<p><strong>ភ្នំពេញ៖</strong> ការប្រយុទ្ធគ្នាមួយ កាលពីយប់ក្នុងផ្សារស្ដង់បុរីកីឡា មិនឆ្ងាយប៉ុន្មានអធិការដ្ឋាន <br />នគរបាលខណ្ឌ ៧មករា យ៉ាង ហោចណាស់បណ្ដាលឲ្យបុរស ២នាក់ របួសធ្ងន់ ត្រូវគេដឹក<br />យកទៅព្យាបាល នៅមន្ទីរពេទ្យសម្ដេចឪ ចំណែក២នាក់ទៀតរបួសស្រាល។ ដោយឡែក<br />ជនបង្កត្រូវបានចាប់ខ្លួន ចំនួន៤នាក់ភ្លាមៗ និងកំពុងត្រូវបានឃុំខ្លួន ក្នុងអធិការនគរបាល<br />ខណ្ឌ នៅ ឡើយ។</p>
<p>សេចក្ដីរាយការណ៍ ចុងក្រោយឲ្យដឹងថា ស្ថានភាពអ្នករបួស កាន់តែធ្ងន់ធ្ងរ ហើយត្រូវបានគេ<br />បន្ដ បញ្ជូនជនរងគ្រោះទៅកាន់ មន្ទីរពេទ្យកាល់ម៉ែត។</p>
<p>សេចក្ដីរាយការណ៍ឲ្យដឹងថា ជម្លោះគ្នានោះ កើតឡើងកាលពីវេលា ម៉ោង០៩និង៣០នាទី យប់<br />ថ្ងៃទី២១ ខែធ្នូ ឆ្នាំ២០១២ ដោយ សារតែភាគីទាំងពីរ ស្រវឹងស្រាដូចគ្នា និងផ្ដើមដោយសម្ដីឌឺដង<br />គ្នា រវាងជាងជួសជុល និងអ្នកលក់ម៉ូតូ ក្នុងផ្សារស្ដង់បុរីកីឡា ជាមួយភាគីម្ខាងទៀតមានគ្នា៤នាក់<br /> មានខ្លះជាសន្ដិសុខសហគមន៍បុរីកីឡា និងខ្លះទៀតធ្វើការក្នុងការដ្ឋានរាជាយស្ម័យយានរាជធានី<br />ភ្នំពេញ ។</p>
<p>ទោះជាយ៉ាងណាក៏ដោយ នគរបាលព្រហ្មទណ្ឌខណ្ឌ ៧មករា មិនប្រាប់ឲ្យពិស្ដារ ពីហេតុការណ៍<br /> និងអត្ដសញ្ញាណរបស់ជន បង្ក ទាំង៤នាក់ ដែលត្រូវចាប់ខ្លួននោះទេ។ គ្រាន់តែដឹងខ្លះៗថា អ្នក<br />របួសធ្ងន់មានឈ្មោះ ជិន ជឿន ហៅ វ៉ិត អាយុ ១៩ឆ្នាំ មាន ស្រុកកំណើត នៅភូមិចំការឃ្លៃ ឃុំជ្រៃ<br />បាក់ ស្រុករលាប្អៀរ ខេត្ដកំពង់ឆ្នាំង, ទី២ ឈ្មោះ មួន, ទី៣ ឈ្មោះ នាង និងទី៤ ឈ្មោះ មឿន អ្នក<br />ទាំង៤ ធ្វើកូនជាងជួសជុលម៉ូតូឲ្យថៅកែ ឈ្មោះ សុខជា ផ្សារស្ដង់បុរីកីឡា។</p>
<p>នៅព្រឹកថ្ងៃទី២២ ខែធ្នូនេះ គេឃើញសាច់ញាតិ និងបក្ខពួករបស់ជនបង្ក ដែលត្រូវនគរបាលខណ្ឌ<br />៧មករា ឃាត់ខ្លួនបានទៅ កាន់អធិការដ្ឋាន ក្នុងគោលបំណងអន្ដរាគមន៍ ដើម្បីបានដោះលែងជន<br />សង្ស័យទាំងនោះ ឲ្យមានសេរីភាពវិញ ប៉ុន្ដែគេមិនទាន់ ដឹងពីចំណាត់ការ របស់លោក យិន សាន<br /> អធិការនគបាលខណ្ឌ ចាត់ចែងរបៀបណាទេ លើករណីនេះ។</p>
<p>ដោយឡែក ព័ត៌មានចុងក្រោយឲ្យដឹងថា ក្នុងចំណោមជនរងគ្រោះ មាន ២នាក់ មានសភាពកាន់<br />តែធ្ងន់ធ្ងរ ហើយត្រូវគេដឹក ចេញពីមន្ទីរពេទ្យសម្ដេចឪ ទៅកាន់មន្ទីរពេទ្យកាល់ម៉ែត៕</p>
<p><a class="thickbox" title="" href="/FileManager/Commons/2012/12/22/that-0477-22-12-2012--19-44-01.jpg"><img src="/FileManager/Articles/mce/2012/12/22/that-0477-22-12-2012--19-44-01.jpg" alt="" /></a></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/54780-2012-12-22-06-25-06.html"><span style="color: #0000ff;">ដើមអំពិល</span></a></p>