<p><span style="color: #000000;">ព័ត៌មានអន្តរជាតិ ៖ ហោចណាស់ មនុស្ស ៣ នាក់ ត្រូវបានគេរាយការណ៍ អោយដឹងថា បានរងរបួសក្រោយ ករណីផ្ទុះរោងចក្រគីមីមួយកន្លែង ភាគខាងជើង ប្រទេស អេស្ប៉ាញ បណ្តាល អោយមាន ពពកលឿងពុល ពាសពាញផ្ទៃមេឃតែម្តង ។ មានការព្រមានលើកឡើងអោយដឹងថា ប្រជាជន រស់នៅ តំបន់ជុំវិញ ទីក្រុង Barcelona គួរណា នៅក្នុងផ្ទះ ជាជាងចេញទៅខាងក្រៅ ។</span></p>
<p><a class="thickbox" title="" href="/FileManager/Commons/2015/2/13/81-13-02-2015--15-03-59.jpg"><img src="/FileManager/Articles/mce/2015/2/13/81-13-02-2015--15-03-59.jpg" alt="" /></a></p>
<p><a class="thickbox" title="" href="/FileManager/Commons/2015/2/13/80-13-02-2015--15-04-11.jpg"><img src="/FileManager/Articles/mce/2015/2/13/80-13-02-2015--15-04-11.jpg" alt="" /></a></p>
<p><span style="color: #000000;">ទំព័រសារព័ត៌មាន រ៉យទ័រ បានដកស្រង់សម្តី រដ្ឋាភិបាលប្រចាំតំបន់អោយដឹងថា គ្រោះ ថ្នាក់កើតឡើង នៅ ភាគខាងជើង ឆៀងខាងលិចប្រទេស អេស្ប៉ាញលើកនេះ គឺបណ្តាលមកពី ករណីផ្ទុះឡើងនូវ ម៉ាស៊ីនលាយ សារជាតិគីមី ពីរគ្រឿង អំឡុងប្រតិបត្តិការ ធ្វើការចែកចាយរបស់ខ្លួន ។ ភ្លាមៗ ករណី ផ្ទុះរោងចក្រគីមីកើត ចេញពីឧបករណ៍លាយសារជាតិគីមីខាងលើ បានបណ្តាលអោយ មានករណីផ្ទុះឆេះ តែម្តង នៅក្រុមហ៊ុន ចែកចាយសារជាតិគីមី Simar ។</span></p>
<p><a class="thickbox" title="" href="/FileManager/Commons/2015/2/13/82-13-02-2015--15-04-21.jpg"><img src="/FileManager/Articles/mce/2015/2/13/82-13-02-2015--15-04-21.jpg" alt="" /></a></p>
<p><span style="color: #000000;">ជាលទ្ធផល អំឡុងកើតមានឡើងនូវករណីផ្ទុះកម្រមួយនេះ រដ្ឋាភិបាលបានប្រកាសក្តែងៗ អោយប្រជាពល រដ្ឋទាំងអស់ចូរនៅក្នុងផ្ទះ កុំចេញក្រៅ ហើយត្រូវបិទទ្វារ និង បង្អួចអោយជិតៗ មិនត្រឹមតែប៉ុណ្ណោះ បណ្តា ផ្លូវចរាចរណ៍មួយចំនួនផ្សេងទៀត ក៏ត្រូវបានបិទបណ្តោះអាសន្នដូចគ្នាដែរ ។</span></p>
<p><span style="color: #000000;">រដ្ឋមន្រ្តីក្រសួង មហាផ្ទៃ លោក Ramon Espadelar បំភ្លឺអោយដឹងថា ៖ ជា អកុ សល ពុំមានខ្យល់បោកបក់ គ្រប់គ្រាន់នៅតំបន់នេះ ជាចលករនាំអោយ ពពក ពុលបន្តមានវត្តមាននៅទីនេះរយៈពេលយូរមុននឹងសាយ ភាយអស់ ។ បណ្តាក្រុងធំៗទាំង ៦ ក្នុងនោះ Igualada, Catalonia នៅបន្តរងគ្រោះ មានវត្តមានពពកលឿង ពុលច្រើននៅឡើយ ។ មួយក្នុងចំណោម ឧបករណ៍លាយសារជាតិ គីមីដែល បានផ្ទុះឡើងនោះ គឺមានសារ ជាតិគីមី អាស៊ីដនីទ្រិត ។ សេចក្តីរាយការណ៍ បញ្ជាក់អោយដឹងថា ករណីផ្ទុះ លើកនេះ បានកើតឡើង នៅ វេលាម៉ោង ៩ ព្រឹក ថ្ងៃព្រហស្បត្តិ៍ (ម៉ោងក្នុងស្រុក ប្រទេស អេស្ប៉ាញ) ៕</span></p>
<p><span style="color: #000000;"><object width="471" height="404" data="http://www.youtube.com/v/DrqFZus608Y&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/DrqFZus608Y&rel=1" /></object><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ អ័រតេ</span></p>