<p>ព័ត៌មានអន្តរជាតិ ៖ ប្រធានាធិតបី សហរដ្ឋអាមេរិក បារ៉ាក់ អូបាម៉ា បានចេញសេចក្តីប្រកាស ជាផ្លូវការ ដោយអនុញ្ញាតអោយមានការវាយប្រហារ តាមអាកាស ប្រឆាំងទៅនឹងក្រុមឧទ្ទាម Sunniដែលកំពុងតែ មានឥទ្ធិពលនៅក្នុងប្រទេស អ៊ីរ៉ាក់ ដោយនៅក្នុងនោះ លោកគូសបញ្ជាក់អោយដឹងថា វា គឺជាចំណាត់ ការមួយ ដើម្បីការពារទៅនឹង អំពើប្រល័យពូជសាសន៍ នៅក្នុងប្រទេស ។</p>
<p>ពួកយើងអាចធ្វើសកម្មភាព ដោយមានការទទួលខុសត្រូវខ្ពស់ និង ប្រុងប្រយ័ត្នជាទីបំផុត ក្នុងន័យការ ពារសកម្មភាពណាមួយដែលអាចឈានទៅដល់ ការប្រល័យពូជសាសន៍ នេះ បើតាមការគូសបញ្ជាក់ អោយដឹងពីលោក អូបាម៉ា កាលពីថ្ងៃព្រហស្បត្តិ៍ ម្សិលមិញនេះ ។ បន្ថែមពីលើនេះ លោកបញ្ជាក់បន្ត អោយដឹងថា ជាលទ្ធផល លោកបានធ្វើសេចក្តីសម្រេច ដោយមានបទអន្តរាគមន៍ វាយប្រហារតាមអា កាសក្នុងការផ្តល់ជាជំនួយ ដល់កងកម្លាំង ប្រទេស អ៊ីរ៉ាក់ ស្របពេលដែល ពួកគេ កំពុងតែប្រយុទ្ធប្រ ឆាំងទៅនឹងក្រុមឧទ្ទាម ដែលបានរឹបអូស បណ្តាក្រុងធំៗ និងសំខាន់ៗ ក៏ដូចជា ជួយរំដោះជនស៊ីវិល ដែលបានជាប់នៅទីនោះ ។ </p>
<p><a class="thickbox" title="" href="/FileManager/Commons/2014/8/8/001-08-08-2014--10-56-36.jpg"><img src="/FileManager/Articles/mce/2014/8/8/001-08-08-2014--10-56-36.jpg" alt="" /></a></p>
<p>គួរបញ្ជាក់ថា លោក អូបាម៉ា ចេញសេចក្តីប្រកាសមួយនេះ ក្នុងរយៈពេលប៉ុន្មានម៉ោងក្រោយ បន្ទាប់ពី ក្រុមប្រឹក្សាអង្គការសហប្រជាជាតិ បានធ្វើការថ្កោលទោស ទៅលើការវាយប្រហារចុងក្រោយនេះ ពីសំ ណាក់ក្រុមឧទ្ទាម អ៊ីស្លាមជ្រុលនិយម នៅក្នុងប្រទេស អ៊ីរ៉ាក់ ដោយនៅក្នុងនោះ មាន ការអំពាវនាវ អោយមានការផ្តល់ការគាំទ្រ ជំនួយ និងបទអន្តរាគមន៍ ពីសំណាក់សហគមន៍ អន្តរជាតិ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ aljazeera</p>