<p>ស្ថាប័នគយរបស់កូរ៉េខាងត្បូងកាលពីថ្ងៃទី ៧ឧសភា បានអោយដឹងថា ពួកគេបានរកឃើញឱសថ<br />រាប់ពាន់គ្រាប់មានផ្ទុកម្សៅសាច់ទារកដែលត្រូវបានអតិថិជនពីប្រទេសចិននាំចូលមកប្រទេសនេះ។<br />ឱសថនេះត្រូវបានគេហៅថា ជាថ្នាំព្យាបាលជម្ងឺ "១០០មុខ"។</p>
<div></div>
<div><a class="thickbox" title="" href="/FileManager/Commons/2012/5/9/2f885d-09-05-2012--09-35-46.jpg"><img src="/FileManager/Articles/mce/2012/5/9/2f885d-09-05-2012--09-35-46.jpg" alt="" /></a></div>
<div><em>ស្ថាប័នគយរបស់កូរ៉េខាងត្បូងបានរឹបអូសថ្នាំម្សៅទារកចំនួន ១៧.០០០គ្រាប់ចាប់តាំងពីខែ<br />សីហា</em><em> ឆ្នាំទៅ។</em></div>
<div> </div>
<p>គេបានដឹងថា គ្រាប់ថ្នាំទាំងនេះត្រូវបាននាំចេញពីប្រទេសចិន ជាកន្លែងដែលបុគ្គលិកពេទ្យមួយ<br />ចំនួនបានលាក់ទុកទារកដែលបានស្លាប់ដើម្បីផ្ដល់អោយក្រុមហ៊ុនឱសថនៅពេលមានករណី<br />រំលូនកូនកើតឡើង។</p>
<p>ទារកដែលត្រូវបានគេរំលូតទាំងនោះក្រោយមកនឹងត្រូវបានយកទៅរក្សាទុកក្នុងទូទឹកកក្នុងគ្រួសារ<br />ដែលទាក់ទឹននឹងបណ្ដាញជួញដូរនេះ មុនពេលត្រូវបានយកទៅមណ្ឌលសុខាភិបាលដើម្បីដុតក្នុង<br />ទូកំដៅ <span id="result_box" class="short_text" lang="en"><span class="hps">Microwave។ បន្ទាប់មក គេកិនទារកស្ងួតនោះជាម្សៅ រួចដាក់ចូលជាមួយគ្រាប់ថ្នាំ និងថ្នាំ<br />ឬសឈើដើម្បីលាក់បាំងធាតុផ្សំពិតរបស់វា ក្នុងបំណងបង្វែងដានអ្នកត្រួតពិនិត្យឱសថ និងមន្ដ្រី<br />គយ។</span></span></p>
<p>រដ្ឋាភិបាលចិនក៏បានដឹងពីបញ្ហានេះ និងបានរកវិធីទប់ស្កាត់ ប៉ុន្ដែឱសថប្រភេទនេះរាប់រយកញ្ចប់<br />នៅតែត្រូវបាននាំចូលទៅកាន់ប្រទេសកូរ៉េខាងត្បូង។</p>
<div>ស្ថាប័នគយរបស់កូរ៉េខាងត្បូង បានអោយដឹងថា ពួកគេបានបង្កើនការស្វែងរកកញ្ចប់ថ្នាំគួរអោយ<br />សង្ស័យដែលត្រូវបាននាំចូលពីប្រទេសចិន។ យោងតាមមន្ដ្រីគយ ចាប់តាំងពីខែសីហាឆ្នាំ ២០១១<br />ពួកគេបានរកឃើញការជួញដូរថ្នាំម្សៅសាច់ទារកចំនួន ៣៥ករណី ដោយមានថ្នាំ ១៧.០០០គ្រាប់<br />ដែលមានផ្ទុកម្សៅសាច់ទារកត្រូវបានរកឃើញ។</div>
<div></div>
<div><a class="thickbox" title="" href="/FileManager/Commons/2012/5/9/1466bf-09-05-2012--09-36-06.jpg"><img src="/FileManager/Articles/mce/2012/5/9/1466bf-09-05-2012--09-36-06.jpg" alt="" /></a></div>
<div><em>ការពិនិត្យបានអោយដឹងថា ក្នុងឱសថប្រភេទនេះមួយគ្រាប់គឺមានផ្ទុកសាច់មនុស្ស ៩៩,៧%។</em></div>
<div></div>
<p>ទំព័រ San FranciscoTimes បានរាយការណ៍ថា ការពិនិត្យទៅលើគ្រាប់ថ្នាំទាំងនេះបានបង្ហាញថា ក្នុងមួយគ្រាប់ៗ គឺមានផ្ទុកសាច់មនុស្សដល់ទៅ ៩៩,៧%។ ការពិសោធនោះក៏បានអោយដឹង<br />អំពីភេទរបស់ទារកដែលត្រូវបានគេប្រើប្រាស់ធ្វើជាថ្នាំនេះផងដែរ។</p>
<p>តម្រូវការនៃការប្រើប្រាស់ថ្នាំនេះបានកើនឡើង ដោយសារតែមនុស្សយល់ថា វានឹងជួយអោយមាន<br />កម្លាំង។ ប៉ុន្ដែតាមការពិតគ្រាប់ថ្នាំសាច់មនុស្សនេះមានផ្ទុកមេរោគ និងសារធាតុដែលបង្កផលប៉ះ<br />ពាល់ផ្សេងទៀតដល់សុខភាព។</p>
<p>អ្នកជូញដូរថ្នាំប្រភេទនេះជាច្រើននាក់ត្រូវបានចាប់ខ្លួន ប៉ុន្ដែពួកគេបានអះអាងថា ពួកគេមិនបានដឹង<br />ពីធាតុផ្សំ និងដំណាក់កាលនៃការផលិតរបស់ថ្នាំនេះនោះទេ៕</p>
<p> </p>
<p style="text-align: right;">ដោយ ៖ សូរីយ៉ា<br />ប្រភព ៖ Daily mail, KBS</p>