<p>មាត់មិនត្រឹមតែជាអវយវៈដែលមានតួនាទីច្រើន និងសំខាន់ប៉ុណ្ណោះទេ តែវាក៏អាចប្រាប់អ្នក អំពី<br />សុខភាពនៃរាងកាយរបស់អ្នកផងដែរ។ ខាងក្រោមនេះ គឺជាប្រការមួយចំនួនដែលមាត់របស់អ្នក <br />អាចប្រាប់អំពីបញ្ហាសុខភាព ៖</p>
<p style="text-align: center;"><a class="thickbox" title="" href="/FileManager/Commons/2015/1/15/mm-15-01-2015--14-26-41.jpg"><img src="/FileManager/Articles/mce/2015/1/15/mm-15-01-2015--14-26-41.jpg" alt="" /></a></p>
<p><strong>១. ចេញឈាមត្រង់អញ្ចាញ = អតុល្យភាពអ័រមូន</strong></p>
<p>ប្រព័ន្ធទទួលអ័រមូន បង្កប់នៅក្នុងជាលិកាអញ្ចាញធ្មេញរបស់អ្នក។ ក្នុងអំឡុងពេលស្ដ្រីមានផ្ទៃពោះ ពួកគេអាចនឹងមានបញ្ហាចេញឈាមត្រង់អញ្ចាញធ្មេញ ប្រការនេះមិនមែនដោយសារបញ្ហាធ្មេញ<br />នោះទេ ប៉ុន្ដែ គឺដោយសារអ័រមូនមិនមានតុល្យភាព ពោលគឺវាច្របូកច្របល់។ បញ្ហាខាងលើនេះ ក៏<br />អាចកើតមានចំពោះស្ដ្រីលែងមានរដូវ។ ក្រៅពីនេះ អាការៈចេញឈាមត្រង់អញ្ចាញ ក៏កើតឡើង<br />នៅពេលស្ដ្រីកំពុងមករដូវផងដែរ។</p>
<p><strong>២. មាត់ឡើងក្រហម និងអណ្ដាតឡើងហើម = កង្វះជាតិបំប៉ន</strong></p>
<p>ប្រសិនមាត់របស់អ្នកឡើងក្រហម វាអាចជាសញ្ញានៃការខ្វះវីតាមីន B6 ។ ក្រៅពីនេះ អណ្ដាតដែល<br />មានសភាពក្រហម ហើម កើតជ្រាំង អណ្ដាតឡើងរឹង ក៏ជាសញ្ញានៃការខ្វះជាតិដែក។ អណ្ដាត<br />ដែលមានសភាពស្លេកខ្លាំង ក៏ប្រាប់ថា អ្នកកំពុងខ្វះគ្រាប់ឈាមក្រហម។</p>
<p><strong>៣. ធ្មេញប្រេះ ឬបែក = ច្រាលអាស៊ីតក្រពះឡើងមកលើ</strong></p>
<p style="text-align: center;"><strong><a class="thickbox" title="" href="/FileManager/Commons/2015/1/15/mmm-15-01-2015--14-38-31.jpg"><img src="/FileManager/Articles/mce/2015/1/15/mmm-15-01-2015--14-38-31.jpg" alt="" /></a><br /></strong></p>
<p>មនុស្សភាគច្រើនយល់ថា ធ្មេញរបស់ពួកគេមានការប្រេះ បែក ជាដើម គឺដោយសារតែការទំពារ<br />អាហាររាល់ថ្ងៃ។ ក៏ប៉ុន្ដែ នៅពេលពេទ្យធ្មេញ ពិនិត្យទៅលើធ្មេញទាំងនោះ គឺឃើញថា មានស្នាម<br />ប្រេះ បែកជាច្រើន ទាំងនេះគឺបណ្ដាលមកពីអាស៊ីតក្រពះ។</p>
<p>GERD (Gastroesphogeal Reflux Disease) គឺជាបញ្ហាអាស៊ីតក្នុងក្រពះ ច្រាលឡើងមកកាន់មាត់ <br />នៅពេលកំពុងគេង ធ្វើឱ្យរចនាសម្ព័ន្ធរបស់ធ្មេញ ត្រូវត្រាំនៅក្នុងអាស៊ីត ហើយនាំឱ្យធ្មេញត្រូវប្រេះ<br /> នេះបើតាមវេជ្ជបណ្ឌិត ជីនេតេ ខឺន (Jeanette Kern) មកពីអាមេរិក។ </p>
<p><strong>៤. ខ្យល់ដង្ហើមមិនល្អ = បញ្ហាក្រពះ</strong></p>
<p>ប្រសិនអ្នកជាមនុស្សមានអនាម័យខ្ពស់ទៅលើមាត់ធ្មេញ ដូចជា ដុសធ្មេញ ៣ដងក្នុងមួយថ្ងៃ ប្រើ<br />សូត្រទន្តពេទ្យ និងទៅពិនិត្យធ្មេញញឹកញាប់ ប៉ុន្ដែ នៅតែមានបញ្ហាក្លិនមាត់ នោះ វាអាចបណ្ដាល<br />មកពីបញ្ហាក្រពះ។ ការរីកចម្រើនរបស់មេរោគនៅក្នុងក្រពះ អាចធ្វើឱ្យខ្យល់ដង្ហើមរបស់អ្នក មិន<br />ល្អ។ វាក៏អាចជាសញ្ញាមួយបង្ហាញថា អ្នកមានបញ្ហាថ្លើម និងក្រលៀន។ ជាងនេះ អ្នកជម្ងឺទឹកនោម<br />ផ្អែមដែលមានក្លិនមាត់មិនល្អ ក៏គួរតែប្រញាប់ទៅកាន់មន្ទីរពេទ្យ ព្រោះថា ជម្ងឺទឹកនោមផ្អែមនេះ <br />មានសភាពធ្ងន់ធ្ងរ។</p>
<p><strong>៥. រេចរឹលធ្មេញ និងឈឺក្បាល = បញ្ហាតប់ប្រមល់ ឬហៅថាស្ដ្រេស</strong></p>
<p>ធ្មេញដែលឆាប់រេចរឹល វាជាសញ្ញានៃបញ្ហាសង្កៀតធ្មេញ។ ប្រសិនអ្នកគេងស្កប់ អ្នកពិបាកនឹងដឹង<br />ថា ខ្លួនមានទម្លាប់សង្កៀតធ្មេញ រហូតដល់ទន្តពេទ្យធ្វើការពិនិត្យ។ ចំណែកបញ្ហាឈឺក្បាលពេល<br />ព្រឹក និងឈឺថ្គាម គឺជាសញ្ញានៃបញ្ហាដទៃ។ បណ្ឌិត ព្រីយ៉ន វិចនីកគី (Bryon Viechnicki) ថ្លែងថា <br />“បញ្ហាធ្មេញត្រូវរេចរឹលគឺជាសញ្ញាដំបូង ហើយការសង្កៀតធ្មេញ គឺប៉ះពាល់ដល់ប្រព័ន្ធទំពារ (ចាប់<br />ពីឆ្អឹងជុំវិញធ្មេញ ដល់សាច់ដុំរបស់មាត់) របស់អ្នក”។ បញ្ហាធ្មេញ អាចនឹងធ្វើឱ្យមានភាពតប់ប្រមល់<br />កើតឡើង ហើយការសង្កៀតធ្មេញ ក៏អាចបណ្ដាលឱ្យឈឺសាច់ដុំថ្គាម និងឈឺក្បាល។ ការឈឺមួយ<br />ចំហៀងក្បាល វាទាក់ទិននឹងបញ្ហាសង្កៀតធ្មេញ នៅលើស្ដ្រី។ បញ្ហាសង្កៀតធ្មេញដែលធ្ងន់ធ្ងរ<br />បំផុត គឺធ្វើឱ្យអ្នកជម្ងឺមិនអាចហាមាត់បាន។ ដើម្បីការពារធ្មេញ សាច់ដុំថ្គាម អ្នកគួរតែទៅជួបទន្ត<br />ពេទ្យ។ ក្រៅពីនេះ ការកាត់បន្ថយភាពតប់ប្រមល់ ព្រួយចិត្ត ក៏ជួយដោះស្រាយបញ្ហាទាក់ទិនបាន<br />មួយកម្រិត។</p>
<p><strong>៦. រលាកមាត់ = កង្វះជាតិ Gluten</strong></p>
<p style="text-align: center;"><strong><a class="thickbox" title="" href="/FileManager/Commons/2015/1/15/mmmm-15-01-2015--14-39-47.jpg"><img src="/FileManager/Articles/mce/2015/1/15/mmmm-15-01-2015--14-39-47.jpg" alt="" /></a><br /></strong></p>
<p>រលាកមាត់ អាចជាសញ្ញាមួយរបស់បញ្ហាកង្វះជាតិ គ្លូតេន ឬខ្វះសារជាតិស័ង្កសី។ អ្នកជំនាញការ<br /> សានដា ម៉ូលដូវ៉ាន ថ្លែងថា នៅពេលឃើញអ្នកជម្ងឺមានបញ្ហារលាកមាត់ ខ្ញុំនឹងឱ្យពួកគេលេបថ្នាំ<br />ដែលមានផ្ទុកស័ង្កសី ហើយប្រសិននៅតែមិនបាត់ ខ្ញុំនឹងធ្វើការពិនិត្យទៅលើការស្រូបយកសារ<br />ជាតិ គ្លូតេន របស់ក្រពះ ដោយសារថា ជម្ងឺរលាកក្រពះអាចនឹងបណ្ដាលឱ្យរលាកមាត់។ ការ<br />ពិសោធថ្មីៗនេះ បានបង្ហាញថា បញ្ហារលាកមាត់ កើតឡើងដោយសារកង្វះសារជាតិ គ្លូតេន។</p>
<p><strong>៧. ជម្ងឺអញ្ចាញ និងរលាកអញ្ចាញ = បញ្ហាបេះដូង</strong></p>
<p>យើងដឹងហើយថា បាក់តេរីមួយប្រភេទនៅក្នុងមាត់ អាចនឹងឆ្លងចូលទៅក្នុងសរសៃឈាម និង<br />បង្កើតឱ្យមានស្រទាប់កំណកកំបោរ ហើយកំណកកំបោរនេះ មានផ្ទុកបាក់តេរីដែលរស់នៅក្នុង<br />មាត់។ បណ្ឌិត ជីនេតេ ខឺន ឱ្យដឹងថា “ដូច្នេះហើយ បណ្ដាបាក់តេរីនេះ បង្កើតកូនចៅ និងរស់នៅ<br />គ្រប់កន្លែងក្នុងរាងកាយ”។ បាក់តេរីនេះ ក៏អាចធ្វើដំណើរពីកន្លែងមួយទៅកន្លែងមួយ ហើយមក<br />កាន់ធ្មេញរបស់អ្នក តាមរយៈចរន្ធឈាម ដោយវាត្រូវឆ្លងកាត់បេះដូង ប្រការនេះហើយ បង្ហាញថា<br /> នៅពេលអ្នកកើតជម្ងឺជើងធ្មេញ ឬអញ្ចាញធ្មេញ វាក៏អាចជាសញ្ញាមួយនៃជម្ងឺបេះដូង៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ MMN</p>