<p>ក្រុមចំរៀង KARA ដែលទស្សនិកជន ធ្លាប់បានស្គាល់រួចមកហើយ ដែលជាក្រុមចំរៀងនារី<br />ស្រីស្អាតរបស់ KPOP ដែលល្បីដោយបទមួយចំនួនដូចជា STEP, Mister និង Lupin ជាដើម<br />បានលេចលឺដំណឹងថា នឹងមានសមាជិក ២ រួបត្រូវចាកចេញពីក្រុម ធ្វើអោយទស្សនិកជន<br />ជាពិសេស Kamilla ដែលជា Fan Club របស់ KARA ភ្ញាក់ផ្អើលជាខ្លាំង នឹកស្មានមិនដល់ ។</p>
<p><img src="http://static1.allkpop.com/upload/2013/10/af_org/KARA-Jiyoung-Nicole_1380878574_af_org.jpg" alt="" width="470" /><br /><br />យើងធ្លាប់បានទទួលដំណឹងទាក់ទងនិង រឿងនេះកន្លងមកម្តងរួចមកហើយ ដែលរឿងនោះ<br />គឺអំពីកុងត្រារបស់ Nicole Jung ហើយភ្ជាប់ជាមួយពាក្យចចាមអារ៉ាមថា នាងនឹងចាកចេញ<br />ពីក្រុម KARA ដែលផ្សព្វផ្សាយតាម សារព័ត៌មានជប៉ុន តែផលិតកម្ម DSP បានច្រានចោល<br />ពាក្យចចាមអារ៉ាមទាំងនោះ ។</p>
<p><img src="http://k14.vcmedia.vn/k:thumb_w/600/3tcTp2m8DCNfJcBFqbRIjm0nKqWccc/Image/2013/10/01/131007musicnicole01-c7006/nicole-muon-o-lai-kara-nhung-bi-dsp-tong-co.jpg" alt="KARA Nicole but want to stay with DSP "kicked"? 1" width="470" /><br /><br />ថ្មីៗនេះកាលពីថ្ងៃទី ៥ តុលាផលិតកម្ម DSP បានប្រកាសជាសាធារណៈថា សមាជិករបស់<br />KARA នាង Nicole Jung នឹងចាកចេញពីក្រុម KARA ដោយសារតែនាង មិនបានចុះកុងត្រា<br />បន្ថែមថ្មី ជាមួយផលិតកម្មឡើយ ។ សមាជិក ៣ នាក់ផ្សេងទៀតដូចជា Gyuri, Seungyeon,<br />និង Hara បានបន្តកុងត្រារបស់ខ្លួន បន្ថែម ២ ឆ្នាំទៀតរួចរាល់ហើយ ។ ចំណែកសមាជិក<br />មួយរូបទៀត Jiyoung ដែលកុងត្រារបស់នាង នឹងផុតកំណត់នៅឆ្នាំក្រោយខែ មេសា នោះ<br />មិនទាន់បានចុះកុងត្រាបន្ថែមឡើយ ព្រោះនាងកំពុងសំរេចចិត្តថា គួរតែបន្តអាជីពក្នុងសិល្បៈ<br />ទៀតឬបន្តការសិក្សាសិន ។ ខាងផលិតកម្ម DSP បានប្រាប់ថា ដោយសារតែ Nicole មិនចង់<br />បន្តកុងត្រាជាមួយផលិតកម្ម លទ្ធផលគឺនាងនឹងត្រូវចាកចេញពីក្រុម KARA បន្ទាប់ពីកុងត្រា<br />របស់នាងបញ្ចប់ ក្នុងខែ មករា ឆ្នាំក្រោយ ។</p>
<p><img src="http://2.bp.blogspot.com/-0Ekn0TikMnY/UKDMYpjLbhI/AAAAAAAAH9M/c5nXYabfouw/s1600/%5BPHOTOBOOK%5D+KARA+Ji+Young+%E2%80%93+Je+T%E2%80%99aime.jpg" alt="" width="470" /><br /><br />យើងនឹងរង់ចាំមើលថា ក្រុមចំរៀងមួយនេះ អាចបន្តទៅមុខរួចទៀតឬទេ ឬក៏ត្រូវបញ្ចប់ត្រឹម<br />នេះរហូតទៅ? បើទោះបីជាផលិតកម្ម DSP អះអាងថានឹងមិន រំលាយក្រុម KARA ក៏ដោយ<br />ក៏ទស្សនិកជននៅតែមាន ការភ័យព្រួយពីការ បែកបាក់រំលាយក្រុមនេះ ៕</p>
<p> </p>
<p style="text-align: right;">ដោយ ៖ លីលី<br />ប្រភព ៖ allkpop </p>