<p>នៅអាមេរិក ការអាក្រាតកាយក្នុងតំបន់ខ្លះ គឺសម្រាប់តែមនុស្សពេញវ័យ និងភាគច្រើនគឺបុរស ប៉ុន្ដែ នៅក្រុង Cap D’Agde ក្នុងតំបន់ Adge របស់បារាំងវិញ មនុស្ស ៩៩% បានអាក្រាតកាយ។ នៅទីនេះ អ្នកអាចដោះខោអាវដោយសេរី និងទៅកាន់កន្លែងណាក៏បាន ដែលអ្នកចូលចិត្ត ដូចជា ទៅផ្សារទំនើប ហូបអាហារនៅខាងក្រៅ ឬមួយទៅធនាគារ ឬក៏ការិយាល័យនគរបាល។ល។</p>
<p style="text-align: center;"><a class="thickbox" title="" href="/FileManager/Commons/2013/10/21/nude3-21-10-2013--23-02-20.jpg"><img src="/FileManager/Articles/mce/2013/10/21/nude3-21-10-2013--23-02-20.jpg" alt="" /></a></p>
<p> <br /><strong>ទីក្រុងអាក្រាត ៩៩ ភាគរយ</strong><br /><br />ស្ថិតនៅភាគនិរតីរបស់ប្រទេសបារាំង ទីក្រុង Cap D’Agde មានចម្ងាយត្រឹមតែ ៥គីឡូម៉ែត្រ ពីព្រលានយន្ដហោះ Montpellier ។ ក្រៅពីនេះ តំបន់នេះក៏មានជើងហោះហើរផ្ទាល់ពីព្រលានយន្ដហោះ Béziers-Cap d’Agde ទៅ Paris, Copenhagen ។ បច្ចុប្បន្ន Cap D’Agde មានប្រជាជន ៤០,០០០នាក់។</p>
<p>ដូចទៅនឹងតំបន់ទេសចរណ៍ដទៃ នៅទីនេះ មានឆ្នេរសមុទ្រដ៏ស្រស់ស្អាត មានល្បែងកីឡា ល្បែងកម្សាន្ដដ៏សប្បាយរីករាយ ព្រមទាំងហាងទំនើបៗរាប់មិនអស់ផងដែរ។ ប៉ុន្ដែ អ្វីដែលប្លែកជាងគេ និងពិសេសជាងគេ នោះគឺ មនុស្សចំនួន ៩៩% នៅ Cap D’Agde ចូលចិត្តអាក្រាតកាយ។ ចំណែក ១% ដែលនៅស្លៀកពាក់ធម្មតា គឺជាកីឡាករបាល់ទាត់វ័យក្មេង និងយុវវ័យ។ ដោយសារតែមានភាគរយតិច ដូច្នេះ មនុស្សដែលស្លៀកពាក់ធម្មតា តែងមានអារម្មណ៍ថា ខ្លួនឯងខុសគេ។</p>
<p style="text-align: center;"><a class="thickbox" title="" href="/FileManager/Commons/2013/10/21/nude1-21-10-2013--23-00-18.jpg"><img src="/FileManager/Articles/mce/2013/10/21/nude1-21-10-2013--23-00-18.jpg" alt="" /></a></p>
<p><br /><strong>ទីក្រុងអាក្រាតតែមួយគត់ក្នុងពិភពលោក</strong><br /><br />យោងតាមប្រភពទិន្នន័យមួយចំនួន ឱ្យដឹងថា Cap D’Agde ត្រូវបានបង្កើតឡើងកាលពីឆ្នាំ ១៩៧។ មុននោះ តំបន់ដីដែលនៅជាប់នឹងសមុទ្រ Cap D’Agde គឺជាកម្មសិទ្ធិរបស់គ្រួសារ Oltra ។ ក្រោយសង្គ្រាមលោកលើកទីពីរ បងប្អូនគ្រួសារ Oltra យល់ឃើញថា នៅលើដីរបស់ពួកគេ មានមនុស្សមកសម្រកលំហែកាយកាន់តែច្រើន ហើយពួកគេចូលចិត្ត ងូតទឹកសមុទ្រ និងអាក្រាតកាយហាលថ្ងៃ។ បន្ទាប់មក បងប្អូនគ្រួសារ Oltra ក៏បានបង្កើតតំបន់លំហែកាយចល័តមួយសម្រាប់ជួល។ តំបន់នេះ បានទាក់ទាញភ្ញៀវបរទេសយ៉ាងច្រើនមកកំសាន្ដ ពិសេសគឺមកពីអាល្លឺម៉ង់ និងហូឡង់។ ក្នុងបណ្ដាឆ្នាំ ១៩៧០ រដ្ឋាភិបាល Georges Pompidou បានបង្កើតគម្រោងអភិវឌ្ឍតំបន់ឆ្នេរសមុទ្រ Languedoc-Roussillon ។ ដំបូងឡើយ Cap D’Agde មិនស្ថិតក្នុងគម្រោងនេះនោះទេ ប៉ុន្ដែ Rene Oltra បានបញ្ចុះបញ្ចូលក្រុមមន្ដ្រីមានសមត្ថកិច្ចដែលកាន់ការរៀបចំគម្រោងនេះ ដើម្បីឱ្យពង្រីកទៅដល់តំបន់ "ស្លៀកខ្យល់ដណ្ដប់មេឃ" Cap D‘Agde របស់ខ្លួន។ ឆ្នាំ ១៩៧៣ ឆ្នេរសមុទ្រអាក្រាតកាយ Cap D‘Agde បានចាប់ផ្ដើមដំណើរការ។<br /><br />នៅក្នុងទីក្រុងនេះ មានទីលំនៅចំនួន ៤ប្រភេទ គឺ អាគារស្នាក់នៅ ភូមិគ្រឹះជាយក្រុង តំបន់លំហែកាយមួយកន្លែង និងសណ្ឋាគារមួយដែលមានឈ្មោះថា Hotel Eve ។ ដោយឡែកនៅក្នុងតំបន់លំហែកាយ Cap D’Agde មានតំបន់ដីតូចៗ ចំនួន ២,៥០០ កន្លែង ដែលអ្នកអាចបោះតង់ដោយខ្លួនឯង ឬជួលផ្ទះចល័ត ដើម្បីសម្រាកលំហែអារម្មណ៍ ដោយអាក្រាតកាយ នៅក្នុងទីក្រុងនេះតែម្ដង។</p>
<p style="text-align: center;"><a class="thickbox" title="" href="/FileManager/Commons/2013/10/21/nude2-21-10-2013--23-01-06.jpg"><img src="/FileManager/Articles/mce/2013/10/21/nude2-21-10-2013--23-01-06.jpg" alt="" /></a></p>
<p>Cap D’Agde ត្រូវបានគេដាក់បញ្ចូលឈ្មោះជាតំបន់លំហែកាយលេខមួយ ដែលត្រូវបានគេចូលចិត្តបំផុតនៅបារាំង ហើយវាទាក់ទាញភ្ញៀវទេសចរណ៍ប្រមាណជា ៥០,០០០ នាក់មកទស្សនា ជារៀងរាល់រដូវសម្រកវិស្សមកាល។</p>
<p> </p>
<p><strong>អត្ថបទចម្លែកៗគួរឱ្យចាប់អារម្មណ៍ដទៃ ៖</strong></p>
<p><span style="color: #3366ff;"><a href="/News/Detail/30724/naked-obese-sculptures-by-mu-boyan"><span style="color: #3366ff;">រូបចម្លាក់មនុស្សធាត់ អាក្រាតកាយ ដូចបេះបិទទៅនឹង មនុស្សពិត</span></a></span></p>
<p><span style="color: #3366ff;"><a href="/news/detail/8157/naked-girl-in-banner-in-Poipet"><span style="color: #3366ff;">នាំគ្នាភ្ញាក់ផ្អើល ប៉ាណូបង្ហាញរូបភាពអាក្រាតមួយផ្ទាំង នៅក្រុងប៉ោយប៉ែត</span></a></span></p>
<p><span style="color: #3366ff;"><a href="/news/detail/69071/catwalk-model-strips-naked-on-runway"><span style="color: #3366ff;">ឆាកបង្ហាញម៉ូដ បង្កការចាប់អារម្មណ៍ ដោយតារា អាក្រាតកាយ </span></a></span><br /><br /></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Citinews/sallyhanreck<br /><br /><br /></p>