<div class="article-content">
<p><strong>ភ្នំពេញ ៖</strong> ចោរវៀតណាមម្នាក់ បានធ្វើ សកម្មភាពលួចម៉ូតូពីអ្នករកស៊ីលក់ទឹកកក ជនជាតិខ្មែរ<br /> បានសម្រេចប៉ុន្ដែត្រូវអស់លក្ខ័ នៅពេលដែល កម្លាំងនគរបាលប៉ុស្ដិ៍បឹងទំពុន ដឹកនាំដោយលោក<br />ឡូ ភារម្យ នាយនគរបាល ប៉ុស្ដិ៍ដេញទាន់ ហើយក្របួចបាននៅពេល ដែលជនសង្ស័យរូបនេះ <br />និងបក្ខពួកម្នាក់ទៀត ជាស្ដ្រីបានជិះម៉ូតូឌុបគ្នាទៅដល់ផ្សារស្ទឹងមាន ជ័យ ប៉ុន្ដែជនសង្ស័យជាស្ដ្រី<br /> បានរត់គេចខ្លួនបាត់ ។</p>
<p>សកម្មភាពដេញចាប់ចោរជនជាតិវៀត ណាមយ៉ាងប្រផាប់ប្រភីង ពីសំណាក់កម្លាំង នគរបាលប៉ុស្ដិ៍<br />ទំពុនខាងលើនេះ បានកើត ឡើងកាលពីវេលា ម៉ោងប្រមាណ៧និង៣០ នាទីព្រឹកថ្ងៃទី៦ ខែមីនា <br />ឆ្នាំ២០១៣ ចាប់ពី កន្លែងដែលចោរលួចម៉ូតូនៅជិតផ្សារបឹងទំ ពុន រហូតមកដល់ផ្សារស្ទឹងមានជ័យ។</p>
<p>នាយនគរបាលប៉ុស្ដិ៍បឹងទំពុន លោកអនុ សេនីយ៍ទោ ឡូ ភារម្យ បានឱ្យដឹងថា មុន ពេលកើតហេតុ<br /> ខណៈដែលជនរងគ្រោះ ឈ្មោះប៊ុន គឹមស្រឿន ភេទប្រុស អាយុ៣២ ឆ្នាំ រស់នៅភូមិឫស្សី សង្កាត់<br />ស្ទឹងមានជ័យ ខណ្ឌមានជ័យ បានជិះម៉ូតូម៉ាកសេ១២៥ គ្មានស្លាកលេខ ដឹកទឹកកកយកទៅឱ្យម៉ូយ<br />ពី ផ្សារដើមថ្កូវ ឆ្ពោះទៅផ្សារបឹងទំពុន ។</p>
<p>លោកឡូ ភារម្យ បានបន្ដថា ពេលទៅ ដល់ផ្សារបឹងទំពុន ខណៈដែលជនរងគ្រោះ បានឈប់ម៉ូតូ<br /> យកទឹកកកឱ្យម៉ូយ ស្រាប់តែ លេចមុខជនសង្ស័យ ធ្វើសកម្មភាពកាច់សោកម៉ូតូជិះគេចចេញពី<br />កន្លែងកើតហេតុ ។</p>
<p>ភ្លាមៗនោះជនរងគ្រោះ បានក្រឡេក ឃើញទាន់ក៏ស្រែកឆោឡោ ធ្វើឱ្យផ្អើលប្រជា ពលរដ្ឋនៅ<br />កន្លែងកើតហេតុ និងដឹងដល់ សមត្ថកិច្ចមូលដ្ឋាន ក៏ដេញតាមពីក្រោយ រហូតដល់ផ្សារស្ទឹងមាន<br />ជ័យ ក៏ឃាត់ខ្លួនបាន តែម្ដង ។ ប៉ុន្ដែជនសង្ស័យជាស្ដ្រីជនជាតិ វៀតណាមដូចគ្នាជិះពីក្រោយ<br /> បានរត់គេច ខ្លួនបាត់ ។</p>
<p>នាយនគរបាលប៉ុស្ដិ៍បឹងទំពុន បានឱ្យដឹង ថា ក្រោយពីទទួលបានសេចក្ដីរាយការណ៍ ភ្លាមៗពី<br />ជនរងគ្រោះ និងប្រជាពលរដ្ឋជា សាក្សី នៅម្ដុំផ្សារ បឹងទំពុន លោកបានដឹកនាំ សមត្ថកិច្ចធ្វើការ<br />ដេញពីក្រោយ ហើយក៏ចាប់ បានជនសង្ស័យខាងលើ ពេលដែលពួកគេ កំពុងជិះទៅដល់ផ្សារ<br /> ស្ទឹងមានជ័យ រួចហើយ រឹបអូសម៉ូតូពីជននេះ ឱ្យជនរងគ្រោះវិញ ។</p>
<p>បើតាមលោកឡូ ភារម្យ ជនសង្ស័យ ឈ្មោះគឹម ហៀង អាយុ៤១ឆ្នាំ ជនជាតិវៀតណាម រស់នៅ<br />ផ្ទះជួលក្នុងសង្កាត់ចោមចៅ ខណ្ឌពោធិ៍សែនជ័យ ត្រូវបានឃុំខ្លួននៅទីស្នាក់ ការប៉ុស្ដិ៍របស់លោក<br /> ហើយនឹងបញ្ជូនទៅ អធិការដ្ឋាននគរបាលខណ្ឌមានជ័យ កសាង សំណុំរឿងបញ្ជូនទៅតុលាការ<br /> ចាត់ការតាម ផ្លូវច្បាប់ ៕</p>
<p style="text-align: center;"><img title="" src="http://111.92.240.170:81/dap-news/dap-images/2013/March/id-011/Hong-0081.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-011/Hong-0082.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>