<div class="article-content">
<p><strong>ភ្នំពេញ ៖</strong> ក្រុមចាប់ជម្រិត ដែលភាគ ច្រើន ជាជនជាតិចិនមានស្រីមានប្រុសដែល បានយកទី<br />តាំងមួយចំនួន តាមរយៈការ ជួលផ្ទះល្វែង ជួលផ្ទះវីឡា ក្នុងរាជធានីភ្នំ ពេញ ដើម្បីធ្វើសកម្មភាព<br />ចាប់ជម្រិតតាម ប្រព័ន្ធអ៊ិនធឺណែត ប្រមាណ ៦០នាក់ ត្រូវ បានកម្លាំងនគរបាល នាយកដ្ឋានចារ<br />កម្ម របស់ក្រសួងមហាផ្ទៃ សហការជាមួយ កម្លាំងនគរបាល តាមបណ្ដាខណ្ឌដឹកនាំ ដោយតំណាង<br />អយ្យការ បានឃាត់ខ្លួនជាបន្ដ បន្ទាប់ នៅព្រឹកថ្ងៃទី០៥ ខែមេសា ឆ្នាំ ២០១៣ ខណៈដែលគោលដៅ<br />ផ្សេងទៀត កម្លាំងសមត្ថកិច្ច នឹងបន្ដស្រាវជ្រាវបង្ក្រាប ក្រុមចាប់ជម្រិតទាំងនេះ ។</p>
<p>យោងតាមប្រភពព័ត៌មាន ពីសមត្ថកិច្ច ដែលចូលរួមក្នុងប្រតិបត្ដិការ ខាងលើនេះ បានឱ្យដឹងថាក្រុម<br />ចាប់ជម្រិតតាមប្រព័ន្ធ អ៊ិនធឺណែត ប្រមាណ ៦០នាក់ ភាគច្រើន បំផុតជាជនជាតិចិន ត្រូវបានចាប់<br />ខ្លួនជាបន្ដ បន្ទាប់ នៅក្នុងខណ្ឌចំនួន ៣ រួមមានខណ្ឌ ចំការមន ខណ្ឌមានជ័យ និងខណ្ឌដូនពេញ។ <br />សមត្ថកិច្ចបានបន្ដថា សម្រាប់ ខណ្ឌចំការមន ជនសង្ស័យត្រូវបានចាប់ខ្លួន ចំនួន ២៩នាក់ ក្នុងនោះ<br />ស្រី ៩នាក់ ខណៈដែលពួកគេកំពុង ស្ថិតនៅក្នុងផ្ទះលេខ ១៣៥ ផ្លូវ ១៩៩ សង្កាត់ ទំនប់ទឹក ខណ្ឌ<br />ចំការមន ដោយឡែក នៅខណ្ឌមានជ័យវិញ កម្លាំងសមត្ថកិច្ចបាន ឃាត់ខ្លួនជនសង្ស័យចំនួន ១០<br />នាក់ ក្នុង នោះជនជាតិចិន ៨នាក់ ជនជាតិម៉ាឡេស៊ី ម្នាក់ និងជនជាតិភូមាម្នាក់ ។ ក្រោយពីការ <br />ឃាត់ខ្លួន ជនសង្ស័យទាំងនេះ លុះរសៀល ថ្ងៃទី០៥ ខែមេសា ឆ្នាំ ២០១៣ កម្លាំង សមត្ថកិច្ចបាន<br />បន្ដទៅឃាត់ខ្លួន ជនសង្ស័យ បន្ថែមទៀត ចំនួន ២០នាក់ នៅក្នុងសង្កាត់ បឹងរាំង ខណ្ឌដូនពេញ<br /> ក្នុងនោះស្រី ៩នាក់ ខណៈដែលពួកគេកំពុងធ្វើដំណើរ ។</p>
<p>ប្រភពព័ត៌មានពីសមត្ថកិច្ច បានបន្ដថា ប្រតិបត្ដិការបង្ក្រាបក្រុមចាប់ជម្រិត តាម ប្រព័ន្ធអ៊ិនធឺណែត<br />ខាងលើនេះ គ្រោងធ្វើ ឡើង ក្នុង ១០គោលដៅ ស្ថិតក្នុងខណ្ឌ ចំនួន ៤ រួមមាន ខណ្ឌឫស្សីកែវ <br />ខណ្ឌសែន សុខ ខណ្ឌមានជ័យ និងខណ្ឌចំការមន ។</p>
<p>ជុំវិញករណីបង្ក្រាបក្រុមចាប់ជម្រិត តាមប្រព័ន្ធអ៊ិនធឺណែតខាងលើនេះ មជ្ឈ មណ្ឌលព័ត៌មានដើម<br />អម្ពិល មិនទាន់អាច ស្វែងរកការអត្ថាធិប្បាយ ជាផ្លូវការណា មួយ ពីប្រធាននាយកដ្ឋានចារកម្ម <br />ក្រសួង មហាផ្ទៃ លោក ឃួន សំបូរ បាននៅឡើយ ទេ ខណៈដែលអ្នកនាំពាក្យក្រសួងមហាផ្ទៃ <br /> លោកឧត្ដមសេនីយ៍ ខៀវ សុភ័គ កំពុង បំពេញបេសកកម្មនៅតាមខេត្ដ រីឯអ្នកនាំ ពាក្យ អគ្គស្នងការ<br />នគរបាលជាតិ លោក ឧត្ដមសេនីយ៍ គាត ច័ន្ទថារិទ្ធ កំពុងជាប់ ប្រជុំជាមួយភ្ញៀវបរទេស ។ ដោយ<br />ឡែក មន្ដ្រីនគរបាល នៅក្នុងនាយកដ្ឋានចារកម្មម្នាក់ក៏មិនបានបញ្ជាក់ពីចំនួនសរុប និងប្រតិបត្ដិការ<br />បង្ក្រាបមុខសញ្ញាទាំងនេះនៅ ឡើយទេ ដោយលោកអះអាងថា គ្រាន់តែ ប្រចាំនៅគោលដៅមួយ<br />ប៉ុណ្ណោះ ។</p>
<p>គួរបញ្ជាក់ថា ក្រុមចាប់ជម្រិតតាម ប្រព័ន្ធអ៊ិនធឺណែត ជាជនជាតិចិន ត្រូវបាន កម្លាំងសមត្ថកិច្ចកម្ពុជា<br /> ចាប់ខ្លួនជាបន្ដបន្ទាប់ កាលពីពេលកន្លងទៅ ហើយបញ្ជូនទៅ កាន់ ប្រទេសចិនវិញ ដើម្បីចាត់ការ<br />តាមផ្លូវច្បាប់ បន្ទាប់ពីពួកគេទាំងនេះបានយកទីតាំង រាជ ធានីភ្នំពេញ ធ្វើជាកន្លែងប្រតិបត្ដិការសកម្ម<br /> ភាពទុច្ចរិតមួយនេះ ៕</p>
<p style="text-align: center;"><img title="" src="http://111.92.240.170:81/dap-news/dap-images/2013/April/id-011/Hong-0064.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-011/Hong-0065.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-011/Hong-0066.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-011/Hong-0067.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0092.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0093.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0094.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0095.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0096.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0097.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>