<div class="clearfix">
<p><span style="color: #000000;">សកម្មភាពដ៏តឹងតែងនេះ ត្រូវបានគេឲ្យដឹងថា ដើម្បីទប់ស្កាត់ការផ្តោះប្តូរសំណួរប្រលង រវាងអ្នកនៅ ខាងក្រៅ និងបេក្ខជនប្រលង ក៏ដូចជាការស្វែងចម្លើយនៅក្នុងអ៊ីនធឺណេត។ </span></p>
</div>
<p><span style="color: #000000;">កាលពីថ្ងៃទី២៦ ខែមិថុនា ទើបតែកន្លងទៅនេះ ក្រុមមន្ត្រីអ៊ីរ៉ាក់ បានធ្វើការស្នើសុំឲ្យកាត់ផ្តាច់តំណភ្ជាប់ អ៊ីនធឺណេតទាំងស្រុង ក្នុងរយះពេល ៣ម៉ោងជាប់គ្នា ហើយការកាត់ផ្តាច់រយះពេលដូចគ្នា ត្រូវបាន អនុវត្តក្នុងរយះពេល ២ថ្ងៃបន្តបន្ទាប់ទៀត។ ArsTechnica បានឲ្យដឹងថា តិចបំផុតនៅក្នុង ដំណាក់កាល នៃការកាត់ផ្តាច់អ៊ីនធឺណេតនេះ គឺដោយហេតុផលដើម្បីទប់ស្កាត់ការបែកខ្ញែកចម្លើយ នៅក្នុងការ ប្រលងថ្នាក់ជាតិ ចូលថ្នាក់មធ្យមសិក្សា នៅក្នុងប្រទេសនេះ។ </span></p>
<p><span style="color: #000000;"><a class="thickbox" title="" href="/FileManager/Commons/2015/7/1/156-01-07-2015--19-38-54.jpg"><img src="/FileManager/Articles/mce/2015/7/1/156-01-07-2015--19-38-54.jpg" alt="" /></a><br /></span></p>
<p><span style="color: #000000;">គួរបញ្ជាក់ផងដែរថា នៅអ៊ីរ៉ាក់ ការប្រលងខាងលើនេះ ត្រូវបានធ្វើឡើងសម្រាប់បេក្ខជនជាសិស្សដែល បានសិក្សាចប់កម្មវិធីថ្នាក់ទី៦។ បណ្តាសិស្សដែលមិនបានជាប់ គ្រប់ពិន្ទុ នឹងមិនត្រូវបានបន្តការសិក្សា ឡើយ។ ជាមួយនឹងស្ថានការណ៍ដ៏មានសំពាធនេះ រដ្ឋាភិបាលអ៊ីរ៉ាក់ បានធ្វើការកាត់ផ្តាច់តំណភ្ជាប់ អ៊ីធឺណេត ដើម្បីបន្ថយនូវរាល់ការទំនាក់ទំនងគ្នា ការបន្លំស្វែងរកចម្លើយ នៅក្នុងពេលប្រលង តាម រយះបណ្តាឧបករណ៍អាចតភ្ជាប់អ៊ីនធឺណេតបាន។</span></p>
<p><a class="thickbox" title="" href="/FileManager/Commons/2015/7/1/155-01-07-2015--19-39-10.jpg"><img src="/FileManager/Articles/mce/2015/7/1/155-01-07-2015--19-39-10.jpg" alt="" /></a></p>
<p><span style="color: #000000;">កាលពីមុននេះ ក៏មានរឿងគួរឲ្យចាប់អារម្មណ៍មួយផ្សេងទៀត ពាក់ព័ន្ធនឹងការប្រើឧបករណ៍បច្ចេកវិទ្យា ដើម្បីកាត់បន្ថយកត្តាអវិជ្ជមាន នៅក្នុងការប្រលង ដែលរឿងនេះបានកើតឡើងនៅទីក្រុង <span id="result_box" class="short_text" lang="km"><span class="hps">Luoyang ប្រទេសចិន ក្នុងពេលដែលមន្ត្រីទីក្រុង បានប្រើកូនយន្តហោះគ្មានមនុស្សបើក ដើម្បីត្រួតពិនិត្យការ ប្រលង។ បណ្តាកូនយន្តហោះគ្មានមនុស្សបើកតូចៗទាំងនោះ ត្រូវបានហោះក្នុងរយះកំពស់ ៥០០ ម៉ែត្រ ជុំវិញបរិវេណសាលាបប្រលង ដើម្បីចាប់សញ្ញាណរលកវិទ្យុ ដែលបានផ្ញើចេញទៅក្រៅ៕</span></span> </span></p>
<p style="text-align: right;"> </p>
<p style="text-align: right;"><span style="color: #000000;">ប្រែសម្រួល៖ ករុណា</span><br /><span style="color: #000000;">ប្រភព៖ <span style="font-style: italic;">ArsTechnica, kenh14</span></span></p>