<p><strong>ភ្នំពេញ ៖</strong> ជនសង្ស័យពីរនាក់ ក្នុងចំណោម ៤នាក់ ត្រូវបានកម្លាំង នគរបាលប៉ុស្ដិ៍បឹងទំពុន <br />ខណ្ឌមានជ័យ ឃាត់ខ្លួនបានភ្លាមៗ ខណៈ ដែលពីរនាក់ផ្សេងទៀត កំពុងរត់គេចខ្លួន បន្ទាប់<br />ពីជនសង្ស័យទាំងនេះ បានធ្វើសកម្ម ភាពយកដំបងចូលទៅវាយប្លន់យកទូរស័ព្ទ ម៉ាកអាយ<br />ហ្វូន ពីជនរងគ្រោះម្នាក់ កំពុង និយាយទូរស័ព្ទ ស្ថិតនៅលើកំណាត់ផ្លូវលេខ ៣៧១ ក្នុងភូមិ<br />ក្បាលទំនប់ សង្កាត់បឹងទំពុន ខណ្ឌមានជ័យ ។</p>
<p>យោងតាមប្រភពព័ត៌មានពីសមត្ថកិច្ច មូលដ្ឋានបានឱ្យដឹងថា ជនសង្ស័យទី១ឈ្មោះ ប៊ូរ៉ា ឌីម<br /> ភេទប្រុស អាយុ១៧ឆ្នាំ និងជនសង្ស័យ ម្នាក់ទៀតឈ្មោះ ជាម វិសាល ភេទប្រុស អាយុ២០ឆ្នាំ<br /> ដែលអ្នកទាំងពីររស់នៅក្នុង ភូមិព្រែកតាគង់ សង្កាត់ចាក់អង្រែលើ ខណ្ឌ មានជ័យ ខណៈជន<br />សង្ស័យចំនួន២នាក់ ផ្សេងទៀត ដែលកំពុងរត់គេចខ្លួននោះ រួមមានទី១ ឈ្មោះ បូរ៉ា ដារិន ភេទ<br />ប្រុស អាយុ១៩ឆ្នាំ និងទី២មានឈ្មោះ ឈា ហុង អាយុ១៥ឆ្នាំ។ ដោយឡែក ជនរងគ្រោះមាន<br />ឈ្មោះ ឈាង បូរ៉ា អាយុ៣០ឆ្នាំ។</p>
<p>បើតាមសមត្ថកិច្ចមុនពេលកើតហេតុជន រងគ្រោះបានជិះម៉ូតូតែម្នាក់ឯង រួចហើយ ពេលធ្វើដំណើរ<br />ដល់ចំណុចកើតហេតុនោះ ក៏ ឈប់ម៉ូតូនិយាយទូរស័ព្ទ គាប់ជួនពេលនោះ ក៏លេចមុខជនសង្ស័យ<br />ទាំងនេះ ប្រដាប់ដោយ ដំបង ក្នុងដៃបានចូលទៅសំឡុតនិងប្រុងវាយ ជនរងគ្រោះ ក្នុងគោលបំ<br />ណងប្លន់យកទូរស័ព្ទ ម៉ាកអាយហ្វូន ។ ដោយសារតែឃើញជន សង្ស័យមានគ្នាច្រើននិងមានដំបង<br />នៅក្នុងដៃ ផងនោះ ក៏បានប្រគល់ទូរស័ព្ទដៃទៅឱ្យពួក គេ រួចហើយគេចខ្លួនបាត់ដោយសុវត្ថិភាព។</p>
<p>បើតាមសមត្ថកិច្ចនៅពេលដែលជនសង្ស័យទាំងនេះ រត់គេចខ្លួនពីកន្លែងកើតហេតុជន រងគ្រោះបាន<br />ស្រែកឆោឡោ ក៏ឮដល់ប្រជា ពលរដ្ឋ ហើយនាំគ្នាមកចោមរោម មើល រួច គាប់ជួនពេលដែលកម្លាំង<br />ប៉ុស្ដិ៍បឹងទំពុនខណ្ឌ មានជ័យ កំពុងជិះម៉ូតូល្បាតក្បែរកន្លែងកើត ហេតុ ហើយក៏មកសួរនាំ ទើបដឹង<br />រឿងហេតុ។</p>
<p>ក្រោយពីដឹងថា មានករណីវាយប្លន់យក ទូរស័ព្ទដៃ ពីសំណាក់ប្រជាពលរដ្ឋនៅតាម ផ្លូវសាធារណៈ<br />យ៉ាងដូច្នេះ កម្លាំងនគរបាល ប៉ុស្ដិ៍បឹងទំពុន បានទាក់ទងតាម វិទ្យុទាក់ស្ទាក់ ចាប់ជនសង្ស័យ ក្រោយ<br />ពីបានស្គាល់អត្ដ សញ្ញាណបន្ទាប់ពីជនរងគ្រោះបានប្រាប់។ នៅពេលស្ទាក់មុខសញ្ញាកម្លាំងសមត្ថកិច្ច<br />បាន ឃាត់ខ្លួនជនសង្ស័យពីរនាក់ រីឯពីរនាក់ផ្សេង ទៀត បាននឹងកំពុងរត់គេចខ្លួន។</p>
<p>បច្ចុប្បន្នជនសង្ស័យទាំងពីរនាក់នេះ ត្រូវ បានឃុំខ្លួនជាបណ្ដោះអាសន្ន នៅអធិការដ្ឋាន នគរបាល<br />ខណ្ឌមានជ័យ ដើម្បីកសាងសំណុំ រឿងបញ្ជូនទៅតុលាការ៕</p>
<p><a class="thickbox" title="" href="/FileManager/Commons/2012/12/14/nak-271-14-12-2012--16-27-20.jpg"><img src="/FileManager/Articles/mce/2012/12/14/nak-271-14-12-2012--16-27-20.jpg" alt="" /></a></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/54319-2012-12-14-07-59-40.html"><span style="color: #0000ff;">ដើមអំពិល</span></a></p>