<div class="item-page">
<p><span style="color: #000000;"><strong>(កំពង់ស្ពឺ)៖</strong> ស្រ្តីជាមេធាវីម្នាក់ ដែលមានផ្ទៃពោះបានរងរបួសធ្ងន់ នៅក្នុងហេតុការណ៍ថ្នាក់ចរាចរណ៍មួយ នៅយប់ថ្ងៃទី២៤ ខែវិច្ឆិកា ឆ្នាំ២០១៦នេះ ស្ថិតលើផ្លូវជាតិលេខ៤ ត្រង់ចំណុចលើស្ពានមហាសាំង ឃុំមហាសាំង ស្រុកភ្នំស្រួច ខេត្តកំពង់ស្ពឺ។</span></p>
<p><span style="color: #000000;">មន្ដ្រីនគរបាលមូលដ្ឋាន បានឲ្យដឹងថា មុនពេលកើតហេតុ គេឃើញរថយន្ដម៉ាកហាយប្រ៊ីត ពណ៌ស្ករ ពាក់ស្លាកលេខភ្នំពេញ2AA-2304 ដែលបើកបរដោយស្ដ្រីម្នាក់ឈ្មោះ កាន់ ម៉ារី អាយុ៣០ឆ្នាំ មុខរបរជាមេធាវី ស្នាក់នៅភូមិលេខ៤ សង្កាត់លេខ៥ ក្រុងព្រះសីហនុ ខេត្តព្រះសីហនុ បើកបរក្នុងទិសដៅពីទិសកើត ទៅលិច លុះដល់ចំណុច កើតហេតុ ស្រាប់តែបុកជាមួយរថយន្តធុនធំមួយគ្រឿង ម៉ាកហ៊ីយ៉ាន់ដាយ ពណ៌ក្រហម ពាក់ស្លាកលេខស្វាយរៀង3A-1147 ក្នុងទិសដៅបញ្រ្ចាស់គ្នាពេញទំហឹង បណ្ដាលស្ដ្រីមេធាវីរបួសធ្ងន់ធ្ងរ រីឯរថយន្ដរងការខូចខាតស្ទើរទាំងស្រុង។</span></p>
<p><span style="color: #000000;">នគរបាលបន្ដថា ក្រោយកើតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យ ចំណែកអ្នកបើកបររថយន្ដធុនធំ បានរត់គេខ្លួនបាត់ស្រមោល រីឯវត្ថុតាងទាំង២ត្រូវបានយកទៅរក្សាទុក ដើម្បីដោះស្រាយតាមក្រោយ៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-25-12-08-06-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-25-12-08-10-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
<div></div>
</div>