<p>អ្នករាយការណ៍ពិសេសនៃអ.ស.ប.ស្ដីពី សិទ្ធិមនុស្សនៅភូមា បានថ្លែងទាមទារនៅថ្ងៃសៅរ៍ម្សិល<br />មិញ ចាត់តាំងឲ្យមាននូវ “គណៈកម្មការរិះរកការពិត” នៅភូមាពាក់ព័ន្ធនឹងការរំលោភសិទ្ធិមនុស្ស<br />អស់រយៈកាលរាប់ទសវត្សរ៍ នៅក្នុងប្រទេសនេះ។ ទាំងនេះក៏ដោយហេតុតែ អ្នករាយការណ៍<br />ពិសេសយល់ថា ជាមធ្យោបាយអាចឈានទៅរក “ការផ្សះផ្សាជាតិ”។</p>
<p>ក្រោយពីបានបំពេញទស្សនកិច្ចចំនួន៦ថ្ងៃនៅប្រទេសភូមា លោក Tomas Ojea Quintana អ្នក<br />រាយការណ៍ពិសេសនៃអ.ស.ប.ស្ដីពីសិទ្ធិមនុស្សនៅភូមា បានថ្លែងឲ្យដឹងថា “ទទួលស្គាល់ទុក្ខ<br />សោករបស់អ្នករងគ្រោះគឺជាការផ្តល់ជំនួយជួយព្យាបាល ការឈឺចុកចាប់ ហើយវាក៏ជាជំហាន<br />មួយជួយខាឃាំងកុំឲ្យកើតមានការរំលោភលើសិទ្ធិមនុស្ស នៅពេលអនាគតផងដែរ”។<br /> </p>
<p><a class="thickbox" title="" href="/FileManager/Commons/2012/8/7/tomas-ojea-quintana-meets-with-aung-san-suu-kyi-2-07-08-2012--17-23-18.jpg"><img src="/FileManager/Articles/mce/2012/8/7/tomas-ojea-quintana-meets-with-aung-san-suu-kyi-2-07-08-2012--17-23-18.jpg" alt="" width="480" height="320" /></a></p>
<p><br /> “នៅក្នុងគោលបំណងផ្សះផ្សាជាតិនេះ ខ្ញុំបានពិភាក្សាជាមួយរាល់ភាគីពាក់ព័ន្ធជាច្រើន មានដូច<br />ជាក្រុមជនជាតិពន្ធុភាគតិច អ្នកដឹកនាំគណបក្សនយោបាយ និងសមាជិកសភាភូមា ដើម្បីបង្កើត<br />ឲ្យមាន “គណៈកម្មការរិះរកការពិត” នៅក្នុងប្រទេសភូមា”។ នេះជាសេចក្តីថ្លែងពន្យល់របស់ លោក <br />Tomas Ojea Quintana។ សម្រាប់អ្នករាយការណ៍ពិសេសនៃអ.ស.ប.ស្ដីពីសិទ្ធិមនុស្សនៅភូមា <br />សភាភូមាគឺជាស្ថាប័នមួយដ៏សមរម្យសម្រាប់ជួយបង្កបង្កើត“គណៈកម្មការ រិះរកការពិត” នៅភូមា<br />នេះ។<br /> <br /> គួរកត់សម្កាល់ថា នៅឆ្នាំ២០១០ លោក Tomas Ojea Quintana ធ្លាប់បានថ្លែងឲ្យដឹងថា ទង្វើ<br />រំលោភសិទ្ធិមនុស្សខ្លះនៅក្នុងប្រទេសភូមា អាចត្រូវគេចាត់ទុកថាជា “ឧក្រិដ្ឋកម្មប្រឆាំងមនុស្សជាតិ”<br /> ហើយលោកក៏ធ្លាប់បានទាមទារឲ្យមានការស៊ើបអង្កេតអន្តរជាតិ ក៏ប៉ុន្តែក្រោយមក របបគ្រប់គ្រង<br />ផ្តាច់ការភូមាបានបដិសេធពុំព្រមផ្តល់ទិដ្ឋាការឲ្យ លោក Tomas Ojea Quintana។<br /> <br /> សូមបញ្ជាក់ថា មានអង្គការការពារសិទ្ធិមនុស្សជាច្រើនបានចោទប្រកាន់របបគ្រប់គ្រង ភូមាថាបាន<br />រំលោភសិទ្ធិមនុស្សយ៉ាងធ្ងន់ធ្ងរ នាឱកាសនិងក្រោយអំពើហិង្សានៅរ្ដឋ Rakhine ជាពិសេសទៅលើ<br />ជាជាតិភាគតិចដែលជាអ្នកកាន់សាសនាអ៊ីស្លាម ពោលគឺពួករ៉ូហ៊ីងយ៉ា៕</p>
<p style="text-align: right;">ដោយ ៖ ពិសិទ្ធិ<br />ប្រភព ៖ rfa</p>