<div class="article-content">
<p><strong>កំពង់ចាមៈ</strong> ចោរឆក់កាបូបពីរនាក់ ក្រោយពីធ្វើសកម្មភាពបានបើកម៉ូតូរត់ បានបន្តិចក៏ជួបគ្រោះ<br />ថ្នាក់ចរាចរ រងរបួសធ្ងន់ទាំងពីរនាក់ សល់តែដង្ហើម ចង្រិត ខណៈដឹកយកមកសង្គ្រោះ នៅមន្ទីរ<br />ពេទ្យខេត្តកំពង់ចាម ។ ហេតុការណ៍ដែលក្រុមចោរទាំងពីរនាក់ បានធ្វើសកម្មភាពឆក់កាបូបប្រជា<br />ពលរដ្ឋ នៅវេលាម៉ោង៨និង៣០នាទីព្រឹក ថ្ងៃទី២១ ខែមេសា ឆ្នាំ២០១៣ នៅចំណុចមុខមន្ទីរមន្ទីរ<br />ពេទ្យបង្អែកក្រុងសួង .សង្កាត់សួង ក្រុងសួង ខេត្ត កំពង់ចាម។</p>
<p>បើតាមលោក ស៊ុន ណាត នាយផ្នែកព្រហ្មទណ្ឌ នៃអធិការដ្ឋាននគរបាលក្រុងសួង បានប្រាប់ឲ្យដឹង<br />ថា ក្រុមចោរឆក់កាបូប ដែលជួបគ្រោះថ្នាក់ ចរាចរ មានឈ្មោះ ទី១ សុខ ណាដូ ភេទប្រុស អាយុ១៨<br />ឆ្នាំ .ទី២ ឈ្មោះ ឃឹម តុលា ភេទប្រុស អាយុ២៣ឆ្នាំ អ្នកទាំងពីរមានទីលំនៅភូមិបឹងស្នាយ សង្កាត់សំ<br />បួរមាស ក្រុងកំពង់ចាម ។ លោក នាយផ្នែក បានឲ្យដឹងទៀតថា នៅវេលាម៉ោងជាង៨ព្រឹកថ្ងៃកើត<br />ហេតុ ជនរងគ្រោះ ឈ្មោះ ឈួន ស្រីពៅ ភេទស្រី អាយុ២៥ឆ្នាំ មានទីលំនៅភូមិសួងលិច សង្កាត់<br />សួង វិលត្រឡប់ពីផ្សារជិះម៉ូតូ ម៉ាកស្កុបពីដាក់កាបូប ក្នុងឃ្លុបក្រោមដៃចង្កូត លុះជិះដល់ចំណុចមុខ<br />មន្ទីរពេទ្យបង្អែកក្រុងសួង ស្រាប់តែ មានបុរសពីរនាក់ជិះម៉ូតូម៉ាកស្កុបពីដែរ បានជិះតាម ហើយលូក<br />យកកាបូបរបស់នារីរងគ្រោះ ជិះរត់ទៅមុខ ពេលនោះក៏មានការផ្អើលឆោឡោ ហើយភ្លាមៗនោះ<br /> សាច់ញាតិរបស់នារីរងគ្រោះ បាននាំគ្នា ជួយជិះម៉ូតូតាមរក លុះបានបន្តិចមកស្រាប់តែឮសូរថា មាន<br />ករណីគ្រោះថ្នាក់ចរាចរ នៅចម្ងាយពីកន្លែងឆក់កាបូប ប្រហែល៣គីឡូម៉ែត្រ ហើយពេលនោះ នារី<br />រងគ្រោះក៏បានទៅមើល និងសមត្ថកិច្ចក៏នៅទីនោះដែរ។</p>
<p>លោក នាយផ្នែក បានបន្តថា នៅកន្លែងកើតហេតុគ្រោះថ្នាក់ចរាចរនោះ គេឃើញជនទាំងពីរនាក់<br />នោះ ដេកសន្លប់ទាំងពីរនាក់នៅលើថ្នល់ ហើយ ខណៈដែលសមត្ថកិច្ចជំនាញកំពុងតែពិនិត្យ ស្រាប់<br />តែឃើញទូរស័ព្ទរបស់នារីរងគ្រោះ នៅក្នុងហោប៉ៅអាវរបស់ក្រុមជនទាំងពីរនាក់នោះ ក្រោយ ពីការ<br />ពិនិត្យបានច្បាស់លាស់ហើយ ទើបសមត្ថកិច្ចបានសន្មត់ថា ជនទាំងពីរនាក់នោះ គឺជាអ្នកដែលទើប<br />ឆក់កាបូប នារីរងគ្រោះមុននេះ បន្តិច។ បន្ទាប់មកជនទាំងពីរនាក់នោះ ត្រូវបានរថយន្តសាមុយ ដឹក<br />យកទៅសង្គ្រោះនៅមន្ទីរពេទ្យបង្អែកខេត្តកំពង់ចាម ។</p>
<p>ចំពោះជនទាំងពីរនាក់ បន្ទាប់ពីយកមកដល់មន្ទីរពេទ្យ បើតាមលោក ម៉ឹង សាវឿន មន្ត្រីនគរបាល<br />បច្ចេកទេស វិទ្យាសាស្ត្រ នៃស្នងការដ្ឋាននគរបាល ខេត្តកំពង់ចាម បានឲ្យដឹងដែរថា របួសជន<br />សង្ស័យទាំងពីរនាក់ មាន អាការធ្ងន់ធ្ងរខ្លាំង ប្រហែលជាមិនសង្ឈឹមរស់ទេ នេះបើតាមការអះអាង <br />របស់ គ្រូពេទ្យ ៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-014/that-0390.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-014/that-0391.jpg" alt="" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>