<p><strong>ភ្នំពេញៈ</strong> ចំណងស្នេហា របស់តារាសម្តែង ប៊ីរីយ៉ា ជាមួយបុរសគូស្នេហ៍ ដែលគេស្គាល់ថា ជា<br />អ្នកសិល្បៈរួមអាជីពនោះ បានដើរដល់ផ្លូវប្រះឆា មិនចុះសម្រុងគ្នា ដោយសារតែវត្តមាន អ្នក<br />ទី៣ចូលជ្រៀតជ្រែក ។</p>
<p>នាពេលកន្លងមកតារាសម្តែង រាងតូចច្រឡឹងច្រមុះស្រួច ទម្រង់មុខកូនកាត់អឺរ៉ុប កញ្ញា ប៊ីរីយ៉ា<br />ធ្លាប់បានសម្ញែងភាពផ្អែមល្ហែម សិ្នទ្ធស្នាល ជាមួយសង្សារ ដែលមានមុខមាត់សង្ហា មាឌធំ ។<br />នាងប្រកាសក្តែងៗថា បុរសម្នាក់នេះ គឺជាប្រុសកំពូលស្នេហ៍ តែម្នាក់គត់ ដែលនាងមានបំណង<br />ចង់ចូលរោងការជាមួយ។</p>
<p>បើតាមប្រភពច្បាស់ការ ពីអ្នកនៅជិតខ្លួន កញ្ញា ប៊ីរីយ៉ា បានបង្ហើបប្រាប់ LookingTODAY ឲ្យដឹង<br />ថា ក្នុងមួយរយៈពេលនេះ គេសង្កេតឃើញ សន្ទុះកេរ្តិ៍ឈ្មោះ ប៊ីរីយ៉ា ហាក់ដូចជាឡើងកូដប្រៀប<br />ដូចជា កាំជណ្តើរ ហើយនៅក្នុងនោះរឿងស្នេហារបស់នាង ហាក់ដូចជាមានភាពល្អក់កករ ជា<br />មួយគ្នា មិនសូវទៅណាមកណាជាមួយគ្នា សាងភាពផ្អែមល្ហែមដូចមុនទេ ។ គេបែរជាឃើញ<br />បុរស រូបសង្ហាសម្បូរលុយជាច្រើន កំពុងតែតាមប្រលោមសុំស្នេហ៍នាងមិនដាច់នោះទេ រហូត<br />ធ្វើឲ្យគូស្នេហ៍ នាងមានការអាក់អន់ចិត្ត ធ្វើឲ្យមានភាពរង្គោះរង្គើ ឈានទៅរកភាពប្រះស្រាំ។</p>
<p>ប្រភពដដែលបាន បង្ហើបប្រាប់ឲ្យដឹងទៀតថា ចាប់តាំងពី ប៊ីរីយ៉ា ចាប់ផ្តើមរីកសាយ ភាយប្រជា<br />ប្រិយភាពកាន់តែខ្លាំង មកគេសង្កេតឃើញថា នាងក៏ក្លាយជា នារីសម្បូរមន្តស្នេហ៍កាន់តែខ្លាំង ធ្វើឲ្យស្នេហារបស់នាងមានគម្លាតឃ្លាតឆ្ងាយពីគ្នា កាន់តែខ្លាំងរហូតដល់ត្រូវដើរ ដល់ផ្លូវបំបែក<br />ដោយសារ តែស្នេហាធ្លាប់ផ្អែមល្ហែមប្រែក្លាយជាល្វីងជូរចត់ ដោយសារតែមានបុរសទី៣។</p>
<p>នាពេលកន្លងមក កញ្ញា ប៊ីរីយ៉ា ធ្លាប់បានអះអាងប្រាប់ LookingTODAY ឲ្យដឹងថា ទំនាក់ទំនង<br />ស្នេហារវាងនាង និងសង្សារ មានរយៈពេលជាង៣ឆ្នាំមកនេះ គឺនៅតែមានភាពផ្អែមល្ហែមជា<br />មួយគ្នា ហើយមិនយូរមិនឆាប់ពួកគេទាំងពីរ នាក់ អាចឈានទៅដល់មង្គលការ ក្នុងពេលឆាប់ៗ<br />ខាងមុខនេះទៀតផង។</p>
<p>តែការអះអាងបែបនេះ គ្រាន់តែជាលេសលាក់បាំងការពិតប៉ុណ្ណោះ ធាតុពិតពួកគេទាំងពីរនាក់<br /> កំពុងតែជួបប្រទះភាពរកាំរកូស មិនឈប់ដោយសារតែស្នេហាធ្លាប់ តែផ្អែមល្ហែមតែពីរនាក់ប្រែ<br /> ក្លាយជាស្នេហាត្រីកោណទៅវិញ។</p>
<p>LookingTODAY មិនអាចទាក់ទងទៅ កញ្ញា ប៊ីរីយ៉ា ដើម្បីឲ្យនាងបកស្រាយការពិតបានទេ ដោយ<br />សារតែទូរស័ព្ទរបស់នាង មិនអាចទាក់ទងបាន ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0493.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0494.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0495.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0496.jpg" alt="Looking Today" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>