<div class="article-content">
<p><strong>កំពង់ឆ្នាំង៖</strong> យុវជន ជនជាតិ វៀតណាមម្នាក់ បានលង់ទឹកទន្លេស្លាប់ ខណៈពេល យុវជនរូប<br />នោះបានមុជទឹក ចូលទៅស្រាយខ្សែ យុថ្កាផ្ទះបណ្តែតទឹករបស់ខ្លួន ។ ហេតុការណ៍ ខាងលើ<br />នេះបានកើតឡើងកាល ពីវេលាម៉ោង៨ព្រឹក ថ្ងៃទី២៤ ខែឧសភា ឆ្នាំ២០១៣ ស្ថិតនៅចំណុច<br /> ផ្ទះបណ្តែតទឹកទន្លេ ក្នុង ភូមិកណ្តាល សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង ។</p>
<p>ប្រភពពីសមត្ថកិច្ចបាន អោយដឹងថា ដំបូងឡើយ គេសង្ស័យថា យុវនរូបនោះ ទំនងជាឆក់ខ្សែ<br />ភ្លើង ខណៈមុជទៅក្នុងទឹកនោះ ទើបប្រជាពលរដ្ឋ ញាតិ មិត្តជិតខាង ស្រង់ជនរងគ្រោះយក<br /> ទៅលាបភក់ ប៉ុន្តែបើយោងតាម ម្តាយបង្កើតជនរងគ្រោះ ឈ្មោះ ង្វៀង ធីវៀក បានអោយដឹង<br />ថា កូនប្រុសរបស់គាត់ ឈ្មោះ ង្វៀង យ៉ាំងថាន់ អាយុ១៧ឆ្នាំ បានលង់ទឹកស្លាប់ ខណៈពេល<br />មុជទឹក ដើម្បីស្រាយខ្សែយុថ្កា ថយផ្ទះទៅក្រោយ (ប្តូរទីតាំង) ។</p>
<p>ជនរងគ្រោះ ទំនងជាមុជទឹក ពេលងើប ឡើងវិញចូល ទៅក្នុងពាងខណៈ ផ្ទះបណ្តែតទឹក របស់<br />គេយកពាង ធ្វើជាពោងបណ្តែតនោះ ។ សាកសពជនរងគ្រោះ ត្រូវបានក្រុមគ្រួសារ និងសាច់<br />ញាតិ កំពុងតែរៀបចំចាត់ចែង ធ្វើបុណ្យ ទៅតាមប្រពៃណី របស់ពួកគេ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0752.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0750.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0751.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>