<p>ព័ត៌មានអន្តរជាតិ ៖ យោងតាមសេចក្តីរាយការណ៍ ពីទំព័រសារព័ត៌មានបរទេស អាស៊ីវ័ន ដែល ទើបតែបានចេញផ្សាយ កាលពីប៉ុន្មានម៉ោង មុននេះបន្តិចអោយដឹងថា នៅវេលាព្រឹកថ្ងៃសុក្រ ព្រឹកមិញនេះ ចំនួនអ្នកស្លាប់ដោយសារតែបាក់ផ្ទាំងទឹកកក នៅលើភ្នំអេវើរ៉ស បានកើនឡើង ដល់ទៅ ៩ នាក់ហើយ ។</p>
<p>សេចក្តីរាយការណ៍បន្តអោយដឹងថា មនុស្ស ៩ នាក់នោះ សុទ្ធសឹងតែជាអ្នកនាំភ្ញៀវជនជាតិ នេប៉ាល់ ខណៈ ៣ នាក់ផ្សេងទៀត បានទទួលរងរបួសធ្ងន់ និង ស្រាល ។ មន្រ្តីក្រសួងទេស ចរណ៍ លោក Madhusudan Burlakoti គូសបញ្ជាក់អោយដឹងថា មនុស្ស ៥ នាក់ ត្រូវបានជួយ សង្គ្រោះ ខណៈ ៩ នាក់ បានស្លាប់បាត់បង់ជីវិត ។</p>
<p>គួររំឭកថា ភ្នំអេវើរ៉េស ជាភ្នំដែលខ្ពស់ជាងគេលើលោក មានកំពស់ ៨៨៤៨ ម៉ែត្រ ស្ថិតនៅព្រំ ដែន ប្រទេសនេប៉ាល់ និងចិន ដែលគេហៅថាតំបន់ទីបេ និងជាទីកន្លែងកំសាន្ដដ៏ពេញនិយម របស់ជនបរទេសមកពីគ្រប់ទិសទី ។ យ៉ាងណាមិញ សេចក្តីរាយការណ៍ បន្តអោយដឹងថា ជាមួយនឹងហេតុ ការណ៍ គ្រោះថ្នាក់មួយនេះ វាគឺជាហេតុការណ៍ គ្រោះថ្នាក់អាក្រក់បំផុត តាម រយៈ បំបែកកំណត់ ត្រាសម្លាប់មនុស្ស ច្រើនបំផុត នៅក្នុងករណី បាក់ផ្ទាំងទឹកកក នៅលើភ្នំមួយនេះ ៕</p>
<p style="text-align: right;"> ប្រែសម្រួល ៖ កុសល<br /> ប្រភព ៖ អាស៊ីវ័ន</p>