<p><span style="color: #000000;">ព័ត៌មានអន្តរជាតិ ៖ លោកស្រីវេជ្ជបណ្ឌិត ម៉ាហ្គារ៉េត ចាន់ ប្រធាននៃអង្គការសុខភាពពិភពលោក WHO បានធ្វើបទសង្ខេបជាទូទៅនៅទីស្នាក់ការ របស់ខ្លួនក្នុងបុរី ញូវយ៉ក ដែលអត្ថន័យនៃបទបង្ហាញ នោះ លោកស្រី បានលើកឡើងពីភាពធ្ងន់ធ្ងរ និង កាចសាហាវ មិន ធ្លាប់មានចំពោះជំងឺ Ebola នៅតំបន់ អា ហ្វ្រិកខាងលិច ប៉ុន្តែទោះជាបែបនេះក្តី ក៏ វា កំពុងស្ថិតក្រោមការ គ្រប់ គ្រង និង បន្ត តាមដាន ទៅមុខ ទៀត។</span></p>
<p><span style="color: #000000;"><a class="thickbox" title="" href="/FileManager/Commons/2014/9/3/30-03-09-2014--14-14-02.jpg"><img src="/FileManager/Articles/mce/2014/9/3/30-03-09-2014--14-14-02.jpg" alt="" /></a><br /></span></p>
<p><span style="color: #000000;">ទីភ្នាក់ងារព័ត៌មានចិនស៊ិនហួ បានចេញផ្សាយនៅថ្ងៃពុធ ទី០៣ ខែកញ្ញា នេះថា ការផ្តល់ របាយការណ៍ របស់លោកស្រី ម៉ាហ្គារ៉េត ខាង លើ នេះ បានកើតឡើង ស្របពេលដែលជំងឺ Ebola កំពុងតែវាយលុក យ៉ាងសកម្មនៅបណ្តាប្រទេសចំនួន ៥ដូចជា ហ្គីណេ, លីបេរីយ៉ា, សៀរ៉ាឡេអូន, នីហ្សេរីយ៉ា , និង សេ ណេហ្គាល់ ផងដែរ។</span></p>
<p><span style="color: #000000;">ចំពោះប្រទេសហ្គីណេវិញ កាលពីថ្ងៃចុងសប្តាហ៍មុននេះ ប្រជាជនក្នុង ទីប្រជុំជនមួយចំនួន បាននាំ គ្នា ប្រមូលផ្តុំកម្លាំងបោសសម្អាត រាល់កាកសំណល់ និង សំរាម ដែលស្អុយកខ្វក់ ព្រោះពួកគេយល់ដឹងថា កត្តាទាំងនេះហើយទើបបណ្តាលឲ្យកើតឡើងនូវ ជំងឺ Ebola និង មេរោគ អាក្រក់ៗជាច្រើនទៀត ដែល នឹងបំផ្លាញជីវិតរបស់ប្រជាជន៕</span></p>
<p style="text-align: right;"><span style="color: #000000;">ប្រភព ៖ ដើមអម្ពិល និង ស៊ិនហួរ</span></p>