<p><span><strong></strong>លោក Carlo Ancelotti ត្រូវបានតែងតាំង ជាគ្រូបង្វឹកថ្មីរបស់ក្លឹប ស្តេចស Real Madrid របស់<br />អេស្ប៉ាញ នាព្រឹកថ្ងៃពុធ ទី២៦មិថុនានេះ ជាផ្លូវការហើយ ស្របពេលដែល លោក Laurent<br /> Blanc បានចូលទៅដឹកនាំក្លឹប Paris St-German(PSG) ជំនួសវិញ ។</span></p>
<p>ប្រភពព័ត៌មាន ពីគេហទំព័រ BBC បានឱ្យដឹងថា ក្រោយពីដឹកនាំក្លឹប PSG លើកពានក្របខណ្ឌ<br /> League 1 របស់បារាំងរួចមក Ancelotti បានស្នើសុំម្ចាស់ក្លឹប ចាកចេញទៅកាន់ Real ខណៈ<br />ដែលកៅអីកំពុងនៅទំនេរនៅឡើយនោះ។ ការចាកចេញពីទឹកដីបារាំង មកកាន់ទឹកដីអេស្ប៉ាញ<br />នេះ Ancelotti វ័យ ៥៤ឆ្នាំ បានចុះកិច្ចសន្យា រយៈពេល៣ឆ្នាំជាមួយក្លឹប ស្តេចសជំនួសកៅអី <br />លោក Jose Mourinho ដែលបានផ្លាស់ទៅ ដឹកនាំក្លឹប Chelsea វិញនោះ ។</p>
<p>ក្រោយពីលោក Ancelotti បានចាកចេញនោះ PSG ក៏បានតែងតាំង គ្រូបង្វឹកជាតិបារាំង វ័យ ៤៧<br /> ឆ្នាំ លោក Laurent Blanc ចូលដឹកនាំជំនួសវិញ ជាមួយនឹងកិច្ចសន្យា រយៈពេល ២ឆ្នាំ នៅពហុ<br />កីឡដ្ឋាន Parc des Princes ហើយគាត់នឹងចូលបង្វឹកក្រុម PSG ដំបូងនាថ្ងៃទី០១ កក្កដាខាងមុខ។</p>
<p>អតីតកីឡាករខ្សែការពារ កណ្តាលរបស់ក្លឹប Montpellier, Auxerre, FC Barcelona, Inter Milan <br />និងManchester United បានជួយឱ្យក្រុមជម្រើសជាតិ មាន់គកបារាំងឈ្នះពាន World Cup លើក<br />ទី ១ឆ្នាំ ១៩៩៨ និងពានប្រចាំទ្វីបអឺរ៉ុប UEFA Euro ឆ្នាំ២០០០ ផងដែរ ។</p>
<p>សូមរំលឹកថា Ancelotti បានចូលមកដឹកនាំ ក្លឹប PSG នាអំឡុង ឆ្នាំ២០១១ និងបានឈ្នះពាន តែ<br />មួយគត់គឺ League 1 នារដូវកាលឆ្នាំ ២០១២-២០១៣ នេះ ដែលអតីតកីឡាករ ខ្សែបម្រើអន្តរជាតិ<br /> អ៊ីតាលីរបស់ក្លឹប Parma, AS Roma និង AC Milan បានដឹកនាំក្លឹប Parma, Juventus និង Milan <br />ឈ្នះពាន Champions League នាអំឡុងឆ្នាំ២០០៣ និង២០០៧ ដោយស្របទៅនឹង Real Madrid<br /> សង្ឃឹមថាគាត់នឹងដឹកនាំល្អ ដូចកាលនោះដែរជាបន្តទៀត៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-099/v_0593.jpg" alt="" width="500" /></p>
<p style="text-align: center;"><span style="font-family: Hanuman; font-size: 15.555556297302246px; line-height: 30px;">លោក Laurent Blanc និង លោក <span style="font-family: Hanuman; font-size: 15.555556297302246px; line-height: 30px;">Carlo Ancelotti</span></span></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល<br /><strong></strong></p>