<p><span style="color: #000000;">ភ្នំពេញ ៖ ស្នងការនគរបាល រាជធានីភ្នំពេញ លោកឧត្តមសេនីយ៍ ជួន សុវណ្ណ ថ្លែងឲ្យដឹង នៅយប់ថ្ងៃទី៣០ ខែឧសភា ឆ្នាំ២០១៥ថា ការស្លាប់របស់យុវសិស្ស នៅវិទ្យាល័យ ប៊ុន រ៉ានី ហ៊ុន សែន វត្តភ្នំ អាចបណ្តាលមកពីបញ្ហាសុខភាព ដូចជាខ្យល់គ ឬគាំងបេះដូងជាដើម មិនមែនមកពីការពុលស្រ្ពាយ៍នោះទេ ។ លោកឧត្តមសេនីយ៍ ជួន សុវណ្ណ បានបញ្ជាក់ពីដំណើររឿងថា នៅរសៀលថ្ងៃនេះ ជនរងគ្រោះ និងមិត្តភក្តិរបស់ខ្លួន ចំនួន៣នាក់បានមករត់សម នៅកោះពេជ្យ ដោយលាបម្សៅ លាបស្រ្ពាយ៍ លើដងខ្លួន និងសក់ ដើម្បីត្រៀមចូលរួមរត់ ប្រណាំងនៅថ្ងៃស្អែក លុះពេលរត់បាន២ទៅ៣ជុំ កោះពេជ្យ ក៏ឈប់មកឈរមើល នៅកន្លែងប្រគុំកម្មវិធី ហើយភ្លាមៗនោះ ក៏ដួលសន្លប់ ហើយត្រូវបានរថយន្តសង្គ្រោះបន្ទាន់ ដែលប្រចាំការនៅកោះពេជ្យ បានជួយដឹកយកទៅកាន់មន្ទីរពេទ្យ ក៏ស្លាប់នៅតាមផ្លូវតែម្តង។ </span></p>
<p><span style="color: #000000;">លោក ជួន សុវណ្ណ បានបន្តទៀតថា «បើពុលស្ព្រាយ៍មែននោះ គឺមិនមែនតែ ជនរងគ្រោះម្នាក់ទេ ដែលពុល គឺមានមិត្តភក្តិ របស់ជនរងគ្រោះផងដែរ» ។</span></p>
<p><span style="color: #000000;">ចំណែកឯ យុវជនសីហា ដែលជាមិត្តភក្តិ របស់ជនរងគ្រោះ បានប្រាប់ឲ្យដឹងថា មុខពេលកើតហេតុខណ:រូបគេ និងជនរងគ្រោះ មានគ្នា៣ នាក់ កំពុងឈរមើលការ ប្រគុំកម្មវិធី ស្រាប់តែមានការបាញ់ស្រា្ពយពណ៏ យ៉ាង ខ្លាំងពេលនោះ ស្រាប់ ជនរងគ្រោះ ដួលតែម្តង ហើយ បានស្លាប់ពេល កំពុងដឹកយកទៅមន្ទីរពេទ្យ។ ដោយឡែក មន្រ្តីអាវុធហត្ថជាន់ខ្ពស់មួយរូប ដែលកំពុងស្ថិត នៅក្នុងកម្មវិធី នោះ ក៏បានថ្លែងថា ជនរងគ្រោះ ដួលស្លាប់ សង្ស័យ មកពីការ បាញ់ស្រា្ពយ នេះផងដែរ ។</span></p>
<p><span style="color: #000000;">យ៉ាងណាក៏ដោយ លោក យិន សាន អធិការខណ្ឌចំការមន បានបដិសេធដោយប្រាប់ថា ការស្លាប់របស់ជនរងគ្រោះ អាចបណ្តាលមកពីអស់ កម្លាំង នាំអោយ ខ្យល់គ ពីព្រោះមុនពេល មកឈរមើល ការប្រគុំ កម្មវិធីនោះ គឺជនរងគ្រោះ បានរត់ មួយជុំ ២ ជុំ ជាមួយមិត្តភក្តិ របស់ខ្លួន ហើយថែមទាំង បានលាបខ្លួន និងលេងខ្លួនទៀតផង ។ មិនខុសពី លោក យិន សាន ប៉ុន្មាន លោក ឡុង ឌីម៉ង់ អ្នកនាំពាក្យ សាលា រាជធានីភ្នំពេញ ក៏បានបញ្ជាក់ថា ការស្លាប់របស់ជនរងគ្រោះ គឺមកពីខ្យល់គរ ។</span></p>
<p><span style="color: #000000;">យ៉ាងណាក៏ដោយ បានទៅថតរូបសពជនរងគ្រោះ នៅមន្ទីរពេទ្យ កាល់ម៉ែត បានឃើញ មានស្រ្ពាយពណ៌ លើសពជនរងគ្រោះ ជាច្រើន ខណ:សាច់ញាតិ របស់សព មិនទាន់បញ្ជាក់ពីការស្លាប់ពិតប្រាកដនៅឡើយទេ។</span></p>
<p><span style="color: #000000;">សូមបញ្ជាក់ថា ការភ្ញាក់ ផ្អើល មួយ នៅកន្លែងការប្រគុំតន្រ្តីមិត្តហ្វូន នៅកោះពេជ្យ នារសៀលថ្ងៃទី៣០ ខែឧសភា ឆ្នាំ២០១៥នេះ ក្រោយពីមាន យុវជនសិស្ស នៅវិទ្យាល័យប៊ុន រ៉ានី ហ៊ុន សែន វត្តភ្នំម្នាក់ ឈ្មោះ អ៊ុច ចាន់ថន អាយុ២០ឆ្នាំ បានដួលរហូតដល់ស្លាប់ ដោយសង្ស័យថា អាចបណ្តាលមកពីការពុលស្ព្រាយ៍៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/30/1121578714518349784642028602313149778916232n-30-05-2015--22-48-47.jpg"><img src="/FileManager/Articles/mce/2015/5/30/1121578714518349784642028602313149778916232n-30-05-2015--22-48-47.jpg" alt="" /></a></span></p>
<p><a class="thickbox" title="" href="/FileManager/Commons/2015/5/30/1101029714518349717975362064924713720616499n-30-05-2015--22-49-02.jpg"><img src="/FileManager/Articles/mce/2015/5/30/1101029714518349717975362064924713720616499n-30-05-2015--22-49-02.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/5/30/1121578714518349784642028602313149778916232n-30-05-2015--22-48-47.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>