<p>ព័ត៌មានអន្តរជាតិ ៖ យោងតាមការដកស្រង់ សម្រង់អត្ថបទផ្សាយ ពីគេហទំព័រសារព័ត៌មានបរទេស សឹង្ហបុរី Channelnewsasia ដែលទើបតែបានចេញផ្សាយ កាលពីប៉ុន្មានម៉ោងមុននេះ បន្តិចអោយ ដឹងថា មេដឹកនាំ ការតវ៉ា ប្រឆាំងទៅនឹងរដ្ឋាភិបាល ប្រទេសថៃ លោក Suthep Thaugsuban ក៏ដូច ជាបណ្តាមេដឹកនាំ ៤ រូបទៀត ដែលបានដឹកនាំ ចលនាប្រឆាំង ទៅនឹងរដ្ឋាភិបា លដូចគ្នានេះ មកពី គណៈកម្មាធិការ កំណែទម្រង់ ប្រជាធិបតេយ្យ របស់ ប្រជាជន (PDRC) កាលពីថ្ងៃច័ន្ទ ម្សិលមិញ បានរងនូវការចោទប្រកាន់ ពីបទ បះបោរ ។</p>
<p><a class="thickbox" title="" href="/FileManager/Commons/2014/5/27/06-27-05-2014--10-17-49.jpg"><img src="/FileManager/Articles/mce/2014/5/27/06-27-05-2014--10-17-49.jpg" alt="" /></a></p>
<p>យ៉ាងណាមិញ បើតាមការអោយដឹង ពីកាសែតក្នុងស្រុក ប្រទេស ថៃ បាងកកប៉ុស្តិ៍ អះអាងអោយ ដឹងថា បណ្តាមេដឹកនាំ ៥ រូប ត្រូវបានគេដោះលេង ក្រោយពីមានការឃុំឃាំង ដោយកម្លាំងយោធា ធ្វើរដ្ឋប្រហារ ខណៈក្រោយមក មានការនាំខ្លួន យកទៅការិយាល័យ របស់អគ្គមេធាវី នៅព្រឹកថ្ងៃចន្ទ ដើម្បីប្រឈមមុខ នឹងការចោទប្រកាន់ ការបះបោរ ។</p>
<p>គួររំឮកថា បណ្តាមេដឹកនាំ ការតវ៉ា ទាំងអស់នេះត្រូវបានកងកម្លាំងយោធាធ្វើការចាប់ឃាត់ខ្លួនកាល ពីថ្ងៃព្រហស្បត្តិ៍ កន្លងទៅនេះ ខណៈមានការធ្វើរដ្ឋប្រហារ យោធា ពីសំណាក់ ប្រមុខយោធាប្រទេស ថៃ លោក Prayut Chan-O-Cha ។</p>
<p><a class="thickbox" title="" href="/FileManager/Commons/2014/5/27/08-27-05-2014--10-17-58.jpg"><img src="/FileManager/Articles/mce/2014/5/27/08-27-05-2014--10-17-58.jpg" alt="" /></a></p>
<p>សេចក្តីរាយការណ៍ បញ្ជាក់បន្តអោយដឹងថា PDRC បានធ្វើការតវ៉ា ប្រឆាំងទៅនឹងរដ្ឋាភិបាល អស់ រយៈកាលជាច្រើនខែ ដោយនៅក្នុងនោះ តម្រូវអោយ មានការចុះចេញពីតំណែងនិងធ្វើកំណែទម្រង់ សាជាថ្មី ស្របពេលដែលក្រុមបះបោរ ទាំងនេះ បានចោទប្រកាន់ រដ្ឋាភិបាល ចាំផ្ទះ របស់លោកស្រី យីងឡាក់ ស៊ីណាវ៉ាត់ត្រា ថាបានប្រព្រឹត្តិអំពើពុករលួយ ៕</p>
<p style="text-align: right;">ប្រែសម្រួល ៖ កុសល<br /> ប្រភព ៖ channelnewsasia</p>