<p><strong>ភ្នំពេញ៖</strong> បន្ទាប់ពីបានឈានជើងចូល ក្នុងផលិតកម្មរស្មី ហង្សមាស ជិតមួយឆ្នាំមក តារាចម្រៀង <br />សុខ សីឡាលីន អាចលោតបានត្រឹមតែ បំបែកភាពស្ងប់ស្ងាត់ប៉ុណ្ណោះ។ មិនទាន់អាចល្បីល្បាញ<br />ខ្លាំង ដូចតារាចម្រៀងដទៃ ដែលស្ថិតក្នុងផលិតកម្មបាននៅឡើយទេ ខណៈដែលតារាចម្រៀងដទៃ<br /> ក្រៅផលិតកម្ម ក៏កំពុងតែប្រកួតប្រជែងខ្លាំងដែរ ។ បទមេៗរបស់នាង បែរជាក្លាយជាបទតូចតាច<br />ពេលចេញលក់ជា វីស៊ីឌី ខុសពីតារាចម្រៀងដទៃ ដែលបទមេៗរបស់ពួកគេ សុទ្ធតែបានឡើង<br />ក្របមុខ ។</p>
<p>តារាចម្រៀងរងរនាំងស្នេហ៍ពីម្ដាយ អស់រយៈពេលជាច្រើនឆ្នាំ សុខ សីឡាលីន បានព្យាយាមបង្កើន<br />សមត្ថភាពខ្លួនទ្វេរដង ទាំងការតុបតែងខ្លួន ស្ទីលច្រៀង និងសម្ដែង តែបែរជាហុចផលមកវិញ តិច<br />តួចបំផុត ខណៈដែលនាងខ្វះការលើកស្ទួយបន្ថែម ពីសំណាក់ ផលិតកម្ម ដែលពិបាកយោងឲ្យឡើង<br />ខ្ពស់ដូចគេ ទោះជានាងជាមនុស្សម្នាក់ មានសមត្ថភាពខ្លាំងមិនធម្មតាក៏ដោយ។</p>
<p>មិនត្រឹមតែការងារមិនសូវរលូនទេ សូម្បីតែស្នេហានាង ក៏នៅតែតឹងទ្រូងផ្អេសៗចង់ដាច់ខ្យល់ម្ដងៗ<br /> ខណៈដែលអ្នកម្ដាយជាទីស្រឡាញ់ នៅតែប្រឆាំងដាច់ខាត មិនព្រមទទួលស្គាល់ចំណងស្នេហ៍<br />របស់នាង ដែលខំសាងទាំងត្រដាបត្រដួសជាច្រើនឆ្នាំឡើយ ទោះជានាងស្រឡាញ់គ្នាស្ទើរតែចង់<br />លេបទៅហើយក្ដីក៏វាសនាហាក់ពុំព្រមឲ្យនាងជួបគ្នាឡើយ ។ សុខ សីឡាលីន បានដាក់រូបប្រូហ្វាល់<br /> (Profile) ក្នុងហ្វេសប៊ុក របស់នាងជាគូស្នេហ៍ ហាក់បង្ហាញថា នាងស្រឡាញ់គ្នាខ្លាំងណាស់។</p>
<p>ប្រភពមួយបានបង្ហើបថា សុខ សីឡាលីន រាល់ថ្ងៃនេះ ពិបាកចិត្តជាងអ្វីទៅទៀត ព្រោះណាមួយ<br />ស្នេហ៍មិនសមបំណង ណាមួយអាជីពចម្រៀង មិនសូវជារលូន ។ រំឭកកាលពីព្រះបរមរតនៈកោដ្ឋ<br /> មិនទាន់សោយទិវង្គត នាងបានច្រៀងថ្វាយ តែពេលនេះការងារស្ងប់ស្ងាត់ច្រើនណាស់។ សូម្បីការ<br />ងារក្នុងក្រសួងទេសចរណ៍ក៏រយាលដែរ ពិតជាយីអ៊ុនដាក់ អារក្សជាន់មែន..! ។</p>
<p>ប្រភពដដែល បានបន្តទៀតថា មិនបាច់មើលអីច្រើនពេកទេ មើលតែហ្វេសប៊ុកគ្នាទៅដឹងហើយ <br />ផុស(Post) អីលើកណា ក៏ពិបាកចិត្តដែរ...! ។</p>
<p>ប៉ុន្តែថ្មីនេះ សុខ សីឡាលីន បាននាំគូស្នេហ៍ទៅលម្ហែកាយ នាទីក្រុងមាត់សមុទ្រ យ៉ាងត្រជាក់ចិត្ត<br /> នៅខេត្តព្រះសីហនុ ដែលនាងបានបង្ហាញជាថ្មី នៅអារម្មណ៍ស្រស់ស្រាយ សប្បាយចិត្ត ព្រោះបាន<br />លម្ហែជាមួយ សង្សារសំណព្វចិត្ត ។ តែពុំវត្តមានម្ដាយនាងទៅមួយនាងឡើយ មានតែក្រុមតន្ត្រីចចក<br />សមុទ្រប៉ុណ្ណោះ ។</p>
<p>សម្រាប់ហេតុផល នៃដំណើរកំសាន្តនេះវិញ គ្មានអ្វីក្រៅពីបន្ធូរអារម្មណ៍តានតឹង និងបង្កើនចំណង<br />ស្នេហ៍ឲ្យផ្អែមល្ហែមទ្វេរដងឡើយ ។ ប៉ុន្តែ សុខ សីឡាលីន មិនបានបង្ហោះរូបស្រើបស្រាល ដូចតារា<br />មួយចំនួនដែលចូលចិត្ត ព្រលែងសាច់លើឆ្នេរសាច់ទេ ។ តែហាក់ជាចេតនាមួយ ផ្គើននឹងម្ដាយរបស់<br />នាង ដែលតែងតែរារាំងចំណងស្នេហ៍ដាច់ខាតមួយនេះ ជាយូរមកហើយ ។</p>
<p>សូមបញ្ជាក់ថា សុខ សីឡាលីន បានបង្កាត់ភ្លើងស្នេហ៍ ជាមួយអ្នកតន្រ្តីករល្បីឈ្មោះយូរឆ្នាំ គឺលោក<br /> អ៊ុក មិនណារិទ្ធ ជាប្រធានក្រុម ក្នុងក្រុមតន្រ្តីចចកសមុទ្រ អស់រយៈពេលជិត១០មកហើយ។ ប៉ុន្តែ<br />ចំណងស្នេហ៍បែបចាស់ចិត្តចាស់គំនិតមួយនេះ ត្រូវខាន់ចែកដាច់ និងជាប់បម្រាមព្រោះតែម្ដាយរបស់<br />នាង មិនឲ្យទាក់ទងគ្នា ហាក់មិនបានអាណិតដល់ចិត្តកូនស្រីអ្វីបន្តិចសោះឡើយ។ តែទោះជាយ៉ាង<br />ណារនាំងវណ្ណៈមួយនេះ ហាក់កំពុងតែត្រូវបាន ពុះបំបែកជាបំណែកៗបន្តិចម្ដងៗតាមរយៈអំណាច<br /> នៃចិត្តស្មោះរបស់អ្នកទាំងពីរ ដែលមិនអាចកាត់ផ្ដាច់ចំណងស្នេហ៍ឆេះងំ ក្នុងក្រអៅបេះដូង របស់អ្នក<br />ទាំងពីរបានឡើយ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0235.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0236.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0237.jpg" alt="Looking Today" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>