<p><strong>ភ្នំពេញ៖</strong> តារាចម្រៀងវ័យក្មេងស្រស់ស្អាត វ៉ាន់នីឡា កំពុងតែមានភាពល្បីល្បាញក្នុងផលិតកម្ម<br />"ភ្លេងរីខដ" ។ បទចម្រៀង "មនុស្សបងធុញវិលវិញបានទេ, បងមិនអន់ទេ តែគេល្អជាងបង" និង<br />បទ" ឲ្យគេទៅថែបង" បទចម្រៀងបីបទដំបូងនេះ ជាការបើកឆាកជីវិតសិល្បៈចម្រៀងរបស់ស្រី<br />ស្អាតរូបនេះ ក៏ជាបទចម្រៀង កំពុងតែពេញនិយមខ្លាំង នាពេលបច្ចុប្បន្ន ។ មិនថានៅផ្សារទំនើប<br /> ហាងលក់សំលៀកបំពាក់ ហាងលក់វត្ថុអនុស្សាវរីយ៍ ហាងតែបៃតងនានា បទចម្រៀងរបស់នាង<br /> ត្រូវបានលាន់ឮកងរំពងគ្រប់ទីកន្លែង ។</p>
<p>មហាជនភាគច្រើន មិនទាន់បានស្គាល់នាង ឲ្យបានទូលំទូលាយនៅឡើយទេ ព្រោះនាងមិនទាន់<br />បានឡើងច្រៀងស្ថានីយទូរទស្សន៍ដទៃ ក្រៅពីស្ថានីយទូរទស្សន៍ ហង្សមាស ដែលជាស្ថានីយ<br />របស់ផលិតកម្មផ្ទាល់តែម្ដង ។ ទស្សនិកជនជាច្រើនបានសំណូមពរ នឹងទទូចឲ្យមានការចុះផ្សាយ<br /> ពីតារាចម្រៀងស្រីរូបនេះ ព្រោះនាងជាតារាកំពុងឡើងកូដខ្លាំង ។</p>
<p>តារាចម្រៀងស្រីស្អាត សាច់សខ្ចី ច្រមុះស្រួច វ៉ាន់នីឡា ជាប្អូនស្រីបង្កើតរបស់កវីស្មោះស្នេហ៍ សុខ<br /> ជំនោរ ដែលនាងជានិស្សិតផ្នែក ធនាគារ និងហរិញ្ញវត្ថុនៃសាកលវិទ្យាល័យ ន័រតុន ឆ្នាំទី២។ នាង<br />ជាកូនទី៦ក្នុងគ្រួសារ ក្នុងវ័យម្ភៃឆ្នាំស្ដើង តារាចម្រៀងស្រីរូបនេះ ប្រៀបដូចជា ផ្កាកំពុងរីកសាយ<br />ក្លិនក្រអូបពេញសាកលវិទ្យាល័យ និងក៏ជាតារាដែលរះចែងចាំងលើមហាសាគរសិល្បៈ។</p>
<p>ជំនួបជាមួយ LookingTODAY លោក សុខជំនោរ ដែលជាបងប្រុសដ៏ល្អម្នាក់ នឹងជាថ្នាក់ដឹកនាំមួយ<br />រូប ក្នុងផលិតកម្ម ភ្លេងរីខដ បាននិយាយថា លោកទទួលស្គាល់ថា វ៉ាន់នីឡា ហាក់មានប្រជាប្រិយ<br />ភាពគួរសម តែលោកមិនហ៊ានថា យ៉ាងណាទេ ព្រោះអាស្រ័យលើអ្នកគាំទ្រ មិនមែនលោកចេះតែ<br /> និយាយទេ លោកបានសម្រិតសម្រាំងគុណភាព ក្នុងការផលិតចម្រៀង គ្រប់បទ មិនមែនតែវ៉ានីឡា<br />ម្នាក់ឯងទេ ។ សម្រាប់ការងារ ក្នុងក្រុមហ៊ុនវិញ នាងមានបទចម្រៀងជាបន្តបន្ទាប់ទៀត ក្នុងពេល<br />ឆាប់ៗនេះ ។</p>
<p>ចំណែកឯស្រីស្អាត វ៉ានីឡា វិញ បាននិយាយថា នាងស្រលាញ់សិល្បៈចម្រៀងខ្លាំងណាស់ នាង<br />ធ្លាប់បានចូលប្រឡង ក្នុងកម្មវិថីសិល្បៈតាមស្ថានីយជាច្រើន នាងមានទេពកោសល្យតាំងពីក្មេង<br />ម្ល៉េះតែនាងខ្វះឱកាសក្នុងកាប្រឡូកឲ្យបានពេញទំហឹង។ ទើបតែពេលផលិតកម្មភ្លេងរីខដ រើស<br />តារាចម្រៀង នាងក៏ដាក់ពាក្យចូលច្រៀងនឹងគេសាកមើល៍.. ធ្វើតេស្តសំឡេងជាច្រើនដង នាង<br />ក៏ក្លាយជាតារាចម្រៀង របស់ផលិតកម្មនេះតែម្ដង ។</p>
<p>វ៉ានីឡា សម្ដែងអារម្មណ៍ថា រំភើបណាស់ពេលបទចម្រៀងនាង ទទួលការគាំទ្រច្រើនបែបនេះ <br />ព្រោះនាងមិនរំពឹងថា អាចជោគជ័យដល់កម្រិតនេះទេ នាងនឹងខិតខំបន្តទៀត ដើម្បីបម្រើអា<br />រម្មណ៍ទស្សនិកជន ដែលគាំទ្ររូបនាង ។ នាងក៏សន្យាថា មិនឲ្យប៉ះពាល់ដល់ការសិក្សានោះដែរ<br /> ព្រោះសិល្បៈនាងស្រលាញ់ តែការសិក្សាជាទុនមួយសម្រាប់ជីវិត មិនអាចខ្វះបាន ។ ចំណែកឯ<br />រឿងបេះដូងវិញ នាងនិយាយថា ទំនេរស្អាត ព្រោះចង់យកពេលសិក្សា និងប្រឡូកសិល្បៈឲ្យ<br />បានពេញទំហឹង៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-065/PISETH-0555.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-065/PISETH-0556.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-065/PISETH-0557.jpg" alt="Looking Today" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>