<div class="article-content">
<p><strong>កំពង់ស្ពឺ ៖</strong> ពីខេត្ដកំពង់ស្ពឺ និងអាចចាត់ ទុកថា ជាលើកទី១ ដែលសម្ដេចនាយករដ្ឋ មន្ដ្រី ហ៊ុន <br />សែន បានប្រកាសថា សម្ដេចនិង គ្រប់គ្រងតំណែងដូចមេដឹកនាំចិន និងវៀត ណាម ពោលការ<br />លាចេញពីតំណែងជា នាយករដ្ឋមន្ដ្រី នូវអាយុចន្លោះពី៧៤ដល់ ៧៦ ដូចអតីតនាយករដ្ឋមន្ដ្រីចិន<br /> វ៉េន ជាវ បាវ ដែលបានចាកចេញ ពីតំណែងនាយក រដ្ឋមន្ដ្រីចិន ក្នុងអាយុ៧៤ឆ្នាំ ។</p>
<p>នៅក្នុងឱកាសអញ្ជើញចូលរួមជាអធិប តីភាពដ៏ខ្ពង់ខ្ពស់ នៅក្នុងពិធីបើកការដ្ឋានផ្លូវ ជាតិលេខ៤៤<br />នាព្រឹកថ្ងៃទី៦ ខែឧសភា ឆ្នាំ ២០១៣នេះ សម្ដេចនាយករដ្ឋមន្ដ្រី ហ៊ុន សែន បានឆ្លើយតបទៅនឹង<br />ការរិះគន់ដដែលៗ របស់គណបក្សប្រឆាំង និងអ្នកនយោបាយ មួយចំនួន ដោយចោទប្រកាន់<br />ចំពោះការកាន់តំណែងយូរឆ្នាំជានាយករដ្ឋមន្ដ្រី របស់សម្ដេច។</p>
<p>ត្រង់ចំណុចនេះ ដើម្បីបញ្ជាក់ត្រឡប់ទៅ កាន់បក្សប្រឆាំង និងអ្នកនយោបាយទាំងនោះ ក៏ដូចជាការ<br />បញ្ជាក់ទៅកាន់ប្រជាពលរដ្ឋ ប្រមាណ១ម៉ឺននាក់ នៅក្រុងច្បារមន សម្ដេចតេជោ ហ៊ុន សែន បាន<br />ថ្លែងថា សម្ដេចនឹងធ្វើឱ្យដូចមេដឹកនាំចិន វៀតណាម ដែលនឹងចាកចេញពីតំណែងនូវអាយុប្រមាណ<br /> ៧៤ឆ្នាំ ដោយសម្ដេចចង់ប្រៀបធៀប ទៅនឹងការចាកចេញពីតំណែងរបស់អតីត នាយករដ្ឋមន្ដ្រីចិន<br /> លោកវ៉េន ជាវបាវ ដែល ត្រូវចាកចេញ ពីតំណែងនាយករដ្ឋមន្ដ្រី នៅ អាយុ៧៤ឆ្នាំ ។</p>
<p>សម្ដេចនាយករដ្ឋមន្ដ្រី បានបញ្ជាក់ថា “ខ្ញុំ នឹងធ្វើឱ្យដូចមេដឹកនាំវៀតណាម និងចិន ឥឡូវខ្ញុំអាយុ៦១<br />ឆ្នាំ ឱ្យខ្ញុំទៅណា? ខ្ញុំត្រូវ ការពារខ្សែរបស់ខ្ញុំ” ។</p>
<p>សម្ដេចនាយករដ្ឋមន្ដ្រី បានមានប្រសាសន៍ទៀតថា ប្រសិនបើគេផ្ដួលសម្ដេចឱ្យដួលនោះ គណបក្ស<br />ប្រជាជនកម្ពុជា ដូចជាដាច់ជើង ម្ខាង ហើយហេតុអ្វីបានមួយៗ ចង់តែកម្ចាត់ ហ៊ុន សែន រហូតដល់<br />ប្រើពាក្យថា មានស៊ី អត់សែន មានសែន អត់ស៊ី ដែលនេះគឺជា នយោបាយរបស់គេ ។</p>
<p>ជាមួយគ្នានេះ សម្ដេចនាយករដ្ឋមន្ដ្រី បានលើកឡើងពីការបោះឆ្នោតជ្រើសរើស នាយករដ្ឋមន្ដ្រី នៅ<br />ប្រទេសម៉ាឡេស៊ី ដោយ សម្ដេចបានតាមដានពីព័ត៌មាននេះ រហូតដល់ម៉ោង១និង៣០នាទីយប់មិញ<br /> ទើប សម្ដេចចូលសម្រាក ។</p>
<p>ជាមួយនិងការតាមដានលទ្ធផលការ បោះឆ្នោតជ្រើសរើសនាយករដ្ឋមន្ដ្រី នៅប្រទេសម៉ាឡេស៊ី <br />កាលពីយប់មិញ សម្ដេចតេជោ ហ៊ុន សែន បានមានប្រសាសន៍ថាបក្សប្រឆាំងនៅម៉ាឡេស៊ី បាន<br />លើកឡើងពីបញ្ហាមួយចំនួន ដូចបក្សប្រឆាំងនៅកម្ពុជា បេះបិតតែម្ដង ។ ក្នុងនោះរួមមាន រិះគន់<br /> គណៈកម្មាធិការជាតិរៀបចំការបោះឆ្នោត បញ្ហាពុករលួយ និងជនបរទេស ។</p>
<p>សម្ដេចនាយករដ្ឋមន្ដ្រី បានបញ្ជាក់ថា ប៉ុន្ដែ គណបក្សកាន់អំណាច បានប្រកាសគោលនយោបាយ <br />ដោយរក្សា សន្ដិភាពស្ថេរភាព នៅក្នុងប្រទេស ហើយ ក្រោយពីបញ្ចប់ការរាប់លទ្ធផលការបោះ<br />ឆ្នោត គណបក្សកាន់អំណាចទទួលបាន១៣៣កៅអី រីឯបក្សប្រឆាំងទទួល បាន៨៩កៅអី ដូច្នេះ គណបក្សកាន់អំណាចបានបន្ដដឹកនាំប្រទេស រយៈពេល៥៦ឆ្នាំបន្ដទៀត ។ ចំពោះការកាន់ អំណាច<br />រយៈ ៥៦ឆ្នាំកន្លងមកនេះ របស់គណ បក្សកាន់អំណាច នៅក្នុងប្រទេសម៉ាឡេស៊ី សម្ដេចនាយករដ្ឋ<br />មន្ដ្រី ក៏បានប្រៀបធៀបនិង លើកឡើងចំពោះការរិះគន់របស់បក្សប្រឆាំង នៅកម្ពុជាដែលថា សម្ដេច<br />កាន់អំណាច់យូរ ប៉ុន្ដែយូរឬឆាប់ គឺជាការសម្រេចចិត្ដរបស់ប្រជាពលរដ្ឋ ។</p>
<p>ជាថ្មីម្ដងទៀត សម្ដេចនាយករដ្ឋមន្ដ្រី ហ៊ុន សែន នៅតែប្រើពាក្យថា បើស្រឡាញ់ បើអាណិត បើ<br />ពេញចិត្ដ និងបើជឿទុកចិត្ដ សម្ដេច ត្រូវបោះឆ្នោតជូនគណបក្សប្រជាជន កម្ពុជា ៕</p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>