<div class="article-content">
<p><strong>ភ្នំពេញៈ</strong> ព្រោះតែចង់សង្ហា បង្អួតគេឯង យុវជនម្នាក់ បានប្រើជើងទាំងគូ របស់គេ បញ្ជាចង្កូតរថ<br />យន្ត ដឹកស៊ីម៉ងតិ៍ នៅលើដងផ្លូវ បណ្តាលឱ្យក្រឡាប់ ផ្អើលអស់ ប្រជាពលរដ្ឋ តែម្តង ។</p>
<p>ករណីនេះ បានកើតឡើង ក្នុងបរិវេណរ៉ា រថភ្លើង នៅចំណុច ផ្លូវលំភូមិទី៣ សង្កាត់ស្រះចក ខណ្ឌ<br />ដូនពេញ រាជធានីភ្នំពេញ កាលពីវេលាម៉ោង ១៧និង៥៥នាទីល្ងាចថ្ងៃទី២៤ ខែកក្តដាឆ្នាំ២០១៣<br /> ក្នុងនោះកម្មករ រួមដំណើរម្នាក់បានរង របួសធ្ងន់ ត្រូវបានគេបញ្ជូនភ្លាមៗ ទៅកាន់មន្ទីរពេទ្យ កាល់<br />ម៉ែត ចំណែកឯកម្មករ ៤នាក់ទៀត របួសស្រាល ។</p>
<p>នគរបាលប៉ុស្តិ៍ស្រះចក បានឲ្យដឹងថា ក្នុងហេតុការណ៍ ក្រឡាប់រថយន្តនោះ មិនមាននរណា រាយ<br />ការណ៍ ប្រាប់សមត្ថកិច្ច ឲ្យបានដឹងឡើយ ទាល់តែជនរងគ្រោះម្នាក់ បានបញ្ជូនមក សង្រ្គោះនៅ<br /> មន្ទីរពេទ្យកាល់ម៉ែត ទើបដឹងរឿងហេតុ ។ ចំណែករថយន្តបង្កហេតុនោះប្រភេទ ដឹកស៊ីម៉ង់ត៍មិន<br />ច្បាស់ម៉ាក មានក្បាលក្រហម តួពណ៌ខៀវ ចំណុះ២តោនកន្លះ មិនចាំស្លាកលេខ ព្រោះកើតហេតុ<br />ភ្លាមៗ ខាងក្រុមហ៊ុន បានស្ទូចយកចេញ យ៉ាងប្រញ៉ាប់ មិនសហការជាមួយ សមត្ថកិច្ចមូលដ្ឋាន<br />ឡើយ ហើយអ្នកបើកបរ ក៏គេចខ្លួនបាត់ដែរ។<br /> <br /> សមត្ថកិច្ចមូលដ្ឋាន បានបន្តទៀតថា ជនរងគ្រោះដែលរងរបួសធ្ងន់ធ្ងរ កំពុងសង្រ្គោះនៅ មន្ទីរពេទ្យ<br />កាល់ម៉ែត នោះឈ្មោះសុខ ចិន ភេទប្រុសអាយុ២៤ឆ្នាំ ជាកម្មករលីសែងស្នាក់នៅផ្ទះជួលផ្លូវ រថភ្លើង<br />ក្នុងសង្កាត់ស្រះចក ខណ្ឌដូនពេញ។<br /> <br /> ប្រភពព័ត៌មានបានឲ្យដឹងថា បន្ទាប់ពីដាក់ស៊ីម៉ង់ត៍ នៅក្នុងបរិវរណរ៉ារថភ្លើងរួចហើយ ក្រុមកម្មករ៤<br />ទៅ៥នាក់ បាននាំគ្នាឡើងរថយន្ត ដឹកស៊ីម៉ង់ត៍នោះ ដើម្បីចេញទៅវិញ ប៉ុន្តែអ្វីដែល អ្នកនៅជិត ខាង<br />នាំគ្នាហួសចិត្តនោះ ព្រោះគេឃើញអ្នកបើកបរ រថយន្តនោះ បានប្រើជើង បើកយ៉ាងលឿន ជំនួសដៃ<br />របស់គេ លុះបើកចេញបានបន្តិច ស្រាប់តែភ្លាត់ស្នៀត ក្រឡាប់ផ្ងារជើង ច្រង៉ា ងបណ្តាលឲ្យកម្មរម្នាក់<br /> ក្នុងចំណោមកម្មករ ៤ទៅ៥នាក់ បានត្រូវរបួសធ្ងន់ធ្ងរ បែកក្បាលហូឈាម សន្លប់ស្តូកស្តឹង ហើយត្រូវ<br />បានគេបញ្ជូន មកកាន់មន្ទីរពេទ្យកាល់ម៉ែត ភ្លាមៗ តែម្តង។ ចំណែករថយន្តបង្កហេតុវិញ ក៏ត្រូវបាន<br />គេប្រញ៉ាប់ស្ទូច យកចេញយ៉ាងលឿន ដើម្បី លាក់បាំងរឿងហេតុ ដល់អជ្ញាធរ មូលដ្ឋាន ។<br /> <br /> ពាក់ព័ន្ធក្នុងរឿង ហេតុក្រឡាប់រថយន្តនោះ បើទោះរថយន្តបង្កបញ្ហា ត្រូវបានគេស្ទូច យកចេញទៅ <br />បាត់ក៏ ពិតមែន សមត្ថកិច្ចកំពុងធ្វើការស្រាវជ្រាវ បន្តទៀត ដើម្បីចាត់វិធានការ តាមផ្លូវច្បាប់។</p>
<p>ប្រជាពលរដ្ឋ បានលាន់មាត់ថា “នេះពិតជាមិនដែល មានមែន អីក៏ព្រហើនម៉្លេះ អ្នកបើកបរទាំងឡាយ<br /> គួរកុំយកគំរូតាម ហើយទង្វើបែបនេះត្រូវបានសង្គមស្អប់ខ្ពើមជាទីបំផុត ចំពោះអ្នកប្រព្រឹត្ត ហើយរឿង<br />បែបនេះ គួរកុំឲ្យមាន សម្រាប់សង្គមយើង”៕</p>
<p style="text-align: center;"><img src="http://111.92.240.170:81/dap-news/dap-images/2013/July/id-037/S4427.jpg" alt="Photo by DAP-NEWS" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>