<div class="article-content">
<p><strong>កំពង់ស្ពឺ ៖</strong> ភរិយាថៅកែកាប់ជ្រូក នៅ ខាងកើត ផ្សារត្រែងត្រយឹងបានស្លាប់ភ្លាមៗ នៅកន្លែង<br />កើតហេតុខណៈ ដែលកូនស្រីរបស់ ខ្លួនអាយុ ១៤ឆ្នាំ កំពុងដេកជាមួយម្ដាយរង របួសធ្ងន់ ត្រូវ<br />បានដឹកបញ្ជូនទៅសង្គ្រោះ នៅមន្ទីរ ពេទ្យគន្ធបុបា្ជ នៅក្នុងរាជធានីភ្នំពេញ ក្រោយពីមានជន<br />សង្ស័យមួយក្រុម ចូលទៅវាយ និង ប្លន់យកទ្រព្យសម្បត្ដិ ទាំង គ្រឿង អលង្កា និងលុយកាក់<br />សរុប ជិត ៣ម៉ឺនដុល្លារ ។</p>
<p>ករណីប្លន់វាយសម្លាប់ និង រងរបួស ប្រពន្ធ និង កូនស្រីថៅកែ កាប់ជ្រូកខាងលើ នេះ បង្កឱ្យ<br />មានការភ្ញាក់ផ្អើល ពីវេលា ម៉ោង ៤ និង ៣០នាទី ព្រឹកទៀបភ្លឺ ថ្ងៃទី១៦ ខែកក្កដា ឆ្នាំ២០១៣<br />ស្ថិតនៅផ្ទះជនរងគ្រោះ ក្នុងភូមិ៥ ឃុំត្រែងត្រយឹង ស្រុកភ្នំស្រួច ខេត្ដកំពង់ស្ពឺ ពោលនៅខាង<br />កើតផ្សារត្រែងត្រយឹង ជាង១០០ម៉ែត្រ ។</p>
<p>សេចក្ដីរាយការណ៍ ពីកន្លែងកើតហេតុបានឱ្យដឹងថាស្ដ្រីរងគ្រោះដែលស្លាប់នៅនឹងកន្លែងកើត<br />ហេតុនោះឈ្មោះ ទី សុឃឿន អាយុ ៣៦ឆ្នាំ រីឯកូនស្រី ដែលរងរបួសធ្ងន់ ឈ្មោះ ស៊ឹម ស្រី<br />លក្ខណ៍ អាយុ ១៤ឆ្នាំ។បុរសជាប្ដីលោក ស៊ឹម ណែល អាយុ៤៣ឆ្នាំ បាននិយាយថា នៅវេលា<br />ម៉ោងកើតហេតុ ខាងលើ ខណៈដែលរូបលោកត្រឡប់មកពី កន្លែងកាប់ជ្រូក ស្រាប់តែឃើញ<br />សពប្រពន្ធ ស្លាប់នៅក្នុងថ្លុកឈាម រីឯកូនស្រីរងរបួសធ្ងន់ ដោយស្នាមចាក់នឹង អាវុធចុងស្រួច<br />នៅ លើដងខ្លួន និង ក្បាលគួរឱ្យរន្ធត់ និង ភ្ញាក់ផ្អើលយ៉ាងខ្លាំង។ បុរសជាប្ដីបានបន្ដថា ទ្រព្យ <br />សម្បត្ដិដែលត្រូវក្រុមចោរប្លន់យកទៅនោះ រួមមាន មាស១០តំឡឹង បា្លទីន៧តំឡឹង លុយខ្មែរ<br /> ១០លានរៀល និងដុល្លារ ៣ពាន់ដុល្លារ ។</p>
<p>បើតាមលោកស៊ឹម ណែល ករណីប្លន់ ខាងលើនេះ បានកើតឡើងសូម្បីតែប្អូនជី ដូនមួយរបស់<br />ភរិយាលោក ដែលដេកនៅ ឡៅតឿក៏មិនដឹងដែរ។ ក្រោយកើតហេតុ និងបច្ចុប្បន្ននេះ កម្លាំង<br />សមត្ថកិច្ចចម្រុះរបស់ខេត្ដកំពង់ស្ពឺ ទាំងនគរបាល និង អាវុធហត្ថ បានចុះទៅពិនិត្យភ្លាមៗនៅ<br />កន្លែងកើត ហេតុដើម្បីកំណត់អត្ដសញ្ញាណក្រុមចោរ ទាំងនោះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0385.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0384.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0386.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0387.jpg" alt="" width="500" /></p>
<p style="text-align: right;">ដោយ៖ ដើមអម្ពិល<br />ផ្តល់សិទ្ធិដោយ៖ ដើមអម្ពិល</p>
</div>