<div class="article-content">
<p><strong>ភ្នំពេញ៖</strong> សពបុរសម្នាក់ ត្រូវគេប្រទះឃើញ ដេកស្លាប់ដោយ មានស្នាមឈាម និងមុខរបួស<br /> នៅលើ ដើមទ្រូង ស្ថិត នៅលើ ផ្លូវរថភ្លើង ក្នុងសង្កាត់កាកាប ខណ្ឌពោធិ៍សែនជ័យ កាលពី <br />ព្រឹកព្រឹលឹម ថ្ងៃទី១៥ ខែកុម្ភៈ ឆ្នាំ២០១៣ នេះ ប៉ុន្តែសមត្ថកិច្ចមិនទាន់ បានបញ្ជាក់ថា ជាករណី<br />ប្លន់ ឫជាករណី គំនុំនោះទេ ខណៈសមត្ថកិច្ច កំពុងធ្វើការ ស្រាវជ្រាវ លើករណីនេះ។</p>
<p>សេចក្តីរាយការណ៍ ពីកន្លែងកើតហេតុ បានឲ្យដឹងថា សពបុរសរូបនេះ មានអាយុ ជាង២០ឆ្នាំ<br /> ស្លៀកខោខៅប៊យ ពណ៌ខៀវ និងអាវដៃវែង ពណ៌ពងក្រសា មានកាបូបស្ពាយ មួយនៅជាប់នឹង<br /> ខ្លួនផងដែរ។</p>
<p>ទាក់ទិន និងករណីនេះ អធិការនគរបាល ខណ្ឌពោធិ៍សែនជ័យ លោក ប៊ន សំអាត ដែលចុះទៅ <br />ត្រួតពិនិត្យ នៅកន្លែង កើតហេតុផ្ទាល់ បានឲ្យដឹងថា លោកមិនទាន់ សន្និដ្ឋានបាននៅឡើយទេ <br />ចំពោះករណីខាងលើនេះ ថាមកពីករណីប្លន់ ឫគំនុំនោះ ដោយរង់ចាំការពិនិត្យ កោសល្យវិច័យ <br />របស់សមត្ថកិច្ចជំនាញ និងរង់ចាំស្វែង រកសាច់ញាតិ របស់ជនរងគ្រោះ ជាមុនសិន ថាតើជនរង<br />គ្រោះ មានម៉ូតូ នៅជាប់នឹងខ្លួន ឫុមួយយ៉ាណា ។</p>
<p>យ៉ាងណាក៏ដោយ លោក ប៊ន សំអាត បានថ្លែងថា នៅកន្លែងកើតហេតុ សមត្ថកិច្ចរបស់ លោក<br />បានប្រទះឃើញ គ្រាប់កាំភ្លើងកា ៥៩មួយគ្រាប់ និងមានស្នាមគ្រាប់នៅនឹងដើមទ្រូង របស់ជន<br />រងគ្រោះ។</p>
<p>ជាមួយគ្នានេះ បើតាមលោក ប៊ន សំអាត នៅជាប់នឹងសព ជនរងគ្រោះ គេប្រទះឃើញ កាបូប<br />ស្ពាយមួយ ហើយនៅក្នុងកាបូប ស្ពាយនោះ មានកាំបិតស្នៀតមួយ ដំបងពីរកំណាត់ និងឧបករណ៍<br /> មួយចំនួនទៀត។ លោក ប៊ន សំអាត បានបញ្ជាក់ថា កម្លាំងសមត្ថកិច្ច របស់លោក និងសមត្ថកិច្ច<br />ជំនាញ បាននិងកំពុងធ្វើការ ស្រាវជ្រាវ លើករណីយ៉ាង យកចិត្តទុកដាក់ ហើយសពជនរងគ្រោះ <br />ប្រហែល ស្លាប់តាំងពីវេលា ម៉ោង ២ទាបភ្លឺ។</p>
<p>ជាមួយគ្នានេះ តាមប្រជាពលរដ្ឋ ដែលរស់នៅក្បែរ កន្លែងកើតហេតុ បានឲ្យដឹងថា នៅវេលាម៉ោង<br /> ៩យប់ថ្ងៃទី១៤ ខែកុម្ភៈ ឆ្នាំ២០១៣ មានស្នូគ្រាប់កាំភ្លើង ចំនួន៣គ្រាប់ លុះព្រឹកឡើង ក៏ប្រទះឃើញ<br />សព ជនរងគ្រោះតែម្តង។ បច្ចុប្បន្ន សមត្ថកិច្ច បាននិងកំពុងធ្វើការ ស្រាវជ្រាវ ស្វែករកសាច់ញាតិ <br />ជនរងគ្រោះ ដើម្បីសួរព័ត៌មានបន្ថែម ។</p>
<p>ប៉ុន្តែបើតាមពិនិត្យ នៅក្នុងកាបូបរបស់ជនរងគ្រោះដែលមាន កាបិតដំបងពីរកំណាត់ និងឧបករណ៍<br /> ផ្សេងទៀតនោះ គឺអាចសន្និដ្ឋានបានថា ជនរងគ្រោះក៏ជាមនុស្ស មិនអត់់ប៉ុន្មានដែរ អាចមានការ<br />ឈ្លោះទាស់ទែងគ្នា ហើយជនដៃដល់ធ្វើការបាញ់ សម្លាប់ចោលតែម្តង៕</p>
<p style="text-align: center;"><img src="http://111.92.240.170:81//dap-news/dap-images/2013/February/id-007/pheak-0173.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/February/id-007/pheak-0174.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>