<p><strong>ភ្នំពេញៈ</strong> ក្រោយពីគេហទំព័រ Looking TODAY បានចេញផ្សាយអត្ថបទមួយ ដែលមានចំណងជើង ថា “យ៉ុង ច័ន្ទកណ្ណិកា ក្តៅចុងច្រមុះនឹងលុយ៧ដុល្លារ” រួចមិនទាន់បាន១ថ្ងៃ ស្រួលបួលផង ស្រាប់ តែស្រីស្រស់តូចច្រឡឹង កញ្ញា យ៉ុង ច័ន្ទកណ្ណិកា ក៏បានប្រញាប់ ចេញមុខប្រតិកម្មភ្លាមៗ ដោយនាង បានច្រានចោល ព័ត៌មាននេះថា នាងមិនបានប្រកាន់ទោសអូស ដំណើរលើនារីម្នាក់នោះទេ គឺនាង គ្រាន់តែចង់ប្រកាស ឲ្យអ្នករកស៊ីបើករបរ ដូចនាងមានការប្រុងប្រយ័ត្ន កុំឲ្យជួបរឿងដូចនាងតែ ប៉ុណ្ណោះ ។</p>
<p><span style="line-height: 1.8;">បន្ទាប់ពីតារាចម្រៀងម្ចាស់បទ “វាចាស្រីឡង់សេ” កញ្ញា យ៉ុង ច័ន្ទកណ្ណិកា បានបង្ហោះពាក្យសម្តី ហាក់មានការខឹងសម្បារ ទៅលើនារីម្នាក់ នៅលើបណ្តាញ Facebook ដែលបានមកធ្វើសក់ផាត់ មុខនៅ ហាងរបស់នាងអស់៧ដុល្លារ តែមិនឲ្យលុយ ដោយយកលេសថា ភ្លេចយកលុយមកទៅ វិញ ហើយរហូតដល់ពេលនេះ នាងនៅមិនទាន់ឃើញនារីនោះ យកលុយទៅឲ្យនាងទេទើប នាង សម្រេចចិត្តយករូបនារីនោះ មកបង្ហោះនិង សរសេរពាក្យសម្តីនោះតែម្តងទៅ ។</span></p>
<p>កញ្ញា យ៉ុង ច័ន្ទកណ្ណិកា បានចេញមុខបកស្រាយភ្លាមៗ នៅលើបណ្តាញទំនាក់ទំនងសង្គម Facebook របស់នាង ដោយសរសេរជាភាសាខ្មែរថា “ខ្ញុំសូមខ្លាចហើយ បងខាងសារព័ត៌មាន បងសរសេរនេះ ធ្វើដូចខ្ញុំមិនដែលស្គាល់លុយ7$ ចឹង ហើយខ្ញុំក៏មិនបាន និយាយគម្រាមគេដែរ។ គោលជំហរខ្ញុំគឺគ្រាន់តែ ចង់ឲ្យអ្នកដែលមាន ការកស៊ីដូចខ្ញុំប្រយ័ត្ន កុំអោយដូចខ្ញុំទៀត ព្រោះ មិនមែនជាលើកទីមួយទេ សម្រាប់ ហាងខ្ញុំទេ បងខាងសារព័ត៌មានសរសេរចឹង ធ្វើអោយរឿងតូច ទៅជារឿងធំហើយ”។</p>
<p>នាងបានសរសេរដោយទទូច ទៅដល់បណ្តាញសារព័ត៌មាន និងបង្ហាញពីការខ្លាចរអា ប៉ះពាល់ ប្រជាប្រិយភាព របស់នាងទៀតថា “សូមមេត្តាមើលឲ្យ ច្បាស់ន័យរបស់ខ្ញុំម្តងទៀត ហើយឈប់ ប្រើនូវពាក្យថា ខ្ញុំគម្រាមគេ ព្រោះពាក្យនេះគឺខុសច្បាប់ នឹងប៉ះពាល់ដល់កិត្តិយសខ្ញុំ។ អរគុណ ចំពោះ បងអ្នកសារព័ត៌មាន ដែលយកចិត្តទុកដាក់ចំពោះខ្ញុំ” ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/January/id-098/S_0179.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/January/id-098/S_0206.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/January/id-098/S_0180.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/January/id-098/S_0181.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/January/id-098/S_0182.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://lookingtoday.com/index.php/entertainment-general-news/26545------7.html"><span style="color: #0000ff;">ដើមអំពិល</span></a></p>