<p><span style="color: #000000;"><strong>កំពត៖</strong> រយៈពេលត្រឹមតែមួយម៉ោងប៉ុណ្ណោះឧប្បត្តិហេតុ គ្រោះថ្នាក់ចរាចរណ៍បានកើតឡើងផ្ទួនៗគ្នា នៅលើកំ ណាត់ផ្លូវជាតិ លេខ៣ (កំពត-ព្រះសីហនុ) បណ្តាលឲ្យជនជាតិខ្មែរ-ឥស្លាម ២នាក់ប្តី-ប្រពន្ធស្លាប់ ខណៈកូន ២នាក់ និង មន្រ្តីពេទ្យ ២នាក់ទៀតរង របួស-ធ្ងន់ស្រាល។ ហេតុការណ៍គ្រោះថ្នាក់ចរាចរណ៍នេះ បានកើតឡើងនៅភូមិព្រែក ចេក ឃុំកោះតូច ស្រុកទឹកឈូ ខេត្តកំពត។</span></p>
<p><span style="color: #000000;">តាមមន្រ្តីនគរបាលនៅកន្លែងកើតហេតុ បានប្រាប់ឲ្យដឹងថា នៅវេលាម៉ោង ៨៖៥០នាទីព្រឹកថ្ងៃទី២៦ ខែឧសភា ឆ្នាំ២០១៥នេះ មានរថយន្តកូរ៉េចំណុះមួយតោតមួយគ្រឿង បានបើកបុកជនជាតិខ្មែរ-ឥស្លាម ២នាក់ប្តីប្រពន្ធ កំពុងជិះម៉ូតូ បណ្តាលឲ្យស្លាប់ ភ្លាមៗនៅដងផ្លូវ។ លុះមួយម៉ោងក្រោយ ពោលនៅម៉ោង ៩៖៥០នាទី កូនៗ ជន រងគ្រោះ រួមនិងរថយន្តសង្រ្គោះ បានមកដឹក យកសពជនរងគ្រោះ ២នាក់ប្តីប្រពន្ធ។</span></p>
<p><span style="color: #000000;">វាជាគ្រោះអកុសលថ្មីមួយទៀត ដែលនឹកស្មានមិនដល់ និងស្ទើរតែមិនជឿនោះ គ្រាដែលមន្រ្តីពេទ្យ និងកូនៗជន រងគ្រោះ កំពុងលើកសពដាក់លើរថយន្តរៀបចំដឹកទៅគេហដ្ឋាន ដើម្បីធ្វើបុណ្យ ស្រាប់តែមានរថយន្តក្រុងមួយ គ្រឿងបើកក្នុងទិស ដៅពីខេត្តព្រះសីហនុ ឆ្ពោះមកខេត្តកំពត បានជ្រុលទៅបុករថយន្តលុច្សស៊ីសកូនជនរងគ្រោះ នៅលើផ្លូវ ហើយជ្រុលទៅបុករថយន្តពេទ្យដឹកសពបន្ថែមទៀត។</span></p>
<p><span style="color: #000000;">ការបុករះរបស់រថយន្តក្រុងនេះ បានធ្វើឲ្យកូនៗ ដែលទៅទទួលសពឪពុក-ម្តាយ ក៏ត្រូវរងគ្រោះធ្ងន់ធ្ងរ ហើយ មន្រ្តីពេទ្យ ២នាក់ កំពុងរៀបចំសពដាក់លើរថយន្តដឹកទៅស្រុកនោះ ក៏រងរបួសធ្ងន់ផងដែរ។</span></p>
<p><span style="color: #000000;">ក្នុងឧប្បត្តិហេតុគ្រោះថ្នាក់ចរាចរណ៍នេះ ក្រៅពីរថយន្តរងការខូចខាតហើយនោះ នៅមានម៉ូតូប្រមាណ ៤គ្រឿង ទៀត ក៏ត្រូវរងការខូចខាតផងដែរ។ ទោះបីជាយ៉ាងណាក្រោយកើតហេតុភ្លាមៗ អ្នកបើកបររថយន្តក្រុង ដែល មានវ័យក្មេង ត្រូវបានសមត្ថកិច្ចឃាត់ខ្លួន តែអ្នកបើកបររថយន្តកូរ៉េ បានរត់គេចខ្លួនបាត់ហើយ។</span></p>
<p><span style="color: #000000;">សមត្ថកិច្ច បានឲ្យដឹងថា បុរសជនជាតិខ្មែរ-ឥស្លាម ដែលស្លាប់មានឈ្មោះ ទូច ម៉ាត់ អាយុ ៦៣ឆ្នាំ រីឯភរិយា ឈ្មោះ ឡោះ អាប់អះ អាយុ ៣៥ឆ្នាំ មានលំនៅឋាននៅភូមិ តាដឹប សង្កាត់អណ្តូងខ្មែរ ក្រុងកំពត៕</span></p>
<p><span style="font-size: 12px;"><a class="thickbox" title="" href="/FileManager/Commons/2015/5/26/5-26-2015-11-40-17-am-26-05-2015--11-56-54.png"><img src="/FileManager/Articles/mce/2015/5/26/5-26-2015-11-40-17-am-26-05-2015--11-56-54.png" alt="" /></a></span></p>
<p><a class="thickbox" title="" href="/FileManager/Commons/2015/5/26/5-26-2015-11-40-29-am-26-05-2015--12-06-40.png"><img src="/FileManager/Articles/mce/2015/5/26/5-26-2015-11-40-29-am-26-05-2015--12-06-40.png" alt="" /></a></p>
<p><a class="thickbox" title="" href="/FileManager/Commons/2015/5/26/5-26-2015-11-40-41-am-26-05-2015--12-07-01.png"><img src="/FileManager/Articles/mce/2015/5/26/5-26-2015-11-40-41-am-26-05-2015--12-07-01.png" alt="" /></a><a class="thickbox" title="" href="/FileManager/Commons/2015/5/26/5-26-2015-11-40-29-am-26-05-2015--12-06-40.png"></a></p>
<p><a class="thickbox" title="" href="/FileManager/Commons/2015/5/26/5-26-2015-11-40-29-am-26-05-2015--12-06-40.png"></a><span style="font-size: 12px;"><a class="thickbox" title="" href="/FileManager/Commons/2015/5/26/5-26-2015-11-40-17-am-26-05-2015--11-56-54.png"></a></span></p>
<p style="text-align: right;"><span style="font-size: 12px;">ផ្ដល់សិទ្ធដោយ៖ ដើមអម្ពិល </span></p>