<p><strong>ភ្នំពេញៈ</strong> សម្រាប់រយៈពេល ៣ថ្ងៃ នៃការរៀបចំពិធីបុណ្យសមុទ្រ លើកទី២ ដែលធ្វើនៅលើ ឆ្នេរសមុទ្រខេត្តកែប ចាប់ពីថ្ងៃទី០៦-០៨ ខែធ្នូ ឆ្នាំ២០១៣នេះ នឹងមានកីឡាចំនួន ១១ប្រភេទ ត្រូវបង្ហាញខ្លួននៅលើ វាលខ្សាច់ដ៏ស្រស់ស្អាតនោះ ដើម្បីចូលរួមអបអរសាទរ តំបន់ឆ្នេរកម្ពុជា ដែលបានក្លាយជាសមាជិក ក្លឹបឆ្នេរសមុទ្រស្អាតជាងគេ នៅលើពិភពលោក ។</p>
<p>កីឡា ១១ប្រភេទ ដែលចូលរួមប្រកួតប្រជែងទាំងលើឆ្នេរ-ក្នុងទឹក និងលើអាកាសនោះ រួមមាន៖ កីទ្បាហោះហើរ, កីទ្បាលើទឹក, បាល់ទះលើឆ្នេរខ្សាច់, ហែលទឹកចម្ងាយឆ្ងាយ, ម៉ូតូទឹក(Jetski), កីទ្បាលោតពីលើអាកាស (Parachute), ប្រដាល់ក្បាច់គុនបូរាណខ្មែរ, រត់ប្រណាំងកម្សាន្ត, ទ្រីយ៉ាត្លុង, ល្បុក្កតោ និងប្រភេទកីឡាទូក្ដោង ។</p>
<p>ចំពោះកម្មវិធីប្រកួតដើម្បី កំដរអារម្មណ៍ភ្ញៀវ ទេសចរណ៍ជាតិ-អន្ដរជាតិ ដែលត្រូវបានលោកវ៉ាត់ ចំរើន អគ្គលេខាធិការនៃ គណៈកម្មាធិការជាតិអូឡាំពិក រំពឹងថានឹងមាន ប្រជាពលរដ្ឋចូលរួម លើសពី ១០ម៉ឺននោះ មានដូចជា៖ ថ្ងៃទី០៦ ធ្នូនេះ គឺមានកីទ្បាហោះហើរ (សាកល្បង និងបង្ហាញ<br />ការហោះហើរ ដោយប្រើម៉ាស៊ីន), កីទ្បាលើទឹក(បង្ហាញទូកក្តោង និងជិះស្គីលើទឹក)និងកីទ្បា បាល់ទះលើឆ្នេរខ្សាច់ (ក្រុមក្រុងព្រះសីហនុ ជួបក្រុមកំពត, ក្រុមកំពត ជួបក្រុមកែប និងក្រុមកែប ជួបក្រុមក្រុងព្រះសីហនុ)។</p>
<p>ចំណែកការប្រកួតថ្ងៃទី០៧ ធ្នូវិញរួមមាន កីទ្បារត់ប្រណាំងកម្សាន្ត, ហែលទឹកចម្ងាយឆ្ងាយ, ទូកក្តោង, ម៉ូតូទឹក Jetski, កីឡាលោតពីលើអាកាស(កម្ពស់ ២ពាន់-៣ពាន់ម៉ែត្រ), និងកីទ្បា ប្រដាល់ក្បាច់គុណបូរាណខ្មែរ ។ រីឯការប្រកួតថ្ងៃទី០៨ ធ្នូ គឺមានកីទ្បាទ្រីត្លុង(Triathlon -ហែលទឹក-ជិះកង់-រត់ប្រណាំង) និងបង្ហាញស្នៀតបុរាណខ្មែរល្បុក្កតោ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-098/S_0088.jpg" alt="" width="511" height="287" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-098/S_0089.jpg" alt="" width="510" height="383" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/technology-business-news/25214-2013-12-04-09-18-43.html"><span style="color: #0000ff;">ដើមអំពិល</span></a></p>