<p><span style="color: #000000;"><strong>ព្រះសីហនុ</strong> ៖ ស្នងការនគរបាលខេត្ដព្រះ សីហនុ លោកឧត្ដមសេនីយ៍ជួន ណារិន្ទ បាន បញ្ជាក់ថា សមត្ថកិច្ចរបស់លោក មិនឱ្យនាយក ក្រឡាបញ្ជីសាលាដំបូងខេត្ដព្រះសីហនុ រួច ខ្លួននោះឡើយ ក្នុងករណីបើករថយន្ដបុកស្ដ្រី ម្នាក់ ដែលត្រូវបានគេដឹងថា ជាភរិយារបស់ មន្ដ្រីរដ្ឋបាលព្រៃឈើ ថ្នាក់នាយរងផ្នែកនៅ ស្រុកព្រៃនប់ បណ្ដាលឱ្យរងរបួសយ៉ាងធ្ងន់ ធ្ងរ កាលពីយប់ថ្ងៃទី២៨ ខែមេសា ឆ្នាំ២០១៥ ។</span></p>
<p><span style="color: #000000;">នាយកក្រឡាបញ្ជីសាលាដំបូងខេត្ដព្រះសីហនុ លោកផន ផា កាលពីវេលាម៉ោង៧ និង២០នាទី យប់ថ្ងៃទី២៨ ខែមេសា ឆ្នាំ២០១៥ ស្ថិតនៅចំណុចផ្លូវឯករាជ្យ សង្កាត់ លេខ៣ ក្រុងព្រះសីហនុ បានបើករថយន្ដរបស់ខ្លួន ម៉ាកលុច្សស៊ីស Rx300 ពណ៌ទឹកមាស ពាក់ ស្លាកលេខ ព្រះសីហនុ 2A-3738 បាន ទៅ បុកស្ដ្រីម្នាក់ កំពុងដើរឆ្លងផ្លូវបណ្ដាលឱ្យដួល បែកក្បាលនិងបាក់ជើង ខ្ទាតឆ្អឹងនៅជាប់នឹង រថយន្ដ ទៀតផង ។</span></p>
<p><span style="color: #000000;">ស្នងការនគរបាលខេត្ដព្រះសីហនុ បាន បញ្ជាក់ថា ក្រោយគ្រោះថ្នាក់ចរាចរណ៍អ្នក បើករថយន្ដ រូបនេះ បានគេចខ្លួននិងមិនទាន់ ចូលផ្ទះនោះឡើយ រហូតមកដល់ថ្ងៃទី២៩ ខែមេសា ឆ្នាំ២០១៥ ខណៈដែល នគរបាល ជំនាញរបស់លោកបាននឹងកំពុងធ្វើការស្រាវ ជ្រាវតាមចាប់ខ្លួន ដើម្បីយកមកចាត់ការបន្ដ តាមនីតិវិធីច្បាប់ ពោលមិនឱ្យរួចខ្លួននោះ ឡើយ ។</span></p>
<p><span style="color: #000000;">យោងតាមប្រភពព័ត៌មានពីសាក្សីនៅ កន្លែងកើតហេតុបាននិយាយថា ស្ដ្រីរងគ្រោះ ដែលជាភរិយា របស់ លោកស៊ឹម វណ្ណារ៉ាក់ នាយរងផ្នែករដ្ឋបាលព្រៃឈើស្រុកព្រៃនប់ ខេត្ដព្រះសីហនុ ត្រូវរថយន្ដ របស់ លោកនាយក ក្រឡាបញ្ជីបុកពេញមួយទំហឹង បណ្ដាលឱ្យ ខ្ទាត់៤-៥ម៉ែត្រដួលបែកក្បាល នឹងអាចបាក់ ជើងទាំងពីរទៀតផង ។</span></p>
<p><span style="color: #000000;">បើតាមសាក្សីដដែលមុនពេលកើតហេតុ ស្ដ្រីរងគ្រោះបានធ្វើដំណើរឆ្លងកាត់ផ្លូវដោយ ថ្មើជើង ពេលនោះ លោកផន ផា កំពុងបើក រថយន្ដក្នុងទិសដៅពីកើតទៅលិច ក្នុងល្បឿន លឿន ក៏វាក់អឺជាមួយស្ដ្រីរងគ្រោះ ពេលនោះ បានយកចង្កូតទៅខាងស្ដាំដៃ ខណៈដែល ស្ដ្រីរងគ្រោះដើរ បកក្រោយក៏បុកពេញមួយទំហឹងខ្ទាត៤-៥ម៉ែត្រតែម្ដង ។</span></p>
<p><span style="color: #000000;">ពេលដែល បុកនោះ បណ្ដាលឱ្យ ឆ្អឹងជើងរបស់ស្ដ្រីរង គ្រោះខ្ទាតចេញមកក្រៅចំណែកខ្លះធ្លាក់នៅ លើដីនិងចំណែកខ្លះទៀតប៉ើង ទៅលើរថយន្ដមើលទៅគួរឱ្យញាក់សាច់ ។</span></p>
<p><span style="color: #000000;">តាមប្រភពព័ត៌មានពីកន្លែងកើតហេតុ ក្រោយបង្កគ្រោះថ្នាក់ចរាចរណ៍រួចមក លោក ផន ផា បានបើកទ្វារ រថយន្ដគេចខ្លួនដោយ ទុករថយន្ដចោលនៅទីនោះ ហើយត្រូវបាន ចរាចរណ៍យក ទៅរក្សាទុក នៅការិយាល័យចរាចរណ៍ផ្លូវគោក នៃស្នងការដ្ឋាននគរបាល ខេត្ដ ដើម្បីរង់ចាំធ្វើការដោះស្រាយតាមនីតិ វិធីច្បាប់ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/29/4-29-2015-10-28-44-am-29-04-2015--12-55-16.png"><span style="color: #000000;"><img src="/FileManager/Articles/mce/2015/4/29/4-29-2015-10-28-44-am-29-04-2015--12-55-16.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/4/29/4-29-2015-12-49-25-pm-29-04-2015--12-55-30.png"><span style="color: #000000;"><img src="/FileManager/Articles/mce/2015/4/29/4-29-2015-12-49-25-pm-29-04-2015--12-55-30.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>