<p>ប្រសិន អ្នកមានស្មាតហ្វូនប្រភេទថ្លៃ ល្អបំផុត គឺកុំយកវាចេញ នៅកណ្ដាលផ្លូវ ឬនៅទីសាធា<br />រណៈ ដែលមានមនុស្សច្រើន ព្រោះពេលខ្លះ វាអាចធ្វើរងរបួស ឬបាត់បង់ជីវិត។</p>
<p>ហេតុការណ៍អាក្រក់មួយ បានកើតឡើងចំពោះសិស្សស្រីម្នាក់ អាយុ ១៥ឆ្នាំ គឺនាង Rubi Rubio<br /> នៅ Santa Ana , California នៃសហរដ្ឋអាមេរិក។ នៅតាមដងផ្លូវ ត្រឡប់មកផ្ទះ ជាមួយនឹងប្អូន<br />ស្រីអាយុ ៧ឆ្នាំរបស់ខ្លួន Rubio ក៏ជួបនឹងបុរសម្នាក់។ បុរសនេះ សួរថា ពេលនេះ ម៉ោងប៉ុន្មាន<br />ហើយ? ពេលនោះ Rubio ក៏យក iPhone ចេញ ដើម្បីមើលម៉ោង ភ្លាមនោះ ទូរស័ព្ទ iPhone <br />ដែលម្ដាយរបស់នាងទើបទិញឱ្យប្រើ ក៏ត្រូវបុរសម្នាក់នោះ ឆក់យក និងរត់ទៅកាន់រថយន្ដមួយ<br /> ដែលកំពុងរង់ចាំ នៅខាងមុខ។</p>
<p style="text-align: center;"><a class="thickbox" title="" href="/FileManager/Commons/2014/7/10/thief-10-07-2014--11-35-26.PNG"><img src="/FileManager/Articles/mce/2014/7/10/thief-10-07-2014--11-35-26.PNG" alt="" /></a></p>
<p style="text-align: center;">នាង Rubi Rubio នៅ Santa Ana , California នៃសហរដ្ឋអាមេរិក</p>
<p>ត្រូវចោរឆក់បែកនេះ Rubio ក៏ដេញតាម និងបានលោតឡើងលើរថយន្ដនោះ ប៉ុន្ដែ សេចក្ដី<br />រាយការណ៍ ឱ្យដឹងថា Rubio ធ្លាក់ពីរថយន្ដនោះ ហើយបោកក្បាលទៅលើផ្លូវថ្នល់។ ពីរថ្ងៃ<br />ក្រោយមក របួសត្រង់ក្បាល បានបណ្ដាលឱ្យនាង បាត់បង់ជីវិត។ </p>
<p>រឿងរ៉ាវរបស់ Rubio គឺគ្រាន់តែជាករណីមួយ ក្នុងចំណោមករណី ឆក់ iPhone ដែលបាន និង<br />កំពុងកើតឡើងរាល់ថ្ងៃ មិនថា នៅអាមេរិក កម្ពុជា ឬប្រទេសដទៃ។ នៅកម្ពុជា ករណីឆក់ទូរ<br />ស័ព្ទ ក៏កើតមានច្រើន ក្នុងនោះ ចោរខ្លះ ក៏ឆក់បានសម្រេច ខ្លះទៀត ធ្វើឱ្យម្ចាស់ទូរស័ព្ទរង<br />របួស ហើយក៏មានករណីខ្លះ ឆក់មិនបានសម្រេច តែត្រូវគេចាប់បាន និងវាយស្ទើរស្លាប់ ស្ទើរ<br />រស់ផងដែរ។</p>
<p>យ៉ាងនេះក្ដី អ្នកដែលមានទូរស័ព្ទទំនើបៗ គួរតែប្រុសប្រយ័ត្ន និងយកចិត្តទុកដាក់ទៅលើ <br />មនុស្សចម្លែកៗ ដែលនៅក្បែរខ្លួន ព្រោះថា ចោរទាំងនោះ ប្រហែលជាបាន ឬកំពុងតាមដាន<br /> និងដឹងថា អ្នករងគ្រោះមានស្មាតហ្វូនប្រភេទថ្លៃ ដូច្នេះ ពួកគេរៀបចំគម្រោងឆក់ ឬ ប្លន់ នៅ<br />ពេលមានឱកាសល្អ។</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ nydailynews<br /><br /></p>