<p><strong>ភ្នំពេញ៖</strong> តារាសម្តែង ទើបមានឈ្មោះសន្សឹមៗ ក្នុងវិថីសិល្បៈ លោក ទី រ៉ាណូ បានបង្ហើបថា បច្ចុប្បន្នមាន ខាងផលិតកម្មមួយចំនួន បានទាក់ទង ហៅលោកចូលសម្តែង ខ្សែភាពយន្តរឿងភាគ ចាក់បញ្ចាំង នៅតាមស្ថានីយទូរសទ្សន៍ ប៉ុន្តែលោកមិនទាន់ហ៊ាន ទទួលយកការហៅថត នៅឡើយទេ។</p>
<p>តារាសម្តែង លោក ទី រ៉ាណូ បានប្រាប់គេហទំព័រ LookingTODAY ឲ្យដឹងថា ក្រោយពីលោក មានឱកាសបានថតដាក់ទស្សនាវដ្ដីក្រៅស្រុក (សាំហ្គាពួរ) និងក្នុងស្រុករួចមក គឺចាប់ផ្តើមមានខាងផលិតកម្មតូចធំមួយចំនួនបានទាក់ទងហៅឲ្យសម្តែង ឈុតកាយវិកាខារ៉ាអូខេ ជាបន្តបន្ទាប់។ ប៉ុន្តែឱកាសសម្តែង ខ្សែភាពយន្តពុំមាននោះទេ ទើបតែថ្មីៗនេះ មានផលិតកម្មក្នុងស្រុកប្រហែល២ ឬ ៣ បានទាក់ទងហៅលោក ចូលសម្តែងរឿងមួយចំនួន។</p>
<p>លោក ទី រ៉ាណូ តារាសម្តែងរលកថ្មី ក្នុងវិស័យសិល្បៈ បានបន្តថា "មុននេះខ្ញុំមានខាងផលិតកម្ម១ បាន ទាក់ទងមកហៅខ្ញុំឲ្យចូលខ្លួនសម្តែង តែនិយាយមិនទាន់ត្រូវរូវគ្នា នៅឡើយទេ។ ម្យ៉ាងមកពីអារម្មណ៍ របស់ខ្ញុំពុំ ទាន់ចង់សម្តែងរឿង ក៏ថាបាន ទើបនិយាយគ្នាមិនត្រូវបែបនេះ..!"។<br />ទោះបីជាយ៉ាងនេះ ក៏ពិតមែនតែតារាសម្តែង ទី រ៉ាណូ បានបញ្ជាក់ថា លោកនឹងពិចារណាជាថ្មី ដើម្បីទទួលយកការសម្តែង និងថតខ្សែភាពយន្ត នៅពេលក្រោយៗ ត្បិតពេលមុននេះ លោកមិនទាន់ហ៊ាន សម្រេចចិត្តទទួលយកការថត ព្រោះតែមិនទាន់ច្បាស់ ក្នុងចិត្តថា អាចធ្វើបាន ក្នុងការចូលខ្លួនសម្តែង ខ្សែភាពយន្ត ជាលើកដំបូង។</p>
<p>តារាសម្តែ ទី រ៉ាណូ កំពុងលេចពន្លឺក្នុង វិស័យសិល្បៈ ខណៈកេរ្តិ៍ឈ្មោះ និងប្រជាប្រិយភាព កំពុងតែមានការលេចធ្លោសន្សឹមៗ តាមរយៈការសម្តែង កាយវិកាខារ៉ាអូខេ និងថតស្បតពាណិជ្ជកម្ម។ បន្ទាប់ពីឈានជើងចូលក្រឡូកនៅក្នុងសិល្បៈអស់រយៈពេលជាង ១ឆ្នាំកន្លងមកនេះ តារាសម្តែងប្រុសកំពុងតែរះពន្លឺ នៅលើវិថីសិល្បៈ លោក ទី រ៉ាណូ បាននឹងកំពុងវិវឌ្ឍខ្លួនឲ្យ ក្លាយទៅជាតាសម្តែង មានឈ្មោះល្បី ដូចតារាប្រុស- ស្រីផ្សេងទៀត៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-065/PISETH-0111.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-065/PISETH-0110.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-065/PISETH-0113.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/31119-2014-06-06-09-32-18.html" target="_blank">ផ្តល់សិទ្ធដោយ ៖ ដើមអម្ពិល</a></p>