<p><span style="color: #000000;"><strong>(ភ្នំពេញ)៖</strong> លោក គង្គ ប៊ុនឈឿន កវីខ្មែរដ៏ល្បីល្បាញជំនាន់មុន ត្រូវបានកូនប្រសាររបស់គាត់ប្រកាសតាម បណ្តាញសង្គម Facebook បានទទួលមរណភាពហើយ នៅម៉ោង៧៖២០នាទី ថ្ងៃអាទិត្យ ទី១៧ ខែមេសា ឆ្នាំ២០១៦នេះ នៅក្នុងមន្ទីរពេទ្យមួយ ក្នុងប្រទេសណ័រវេស។</span></p>
<p><span style="color: #000000;">កូនប្រសាររបស់ លោកតា គង្គ ប៊ុនឈឿន គឺលោក មុត ថារី បានប្រកាសនៅលើ Facebook យ៉ាងដូច្នេះថា<strong>«ក្រុមគ្រួសារខ្ញុំមានទុក្ខជាខ្លាំងដោយកវីម្ចាស់បទស្ទឹងសង្កែ គង់ ប៊ុនឈឿន ដែលជាស្វាមី ជាឪពុក ឪពុកក្មេក ជាជីតាបានលាចេញពីពួកយើងខ្ញុំហើយ គឺលាដោយគ្មានពេលនឹងត្រលប់វិញឡើយ នៅវេលាម៉ោង៧និង២០នាទី ថ្ងៃអាទិត្យទី១៧ មេសា ឆ្នាំ២០១៦ នៅមន្ទីពេទ្យ ប្រទេស Norway ។ សូមជូនដំណឹងដល់អ៊ំពូមីង បងប្អូនទាំងអស់ដែលបានគាំទ្រគាត់»</strong>។ </span></p>
<p><span style="color: #000000;"><strong>ប្រវត្តិខ្លះរបស់កវី គង្គ ប៊ុនឈឿន៖</strong></span></p>
<p><span style="color: #000000;">លោក គង្គ ប៊ុនឈឿន ជាកវីដ៏ល្បីមា្នក់ ដែលមានរហ័សនាមថា កវីម្ចាស់ ស្ទឹងសង្កែកវី គង្គ ប៊ុនឈឿន កើតនៅថ្ងៃទី ១៨ ខែតុលា ឆ្នាំ១៩៣៩ នៅភូមិ-ឃុំ-ស្រុកចំការសំរោង ខេត្តបាត់ដំបង។ ឳពុក ឈ្មោះ គង់ ឈិន (ស្រុកកំណើតនៅខេត្តតាកែវ) ម្តាយឈ្មោះម៉រ ភីង(បាត់ដំបង)។</span></p>
<p><span style="color: #000000;">អំឡុងឆ្នាំ១៩៥៥ លោក គង្គ ប៊ុនឈឿន បានចូលប្រឡូក្នុងវិស័យសិល្បៈ តែងនិពន្ធ រហូតប្រឡងជាប់លេខមួយ ជាលើកដំបូង ក្នុងឱកាសមហាស្របអក្សរសិល៍មួយ នៅក្នុងខេត្តបាត់ដំបង ក្នុងឆ្នាំ១៩៥៧ ក្នុងស្នាដៃឈ្មោះ ស្នេហារលុះអវសាន្ត។</span></p>
<p><span style="color: #000000;">លោក គង្គ ប៊ុនឈឿន ជាអ្នកសសេរការសែត អ្នកនិពន្ធប្រលោមលោក ពាក្យរាយ កំណាព្យ ចម្រៀង សេណារិយ៉ូភាពយន្ត ជាអ្នកដឹកនាំសម្តែង អ្នកនិពន្ឋបទភ្លេង ដ៏ល្បីឈ្មោះម្នាក់ ។ ក្រៅពីនេះលោកក៏ជាអ្នកគូរគំនូរអប់រំផងដែរ។</span></p>
<p><span style="color: #000000;">នៅឆ្នាំ២០០០ លោកជាអ្ននិពន្ឋជនជាតិខ្មែរទី២ បន្ចាប់ពីលោកពេជ្រ ជុំក្រវិល ដែលបានទទួលជ័យលាភី ស្នាដៃតែងនិពន្ធក្របខណ្ឌអាស៊ាន៕</span></p>
<p><span style="color: #000000;"><strong>លោក គង្គ ប៊ុនឈឿន ពេលសម្រាកព្យាបាលជំងឺនៅក្នុងមន្ទីរពេទ្យ</strong></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xfa1/v/t1.0-9/13001323_1589082841406081_5530278556172309657_n.jpg?oh=9dd47a8b5baa7bda47fce82027ccfa79&oe=57B1D43F" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xfa1/v/t1.0-9/13001308_1589081951406170_4913977447481188431_n.jpg?oh=e25379cd0c95ef70d5380954b6b45d06&oe=5773F58D" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xaf1/v/t1.0-9/12994581_1589082554739443_5737165629924421372_n.jpg?oh=cb67bff38879b663c2af9cbb9b8867ea&oe=57B9771D" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>
</div>