<p>យ៉ាងហោចណាស់ មានមនុស្សចំនួន ៥០នាក់ រួមទាំងក្រុមអ្នកបើកបរយន្ដហោះ និងកូនប្រុស<br />របស់ប្រធានាធិបតី សាធារណៈរដ្ឋ Tatarstan គឺលោក Irek Minnikhanov ផងដែរ ដែលបានស្លាប់ក្នុងហេតុការណ៍គ្រោះថ្នាក់ដ៏គួរឱ្យរន្ធត់មួយ នៅពេលយន្ដហោះដឹកភ្ញៀវ ចុះចតមិនបាន<br />សម្រេច បណ្ដាលឱ្យវាផ្ទុះឆេះ នៅភាគកណ្ដាលប្រទេសរុស្ស៊ី កាលពីម្សិលមិញ។<br /><br />ក្រសួងសង្រ្គោះបន្ទាន់រុស្ស៊ី បានប្រកាសថា យន្ដហោះ Boeing 737-500 បានជួបគ្រោះថ្នាក់ នៅ<br />ក្នុងក្រុង Kazan កាលពីវេលាម៉ោង ១៥និង ២៥នាទី GMT ។ យន្ដហោះដែលចាកចេញពីក្រុង<br /> Moscow ជាកម្មសិទ្ធិរបស់ក្រុមហ៊ុនអាកាសចរណ៍ Tatarstan នេះ បានផ្ទុះឆេះខ្ទេច បន្ទាប់ពីប៉ះ<br />ទង្គិចមកលើដី។</p>
<p style="text-align: center;"><a class="thickbox" title="" href="/FileManager/Commons/2013/11/18/russia-plane-crash-2802735-18-11-2013--10-01-10.jpg"><img src="/FileManager/Articles/mce/2013/11/18/russia-plane-crash-2802735-18-11-2013--10-01-10.jpg" alt="" /></a></p>
<p style="text-align: center;"><em>កន្លែងកើតហេតុ</em></p>
<p><br />បច្ចុប្បន្ន មានការអះអាងខុសៗគ្នាអំពីចំនួនអ្នកស្លាប់។ ក្រសួងសង្រ្គោះបន្ទាន់រុស្ស៊ី បានឱ្យដឹង<br />ថា មនុស្សចំនួន ៥២នាក់ អាចនឹងត្រូវបានស្លាប់ ចំណែកទីភ្នាក់ងារអាកាសចរណ៍សហព័ន្ធរុស្ស៊ី <br />អះអាងថា មានមនុស្សស្លាប់ ៥០នាក់ រួមមានភ្ញៀវ ៤៤នាក់ ក្នុងនោះមានកូនប្រុសរបស់ប្រធានា<br />ធិបតី សាធារណៈរដ្ឋ Tatarstan គឺលោក Irek Minnikhanov និងបុគ្គលិកទាំងអស់នៅលើយន្ដ<br />ហោះ។<br /><br />សាក្សីម្នាក់ធ្វើដំណើរពី Kazan មក Moscow និងមានវត្តមាននៅក្នុងព្រលានយន្ដហោះ ក្នុងពេល<br />ហេតុការណ៍គ្រោះថ្នាក់កើតឡើង ឱ្យដឹងថា ខ្លួនបានឮសម្លេងផ្ទុះខ្លាំង និងមានអារម្មណ៍ថាញាប់<br />ញ័រអាកាស។ <br /><br />បន្ទាប់ពីបានធ្លាក់ចុះដី និងផ្ទុះ យន្ដហោះនេះ ក៏បានឆាបឆេះ។ ក្រុមរថយន្ដពន្លត់អគ្គីភ័យបាន<br />ចំណាយពេលពេញមួយម៉ោង ទើបអាចគ្រប់គ្រងស្ថានភាព នេះបើតាមទំព័រ RT ។ ក្រុមអ្នកជួយ<br />សង្គ្រោះ បានរកឃើញសាកសពចំនួន ៥០នាក់ នៅក្នុងខោ្មចយន្ដហោះនេះ។</p>
<p><br /><strong>មូលហេតុ</strong></p>
<p style="text-align: center;"><a class="thickbox" title="" href="/FileManager/Commons/2013/11/18/map-of-rus-4611-1384707520-18-11-2013--09-55-17.gif"><img src="/FileManager/Articles/mce/2013/11/18/map-of-rus-4611-1384707520-18-11-2013--09-55-17.gif" alt="" /></a></p>
<p style="text-align: center;"><em>យន្ដហោះខាងលើ ហោះពី Moscow ទៅកាន់ Kazan (រូប ៖ RT)</em></p>
<p><br />គេហទមព័រ Interfax ដកស្រង់ប្រភពព័ត៌មានក្នុងក្រសួងសង្គ្រោះបន្ទាន់ បានចេញផ្សាយថាក្រុម<br />អ្នកបើកបរយន្ដហោះ បានធ្វើឱ្យមានកំហុស នៅពេលបញ្ជាឱ្យយន្ដហោះចុះចតជាលើកទីពីរ <br />បណ្ដាលឱ្យយន្ដហោះត្រូវធ្លាក់ទៅលើដី។<br /><br />មន្ដ្រីជាន់ខ្ពស់ម្នាក់របស់គណកម្មការស៊ើបអង្កេត បាននិយាយថា មូលហេតុមួយផ្សេងទៀត គឺ<br />អាចបណ្ដាលមកពីគុណភាពសាំងមិនល្អ។ “យើងបានចេញបញ្ជាឱ្យយកសាំងដែលបានប្រើ<br />ប្រាស់របស់យន្ដហោះនេះ មកធ្វើការពិនិត្យ”។<br /><br />ប្រភពមួយសុំមិនបញ្ចេញឈ្មោះ និយាយថា ក្រុមអ្នកបើកបរ បានប្រកាសដល់ភ្ញៀវមុនការចុះ<br />ចតថា ម៉ាស៊ីនដំណើរការមិនបានល្អ។ RIA Novosti ដកស្រង់សំដីបស់គណកម្មការស៊ើបអង្កេត<br /> ចុះផ្សាយថា នៅពេលកំពុងចុះចត ស្លាបយន្ដហោះនេះ បានប៉ះខ្លាំងទៅ នឹងដី។<br /><br />ក្រុមមន្ដ្រីមានសមត្ថកិច្ច កំពុងស្វែងរកប្រអប់ខ្មៅរបស់យន្ដហោះ ហើយមូលហេតុនៃគ្រោះថ្នាក់<br />នេះនឹងបានដឹងច្បាស់ នៅពេលរកឃើញវា។</p>
<p style="text-align: center;"><a class="thickbox" title="" href="/FileManager/Commons/2013/11/18/tatarstan-5062-1384707685-18-11-2013--09-56-17.gif"><img src="/FileManager/Articles/mce/2013/11/18/tatarstan-5062-1384707685-18-11-2013--09-56-17.gif" alt="" /></a></p>
<p style="text-align: center;"><em>យន្ដហោះ Boeing 737 របស់ក្រុមហ៊ុនអាកាសចរណ៍ Tatarstan</em></p>
<p><br />ក្រុមហ៊ុនធានារ៉ាបរងនៃក្រុមហ៊ុនអាកាសចរណ៍ខាងលើ នឹងសងការបង់ខាតចំនួន ៩៣,៧០០<br />ដុល្លារអាមេរិក ទៅឱ្យគ្រួសារជនរងគ្រោះម្នាក់ៗ ដែលបានស្លាប់ក្នុងគ្រោះថ្នាក់យន្ដហោះនេះ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/45173/we-can-see-comet-ison-if-it-avoids-being-vapourised-by-2700-degree-heat"><span style="color: #3366ff;">ទស្សនាផ្ដាយដុះកន្ទុយ ISON ដោយភ្នែកផ្ទាល់ នៅចុងខែធ្នូ ២០១៣</span></a></span></p>
<p><span style="color: #3366ff;"><a href="/News/Detail/26580/nasa-will-take-crews-into-space-by-itself-in-2017"><span style="color: #3366ff;">NASA បញ្ជូនមនុស្សទៅកាន់ អវកាស ដោយខ្លួនឯង នាឆ្នាំ ២០១៧</span></a></span></p>
<p><span style="color: #3366ff;"><a href="/News/Detail/87594/philippines-typhoon-death-toll-at-4460-un"><span style="color: #3366ff;">ពិជឃាត ឥតមេត្តា សម្លាប់មនុស្សកើនជិត ៥ ពាន់នាក់ ក្នុងមួយពព្រិចភ្នែក</span></a></span><br /><br /><br /></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ TR/Telegraph<br /><br /></p>