<p>"ការថើប" គឺជាការបញ្ជាក់ក្តីស្រលាញ់រវាង មនុស្សម្នាក់ទៅលើមនុស្សម្នាក់ទៀត ហើយសម្រាប់យុវវ័យ ឬការថើបក្នុងន័យស្នេហាវិញ វាអាចកើតមានឡើងបាន នៅពេលដែលគូស្នេហ៍ទាំងនោះ មានចិត្តប្រតិ ព័ទ្ធ ស្រលាញ់គ្នាទៅវិញទៅមកដែរ។ ហើយការស្រលាញ់គ្នានេះ វាអាចកើតមានឡើងបានទៀត សោត ក៏ត្រូវបានឆ្លងកាត់ តាមរយះការស្គាល់គ្នា និងរាប់អានគ្នា តាំងពីថ្ងៃដំបូង រហូតដល់ថ្ងៃណាមួយ នោះ បានយល់ ចិត្តថ្លើមគ្នា ប្រគល់ក្តីស្រលាញ់ឲ្យគ្នា ផងដែរ។</p>
<p>ប៉ុន្តែសម្រាប់វីដេអូខ្លីខាងក្រោមនេះ ការថើបជាលើកដំបូង វាបានកើតឡើងភ្លាមៗ ក្នុងពេលដែលដៃគូ ទាំងនោះ ទើបតែជួបគ្នាជាលើកដំបូងប៉ុណ្ណោះ។ វីដេអូ បែបជារឿងខ្លីមួយដែលមានចំណងជើងថា "First Kiss" គឺជាគម្រោងមួយ ដែលបានបង្កើតឡើងដោយ នារីម្នាក់មានឈ្មោះថា Tatia PIlieva។ តាមរយះ វីដេអូរឿងខ្លីនេះ បានបង្ហាញឲ្យយើងឃើញពី មនុស្សចំនួន ២០នាក់ មានស្រីមានប្រុស បានចែកគ្នាចេញ ជា១០គូ ដើម្បីធ្វើការថើបគ្នា ដែលពួកគេទាំង ១០ គូនោះ ទើបតែបានជួបគ្នា ជា លើកដំបូងប៉ុណ្ណោះ។</p>
<p>ជាការពិតណាស់ សម្រាប់អ្នកដែលមិនដែលធ្លាប់បានជួបគ្នា និងមិនធ្លាប់ដែលមានចិត្តស្រលាញ់គ្នា សោះ ហើយត្រូវបានគេតម្រូវឲ្យថើបគ្នានោះ វារមែងតែកើតមានឡើងនូវចិត្ត ខ្មាសអៀនរវាងគ្នា និងគ្នា មិនខានឡើយ។ ប៉ុន្តែមួយរយះពេលខ្លី កន្លងទៅបន្តិច ភាពខ្មាសអៀនគ្នា ក៏បានរលាយចេញពីចិត្ត របស់ពួកគេ បន្តិចម្តងៗ ហើយជំនួសមកវិញនូវសម្លេង "ជីបចឹបៗ" នៃការថើបគ្នាជាលើកដំបូង ស្តាប់ ទៅគួរឲ្យព្រឺសម្បុរ។</p>
<p><a class="thickbox" title="" href="/FileManager/Commons/2014/3/12/3-12-2014-5-40-58-pm-12-03-2014--17-43-28.png"><img src="/FileManager/Articles/mce/2014/3/12/3-12-2014-5-40-58-pm-12-03-2014--17-43-28.png" alt="" /></a></p>
<p>វីដេអូនៃការថើបគ្នាលើកដំបូង ពីសំណាក់មនុស្សដែលជួបគ្នា ក៏ជាលើកដំបូងដែរនេះ ត្រូវបានទទួល នូវការចាប់អារម្មណ៍ចុចចូលទស្សនាយ៉ាងច្រើន ក្នុង Youtube ដែលគិតមកទល់ពេលនេះគឺទទួលបាន ការចុចទស្សនាចំនួន ជាង ២២លាន ដងហើយ ក្រោយពីការបង្ហោះបានរយះពេលតែ ២ថ្ងៃប៉ុណ្ណោះ។</p>
<p>តើវីដេអូរឿងខ្លីនៃ ការថើបដំបូង ដ៏រ៉ូមែនទិចមួយនេះ វាពិសេសពិសាលយ៉ាងណាទៅ បានជាទទួល បានការចុចចូល ទស្សនាយ៉ាងច្រើនសម្បើម ក្នុងរយះពេលដ៏ខ្លីដូច្នេះ? ដើម្បីបំបាត់ចម្ងល់ មានតែចូល រួមតាមដាន ទស្សនានូវវីដេអូខាងក្រោមនេះ ទាំងអស់គ្នា៖</p>
<p style="text-align: center;"><object width="500" height="400" data="http://www.youtube.com/v/IpbDHxCV29A&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/IpbDHxCV29A&rel=1" /></object></p>
<p style="text-align: center;"> </p>
<p style="text-align: right;">ដោយ៖ សិលា<br />វីដេអូ៖ youtube</p>