CamNews

---

កសិដ្ឋានមួយនេះ បានទាក់ទាញការយកចិត្តទុកដាក់យ៉ាងខ្លាំង នៅពេលមានអគារខ្ពស់
ពិសេសដែលសាងសង់ឡើងសម្រាប់តែពពែ។

Fairview គឺជាកសិដ្ឋានផលិតស្រាទំពាំងបាយជូ និង cheese ដ៏ល្បីឈ្មោះនៅក្នុងតំបន់ភាគ
ខាងត្បូងឆៀងខាងលិចនៃខណ្ឌ Paarl អាហ្វ្រិកខាងត្បូង។ ថ្មីៗនេះ កសិដ្ឋាន Fairview បាន
ទាក់ទាញការយកចិត្តទុកដាក់យ៉ាងខ្លាំង នៅពេលអគារខ្ពស់ពិសេសមួយត្រូវបានគេសាង
សង់ឡើងសម្រាប់ពពែ។

"The Goat Tower" - អគារខ្ពស់សម្រាប់សត្វពពែនៅក្នុងកសិដ្ឋាន Fairview អាហ្វ្រិកខាងត្បូង

លោក Charles នាយកប្រតិបត្តិនៃកសិដ្ឋាន Fairview បានថ្លែងថា ពពែគឺជាសត្វមួយប្រភេទ
ដែលចូលចិត្តការដើរឡើងខ្ពស់ ជួនកាលសត្វនេះ ប្រឡែងលេង និងឡើងជិះលើគ្នាវាផងដែរ។
Charles មានគំនិតបង្កើតអគារខ្ពស់ដើម្បីជួយអោយសត្វពពែទាំងនោះ ទទួលបានភាពរីករាយ
និងមានអារម្មណ៍ទូស្រាល។

អគារនេះត្រូវបានសាងសង់ដោយប្រើឥដ្ឋ និងកំបោរ ហើយដំបូលអគារ ត្រូវបានធ្វើឡើងពី
លោហធាតុ។ ជាមួយនឹងជណ្ដើរបែបគូថខ្យងធ្វើឡើងពីឈើរ រួមជាមួយនឹងផ្លូវចូលអគារ
ពពែអាចឡើងចុះ ប្រឡែងគ្នា​និងសម្រាកតាមចិត្ត។



លោក Cherles Back អោយដឹងថា រចនានៃអគារនេះ គឺជាការយកតាមគំរូស្ថាបត្យកម្មមួយ
ដែលពុកម្ដាយរបស់គាត់បានឃើញនៅក្នុងប្រទេស Portugal ។ អគារនេះ មិនត្រឹមតែជាទី
សម្រាកលំហែកាយសម្រាប់សត្វពពែនោះទេ ប៉ុន្ដែវាគឺជាអគារមួយដែលទាក់ទាញភ្ញៀវមក
ទស្សនាបានយ៉ាងច្រើនផងដែរ៕