<p>ប្រធានាធិបតីប្រទេសយេម៉ែន លោក Abd-Rabbu Mansour Hadi កាលពីម្សិលមិញបានប្រកាស<br />ចុះចេញពីតំណែង បណ្ដាលឱ្យប្រទេស កាន់តែធ្លាក់ទៅក្នុងភាពវឹកវរ នាំឱ្យអាមេរិក ត្រូវដកបុគ្គ<br />លិកការទូតរបស់ខ្លួន ចេញពីទីក្រុង Sanna ។</p>
<p style="text-align: center;"><a class="thickbox" title="" href="/FileManager/Commons/2015/1/23/yemen-23-01-2015--15-55-10.jpg"><img src="/FileManager/Articles/mce/2015/1/23/yemen-23-01-2015--15-55-10.jpg" alt="" /></a></p>
<p style="text-align: center;">ប្រធានាធិបតីយេម៉ែន លោក Abd-Rabbu Mansour Hadi សុខចិត្តចុះចេញពីតំណែង<br /><br /></p>
<p>ទំព័រ Reuters ដកស្រង់សម្ដីរបស់អ្នកនាំពាក្យរដ្ឋាភិបាល យេម៉ែន ដែលនិយាយអំពីលិខិតរដ្ឋា<br />ភិបាល ផ្ញើទៅកាន់សាធារណជន ឱ្យដឹងថា “យើងខ្ញុំសូមអភ័យទោសចំពោះប្រទេសជាមិត្ត សភា <br />និងប្រជាជន យេម៉ែន បន្ទាប់ពីយើងបានដើរដល់ទីបញ្ចប់”។ លិខិតនេះ ត្រូវបានផ្ញើជូនប្រធាន<br />សភា ដែលជាអ្នកត្រូវដឹកនាំប្រទេសបណ្ដោះអាសន្នរបស់យេម៉ែន ទៅតាមរដ្ឋធម្មនុញ។</p>
<p>Sultan al-Atwani ដែលជាទីប្រឹក្សាម្នាក់របស់ប្រធានាធិតី Abd-Rabbu Mansour Hadi បង្ហើបឱ្យដឹង<br />ថា លោកចុះចេញពីតំណែង ព្រោះតែសម្ពាធ និងការគំរាមពីចលនាបះបោរ Houthi ។ រដ្ឋសភា<br />យេម៉ែន នឹងបើកកិច្ចប្រជុំនៅថ្ងៃស្អែក ដើម្បីធ្វើការសម្រេចចិត្តថា តើត្រូវទទួលយក ឬបដិសេធ<br /> សំណើរលាលែងពីតំណែងរបស់លោក Abd-Rabbu Mansour Hadi។</p>
<p style="text-align: center;"><a class="thickbox" title="" href="/FileManager/Commons/2015/1/23/yemen4-23-01-2015--15-56-36.jpg"><img src="/FileManager/Articles/mce/2015/1/23/yemen4-23-01-2015--15-56-36.jpg" alt="" /></a></p>
<p style="text-align: center;">ក្រុមបោះបោរ Houthi នៅយេម៉ែន<br /><br /></p>
<p>ការប្រការចុះចេញពីតំណែងរបស់ប្រធានាធិតី បានធ្វើឱ្យប្រទេសដែលមានប្រជាជន ២៥លាន<br />នាក់នៅលើឧបទ្វីប Arab នេះ មានការភ្ញាក់ផ្អើល។ ការសម្រេចរបស់លោកប្រធានាធិបតី ត្រូវបាន<br />ធ្វើឡើង បន្ទាប់ពីនាយករដ្ឋមន្ដ្រីយេម៉ែន បានដាក់ពាក្យសុំលាលែងពីតំណែង ព្រោះតែមិនចង់ធ្លាក់<br />ទៅក្នុងអ្វីដែលគេហៅថា “ផ្លូវវង្វេងនៃនយោបាយដែលខ្វះសហការណ៍”។</p>
<p>ក្រុង Washington កាលពីម្សិលមិញ ក៏បានចេញសេចក្ដីប្រកាសថា នឹងដកបុគ្គលិកការទូតអាមេរិក <br />ចេញពីក្រុង Sanaa ដោយសារស្ថានភាពសន្តិសុខនៅទីនេះ មានភាពអាក្រក់ឡើងៗ ប៉ុន្ដែ មិនទាន់<br />មានគម្រោងបិទទ្វារស្ថានទូតអាមេរិក នៅយេម៉ែន នៅឡើាយ។</p>
<p>ប៉ុន្មានខែកន្លងមកនេះ អាមេរិក បានដកបុគ្គលិកស្ថានទូតរបស់ខ្លួនជាច្រើន ចេញពីប្រទេសយេម៉ែន <br />ទុកតែបុគ្គលិកសំខាន់ៗ នេះបើតាមសម្ដីរបស់មន្ដ្រីម្នាក់នៃក្រសួងការបរទេសអាមេរិក។ មន្ដ្រីរូបនេះ<br /> បន្តថា បុគ្គលិកស្ថានទូតអាមេរិកនៅយេមែន នៅតែបំពេញការងារ ប៉ុន្ដែ ពួកគេក៏នឹងតាមដាន<br />សភាពការជាក់ស្ដែង។</p>
<p style="text-align: center;"><a class="thickbox" title="" href="/FileManager/Commons/2015/1/23/yemenjpg0-23-01-2015--16-05-07.jpg"><img src="/FileManager/Articles/mce/2015/1/23/yemenjpg0-23-01-2015--16-05-07.jpg" alt="" /></a></p>
<p style="text-align: center;">ទាហានរបស់ក្រុម Houthi ពាក់ឯកសណ្ឋានយោធា ឈរយាមនៅតាមដងផ្លូវដែលឆ្ពោះទៅ<br />កាន់វិមានប្រធានាធិបតី<br /><br /></p>
<p>រដ្ឋាភិបាលរបស់លោក Barack Obama មានការភ្ញាក់ផ្អើលជាខ្លាំង នៅពេលប្រធានាធិបតីយេម៉េន<br /> សម្រេចចិត្តចុះចេញពីតំណែង ព្រោះថា ប្រទេសនេះ គឺជាសម្ព័ន្ធមិត្តសំខាន់មួយរបស់អាមេរិក។<br /> ប្រទេសយេម៉េន ធ្លាប់បានគាំទ្រអាមេរិក ក្នុងការវាយប្រហារតាមអាកាស និងសកម្មភាពរបស់កង<br />កម្លាំងពិសេសអាមេរិក ប្រឆាំងនឹងក្រុមភេរវកម្ម al-Qaeda។</p>
<p>អាមេរិកកំពុងតែព្រួយបារម្ភចំពោះក្រុម al-Qaeda នៅឧបទ្វីប Arab (AQAP) ដែលអាចនឹងឆ្លៀត<br />ឱកាសអំឡុងពេលយេម៉ែន ធ្លាក់ក្នុងភាពវឹកវរ ដើម្បីវាយប្រហារទៅលើផលប្រយោជន៍របស់លោក<br />ខាងលិខ។ គួររំលឹកថា AQAP ធ្លាប់បានប្រកាសទទួលខុសត្រូវចំពោះការវាយប្រហារសម្លាប់មនុស្ស<br /> នៅក្រុងបារីស ប្រទេសបារាំង កាលពីដើមខែមករា។</p>
<p style="text-align: center;"><a class="thickbox" title="" href="/FileManager/Commons/2015/1/23/yemen2-23-01-2015--15-57-26.jpg"><img src="/FileManager/Articles/mce/2015/1/23/yemen2-23-01-2015--15-57-26.jpg" alt="" /></a></p>
<p style="text-align: center;">អាមេរិក កំពុងតែបាត់បង់មូលដ្ឋាននៅយេម៉ែន បណ្ដាលឱ្យការប្រឆាំងភេរវកម្មក្នុងតំបន់នេះ <br />ជួបឧបសគ្គ<br /><br /></p>
<p>អតីតមន្ដ្រីអាមេរិកម្នាក់ និយាយថា ព្រឹត្តិការណ៍នៅយេម៉ែន នឹងប៉ះពាល់ខ្លាំងដល់បេសកកម្មវាយ<br />ប្រហារតាមអាការ និងយុទ្ធនាការប្រឆាំងនឹងក្រុមភេរវកម្មរបស់ក្រុង Washington ព្រោះថា ប្រសិន<br />បានកាន់កាប់រដ្ឋាភិបាល ក្រុម Houthi នឹងស្នើឱ្យបញ្ឈប់សកម្មភាព។ មន្ដ្រីផ្សេងៗទៀត យល់ថា បើ<br />ទោះជា Houthi ចង់កាន់កាប់អំណាចបន្ថែម ប៉ុន្ដែ ចលនានេះ ប្រហែលមិនចង់ទទួលខុសត្រូវ ក្នុង<br />ការ គ្រប់គ្រងប្រទេសមួយដែលត្រូវបានបែកបាក់នោះដែរ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ businessinsider<br /><br /></p>