<p><strong>តាមការវិភាគពីបណ្តាគេហទំព័របច្ចេកវិទ្យា Google អាចនឹងត្រូវបំពេញលុយបន្ថែម<br />ប្រហែល</strong><strong>100 USD សំរាប់ស្មាតហ្វូន Nexus 4 មួយគ្រឿងៗពេលដាក់លក់។</strong></p>
<p>រូបសណ្ឋានមិនមែនជាកត្តាដែលគួរចាប់អារម្មណ៍ខ្លាំងនោះឡើយនៅលើ Nexus 4 កំរិតនៃ<br />តំលៃលក់ទើបជាកត្តាដែលធ្វើឲ្យមនុស្សជាច្រើននាក់មានការចាប់អារម្មណ៍ខ្លាំង។ ពេលដែល<br />Google បង្ហាញខ្លួន Nexus 4 នៅអាមេរិច ផលិតផលនេះត្រូវបានលក់តែក្នុងតំលៃ 299 USD<br />សំរាប់ Version 8 GB និង 349 USD សំរាប់ Version 16 GB គឺថោកជាងដល់ទៅពាក់កណ្តាល<br />បើប្រៀបជាមួយគំរូស្មាតហ្វូន Android Quad Core ដទៃផ្សេងទៀតដែលដាក់លក់លើទីផ្សារ។</p>
<p style="text-align: center;"><a class="thickbox" title="" href="/FileManager/Commons/2012/11/7/lgnexus4official580x461-e71cd-jpg-1352188951500x0-07-11-2012--08-48-55.jpg"><img src="/FileManager/Articles/mce/2012/11/7/lgnexus4official580x461-e71cd-jpg-1352188951500x0-07-11-2012--08-48-55.jpg" alt="" /></a><strong></strong></p>
<p style="text-align: center;"><span style="color: #0000ff;">Nexus 4 ជាស្មាតហ្វូនដែលប្រើប្រព័ន្ធប្រតិបត្តិការ Android 4.2 ដំបូងគេ</span><strong></strong></p>
<p class="Normal">តាម Phone Arena, Google អាចកំពុងត្រូវត្រៀមលុយយ៉ាងច្រើនសំរាប់ផ្គត់ផ្គង់ លើស្មាតហ្វូន<br />Nexus 4 ពេលដាក់លក់នៅលើទីផ្សារ។ LG ដែលជាក្រុមហ៊ុនផលិតដោយផ្ទាល់នូវ model <br />Nexus 4 ទើបបង្ហើបឲ្យដឹងថា តំលៃលក់របស់ផលិតផលនេះនៅអឺរ៉ុបឡើងដល់ជាង 750 USD<br />គឺខ្ពស់ជាងទ្វេដងទៅនឹងតំលៃលក់ដែល Google បានដាក់ចេញ។</p>
<p class="Normal">តាមការប្រៀបធៀបមួយផ្សេងទៀតក៏បានបង្ហាញថា Google អាចត្រូវត្រៀមលុយជាច្រើនសំរាប់<br />ផ្គត់ផ្គង់ដល់ការលក់ Nexus 4 ព្រោះ T-Mobile បានឲ្យដឹងថាតំលៃលក់របស់ Nexus 4 Version <br />8 GB របស់ Network នេះគឺ 199 USD ប៉ុន្តែអ្នកប្រើប្រាស់ត្រូវថែមលុយយ៉ាងតិច 15 USD ក្នុង<br />មួយខែក្នុងរយះពេល 2ឆ្នាំនៃការប្រើប្រាស់។ ដូច្នេះបើសិនយើងគិតសរុបក្រោយពីរយះពេល2ឆ្នាំ<br />នេះ នោះតំលៃលក់របស់ Google Nexus 4 ក៏នឹងឡើងដល់ 500 USD ខ្ពស់ជាង 200 USD តំលៃ<br />ដែល Google ដាក់លក់នៅលើ Play Store។</p>
<p class="Normal">Google Nexus 4 គឺជាស្មាតហ្វូន Andrroid ជំនាន់ទី 4 ដែល Google ទើបធ្វើការបង្ហាញខ្លួន។ វាប្រើ<br />ប្រព័ន្ធប្រតិបត្តិការ Android 4.2 Jelly Bean។ ក្រៅពីតំលៃលក់សមរម្យ Nexus 4 នៅធ្វើឲ្យមានការ<br />ចាប់អារម្មណ៍ជាច្រើនទៀតដោយមានរូបសណ្ឋានខ្ពស់ ជាមួយ chip Quad Core Snapdragon S4<br /> Pro ពី Qualcomm, RAM 2 GB និងមានអេក្រង់បច្ចេកវិទ្យា HD ទំហំ 4,7 inch។ Nexus 4 នឹងត្រូវបាន<br />Google ដាក់លក់ជាផ្លូវការនៅថ្ងៃទី 13/11/2012 ខាងមុខនេះ៕</p>
<p class="Normal" style="text-align: right;">ដោយ៖ សិលា<br />ប្រភព៖ VE</p>