប្រព័ន្ធអ៊ិនធឺណែត ព្រោះថា ប្រព័ន្ធអ៊ិនធឺណែតបានចូលរួម ចំណែកយ៉ាងច្រើន ដល់ការអភិវឌ្ឍផ្នែក បច្ចេកវិទ្យានៅក្នុងសង្គមកម្ពុជា។</span></p>
<p><span style="color: #000000;">លោករដ្ឋមន្រ្ដីលើកឡើងថា សព្វថ្ងៃនេះនៅកម្ពុជា តួលេខធម្មតាចំពោះកម្រិត ដែលអ្នកប្រើប្រាស់ អ៊ិនធឺណែតមាន ចំនួន១០ភាគរយ ប៉ុណ្ណោះនៅក្នុងការចុះបញ្ជី ប៉ុន្ដែការពិតចំនួន អ្នកប្រើប្រាស់ពិតប្រាកដ មានច្រើនជាងនេះ ដោយសារបច្ចុប្បន្ននេះ ប្រជាជនកម្ពុជាសរុបមាន ប្រមាណជាង១៤លាននាក់ ក្នុងនោះអ្នកប្រើប្រាស់ លេខទូរស័ព្ទមាន រហូតដល់១៩លានលេខ ដែលភាគច្រើនចំពោះយុវជន ដូច្នេះឃើញ ថា បើនិយាយអំពីចំនួនអ្នកដែលប្រើប្រាស់អ៊ិនធឺណែតនោះគឺមានចំ នួនច្រើនជាង ការចុះបញ្ជី ពិសេសប្រព័ន្ធទូរស័ព្ទស្មាតហ្វូនដែល អនុញ្ញាតឱ្យប្រើប្រាស់ផ្ទាល់ជាមួយនឹងអ៊ិនធឺណែត៕</span></p>
<p><span style="color: #000000;">បញ្ជាក់ ៖ ដើម្បីងាយស្រួល ក្នុងការទស្សនា ប្រាង្គប្រាសាទអង្គរវត្ត តាមរយៈ Google Street View ទស្ស និកជនទាំងអស់គ្នា អាចចូលទៅ គេហទំព័រដើម Google រួចធ្វើការស្រាវជ្រាវ នូវពាក្យគន្លឺះ<a href="https://www.google.com/maps/views/view/streetview/angkor/angkor-wat/pIiNawauObVB0gtOzRo4Ng?gl=us&heading=238&pitch=97&fovy=75" target="_blank"><span style="color: #0000ff;"> Angkor Wat Google Street View</span></a> ជាការស្រេច នោះលទ្ធផល នឹងស្តែងចេញឡើង ជាមួយនឹងតំណភ្ជាប់<a href="https://www.google.com.kh/#q=Angkor+Wat+Google+Street+View" target="_blank"> <span style="color: #0000ff;">(Link)</span></a> ៕</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2014/10/3/chetha-74-03-10-2014--09-28-37.jpg"><img src="/FileManager/Articles/mce/2014/10/3/chetha-74-03-10-2014--09-28-37.jpg" alt="" width="569" height="288" /></a><br /></span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2014/10/3/angkor-wat-cambodia-camnews-03-10-2014--11-19-23.jpg"><img src="/FileManager/Articles/mce/2014/10/3/angkor-wat-cambodia-camnews-03-10-2014--11-19-23.jpg" alt="" width="550" height="255" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>