<p>កាលពីថ្ងៃទី២៤ កក្កដា ក្រុមហ៊ុន NOKIA បានប្រកាសថា ខ្លួនបានទិញយកបច្ចេកវិជ្ជា និងកម្មសិទ្ធិ<br />បញ្ញារូបភាពពី ក្រុមហ៊ុន SCALADO ដោយជោគជ័យហើយ។ បន្ទាប់ពីការទិញនេះទៅ ជំនាញការ<br />រូបភាពលំដាប់ថ្នាក់ពិភពលោកចំនួន ៣០ រូបនឹងត្រូវ ផ្ទេរមកបម្រើការនៅក្រុមហ៊ុន NOKIA។</p>
<p><a class="thickbox" title="" href="/FileManager/Commons/2012/7/26/nokia-808-pureview-in-white-with-hdmi-cable-26-07-2012--08-59-45.jpg"><img src="/FileManager/Articles/mce/2012/7/26/nokia-808-pureview-in-white-with-hdmi-cable-26-07-2012--08-59-45.jpg" alt="" /></a></p>
<p>លោកស្រី ចូ ហាឡូ (JO HARLOW) នាយកប្រតិបត្តិរងនៃក្រុមហ៊ុន NOKIA ទទួលបន្ទុកផ្នែកស្មាត<br />ហ្វូនបានមានប្រសាសន៍ថា ៖ "យើងជឿ ជាក់ថា ការទិញយកបច្ចេកវិជ្ជានិងកម្មសិទ្ធិបញ្ញារូបភាព<br />ខាងលើនេះ នឹងរួមចំណែកពង្រឹងគោលជំហរ NOKIA ដែលកំពុងឈរនៅជួរមុខ ក្នុងផ្នែកថតរូប<br />តាមទូរស័ព្ទចល័ត ហើយមិនត្រឹមតែប៉ុណ្ណោះ ថែមទាំងផ្តល់ឱកាសឲ្យយើងបង្កើតកម្មវិធីនិងផលិត<br />ផលសម្រាប់ថតរូបភាពបាន កាន់តែប្រសើរឡើងទៀតផង។"</p>
<p>លោក ចូ ហាឡូ បន្ដថា ៖ "យើងសូមស្វាគមន៍បុគ្គលិកជំនាញៗពីក្រុមហ៊ុន SCALADO ហើយយើង<br />មានទឹកចិត្តរំភើបរីករាយនឹងឃើញ ជំនាញការផ្នែករូបភាពនៃក្រុមហ៊ុន SCALADO ធ្វើការរួមគ្នាជា<br />មួយជំនាញការផ្នែករូបភាពនៃក្រុមហ៊ុន NOKIA ដើម្បីលើកកម្ពស់បទពិសោធន៍ ថតរូបពីស្មាតហ្វូន NOKIA LUMIA។ តាមរយៈការច្របាច់ជំនាញថតរូបភាពនៃក្រុមហ៊ុនទាំងពីរបញ្ចូលគ្នា យើងមាន<br />បំណងធ្វើឲ្យពិភពលោក ទាំងមូលកាន់តែរំជើបរំជួល និងភ្ញាក់ផ្អើលថែមទៀតលើបច្ចេកវិជ្ជាថត<br />រូបតាមរយៈស្មាតហ្វូន។"</p>
<p><a class="thickbox" title="" href="/FileManager/Commons/2012/7/26/scaldobanner-26-07-2012--08-58-19.jpg"><img src="/FileManager/Articles/mce/2012/7/26/scaldobanner-26-07-2012--08-58-19.jpg" alt="" /></a></p>
<p>ទីក្រុង LUND នៃប្រទេសស៊ុយអ៊ែត នឹងក្លាយទៅជាទីតាំងអភិវឌ្ឍកម្មវិធីរូបភាពរបស់ NOKIA ថ្មីមួយទៀតបន្ថែមពីលើទីតាំងបច្ចុប្បន្ននៅ ទីក្រុងអ៊ែស្ពូ និង TAMPERE នៃប្រទេសហ្វាំងឡង់។</p>
<p>លោក សាម៊ី នៀមី (SAMI NIEMI) សហស្ថាបនិកនៃក្រុមហ៊ុន SCALADO បានមានប្រសាសន៍<br />បញ្ជាក់ថា ៖ យើងពិតជារំភើបរីករាយដែល បានធ្វើការជាមួយ NOKIA ក្នុងការផលិតស្មាតហ្វូន NOKIA។ បច្ចេកវិជ្ជានិងសមត្ថភាពដែលយើងបានអភិវឌ្ឍឡើង មិនត្រឹមតែថតរូបប៉ុណ្ណោះ ទេ គឺថែមទាំងជួយចងក្រងអនុស្សាវរីយ៍និងអារម្មណ៍នៃអ្នកប្រើប្រាស់ស្មាតហ្វូន NOKIA ទៀតផង៕</p>
<p style="text-align: right;">ដោយ ៖ សូរីយ៉ា<br />ប្រភព ៖ press.nokia</p>
<p> </p>
<p> </p>