<p><span style="color: #000000;">ព័ត៌មានអន្តរជាតិ ៖ យន្តហោះ របស់ក្រុមហ៊ុនអាកាសចរណ៍ Virgin Australia ឆ្ពោះទៅកាន់ទីក្រុង ស៊ិដ នីនោះត្រូវបង្ខំចិត្តហោះត្រលប់ក្រោយ ទៅកាន់ទីក្រុង Los Angeles និ ងធ្វើការចុះចតជាបន្ទាន់ បន្ទាប់ ពីមានការលេចធ្លាយ ឡាបូ (នៅក្នុងបន្ទប់ទឹក) លើយន្តហោះ នេះបើ យោង តាមការដកស្រង់សម្រង់ អត្ថបទផ្សាយ ពីគេហទំព័រសារព័ត៌មានបរទេស ប៊ីប៊ីស៊ី ។ </span></p>
<p><span style="color: #000000;">ក្រុមមនុស្សជាអ្នកធ្វើដំណើរ បានអះអាងអោយដឹងថា ក្លិនអាសោច ពិត ជាមិនអាចទ្រាំបាននោះទេ ខណៈកាកសំណល់មនុស្ស ត្រូវបានគេមើលឃើញ ថាបានហៀរ ដល់ ផ្លូវដើរ ចន្លោះកៅអី តែទោះជា យ៉ាងណាក៏ដោយចុះ ក្រុមហ៊ុនអាកាសចរណ៍ បានធ្វើការបដិសេធ ។ ក្រុមហ៊ុនអាកាសចរណ៍ Virgin Australia អោយដឹងថា យន្តហោះ សម្រេចចិត្តហោះត្រលប់ក្រោយ ខណៈគិតពីសុខសុវត្ថិភាព អ្នក ដំ ណើរជាអទិភាព ។ </span></p>
<p><span style="color: #000000;"><a class="thickbox" title="" href="/FileManager/Commons/2014/11/4/virgin-australia-04-11-2014--15-13-36.jpg"><img src="/FileManager/Articles/mce/2014/11/4/virgin-australia-04-11-2014--15-13-36.jpg" alt="" /></a><br /></span></p>
<p><span style="color: #000000;">ក្រុមហ៊ុនអាកាសចរណ៍បន្តអោយដឹងថា សុខសុវត្ថិភាពអ្នកដំណើរ មិន បាន ចោទជាបញ្ហានោះទេ ជា ការអនុលោមទៅតាមនិតិវិធីប្រតិបត្តិការ ស្តង់ដា កាពីទែន បានធ្វើការសម្រេចចិត្ត ហោះត្រលប់ក្រោយ ទៅកាន់កំពង់ផែ ដើម្បីជាការចាត់វិធានការឆ្លើយតប បន្ទាប់ពី ឡាបូ ពីរ នៅ លើយន្តហោះក្នុងបន្ទប់ទឹក នោះបានបែកធ្លាយ នេះបើយោងតាមសេចក្តីថ្លែងការណ៍ ពីក្រុមហ៊ុន អាកាសចរណ៍ ខណៈពុំមានការ គូសបញ្ជាក់ពីមូលហេតុពិត ដែលបណ្តាលអោយមានករណី លើកនេះនោះទេ ។ </span></p>
<p><span style="color: #000000;">បុគ្គលម្នាក់ ជាអ្នកធ្វើដំណើរ បានសរបញ្ជាក់ក្តែងៗអោយដឹងថា ក្លិនអាសោច នោះ ពិតជាមិនអាចទ្រាំ បាននោះទេ ។ ច្បាស់ណាស់ ពួកយើងពិតជាបានឃើញយ៉ាងច្បាស់ ទាក់ទិន ទៅនឹងកាកសំណល់ (លាមក) នៅតាមបណ្តោយផ្លូវដើរ ចន្លោះកៅអី សងខាង ។ ផ្ទុយទៅវិញ ក្រុមហ៊ុន Virgin បានធ្វើការ បដិសេធក្នុងការលើកឡើង ថាមានការបែកធ្លាយចេញពី បង្គន់ ។ </span></p>
<p><span style="color: #000000;">"ប្រតិបត្តិការបន្ទប់ទឹក លើយន្តហោះ គឺវាស្ថិតនៅលើប្រព័ន្ធ លូមួយផ្សេងទៀត ដាច់ដោយឡែកពីគ្នា ទាំងស្រុង " ក្រុមហ៊ុនអាកាសចរណ៍មានការគូសបញ្ជាក់ ដល់ភ្នាក់ ងារសារព័ត៌មាន Sydney Morning Herald ។ ខណៈបញ្ហាកើតចេញពីការបែកធ្លាយ ឡាបូ ពុំមែនជាការ បែកធ្លាយ បង្គន់ ដូច្នេះ ពុំមានវត្ត មាននៃការបែកធ្លាយ កាកសំនល់ ចេញពីបង្គន់នោះទេ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី</span></p>