<p>ក្រុមអ្នកវិទ្យាសាស្ដ្រអាមេរិក បានរកឃើញនូវកត្តាសំខាន់ៗផ្នែកវិទ្យាសាស្ដ្រមួយចំនួន ដែល<br />បណ្ដាលឱ្យក្មេងស្ទាវ ក្លាយជាមនុស្សឆេវឆាវ និងធ្វើការសម្រេចចិត្តមិនបានត្រឹមត្រូវ។</p>
<p>កន្លងមក ក្រុមអ្នកវិទ្យាសាស្ដ្រនៃសកលវិទ្យាល័យ Weill Cornell (អាមេរិក) បានបញ្ចេញនូវមូល<br />ហេតុមួយចំនួន បកស្រាយអំពីការដែលយុវវ័យភាគច្រើនដែលទើបធំ មានការសម្រេចចិត្តខុស<br /> ព្រមទាំងមានឥរិយាបទកាចសាហាវ និងមានលក្ខណៈឡប់ៗ។</p>
<p style="text-align: center;"><a class="thickbox" title="" href="/FileManager/Commons/2013/11/15/schooliesfightwideweb470x2840-15-11-2013--23-28-41.jpg"><img src="/FileManager/Articles/mce/2013/11/15/schooliesfightwideweb470x2840-15-11-2013--23-28-41.jpg" alt="" /></a></p>
<p style="text-align: center;">រូប ៖ SMH</p>
<p>អ្នកឯកទេសផ្នែកសរសៃប្រសាទ Kristina Caudle និង BJ Casey មកពីសកលវិទ្យាល័យ Weill <br />Cornell យល់ថា ក្នុងករណីធម្មតា មានការសប្បាយរីករាយ នោះក្រុមក្មេងស្ទាវទើបធំ នឹងបញ្ចេញ<br />យោបល់ ឬការសម្រេចចិត្តដ៏ត្រឹមត្រូវ។ ប៉ុន្ដែនៅពេលពួកគេមានទំនាស់ មិនមានមនោសញ្ចេតនា <br />ឬប្រើគ្រឿងស្រវឹង នោះពួកគេនឹងបាត់បង់ការគ្រប់គ្រងខ្លួនឯង។<br /><br />ដើម្បីទទួលបានលទ្ធផលបង្ហាញអំពីប្រការខាងលើ ក្រុមអ្នកស្រាវជ្រាវបានធ្វើការពិសោធទៅ<br />លើយុវវ័យមិនទាន់គ្រប់អាយុ មនុស្សពេញវ័យ និងកុមារតូចៗ។ ក្នុងការពិសោធនេះ ក្រុមអ្នកវិទ្យាសាស្ដ្របានប្រើប្រាស់រូបមុខមនុស្សដែលមានទឹកមុខកាចសាហាវដើម្បីធ្វើឱ្យមានឥទ្ធិពល<br />ដល់អ្នកចូលរួមពិសោធ។<br /><br />តាមរយៈនេះ អ្នកស្រាវជ្រាវនឹងតាមដានប្រតិកម្មរបស់ក្រុមយុវវ័យ នៅចំពោះមុខស្ថានភាពដែល<br />ត្រូវបានគំរាម។ នៅពេលពួកគេមានអារម្មណ៍ខឹងខ្លាំងបំផុត ពួកគេត្រូវបានណែនាំឱ្យចុចប៊ូតុង<br />មួយដែលបានត្រៀមជាស្រេច។ <br /><br />លទ្ធផលបានបង្ហាញថា ចំនួនយុវវ័យមិនទាន់គ្រប់អាយុ បានចុចប៊ូតុង ច្រើនជាង ១៥% ធៀបនឹង<br />មនុស្សពេញវ័យ និងកុមារតូចៗ ដែលបានចូលរួមធ្វើការពិសោធនេះ។ ក្រុមអ្នកឯកទេសពិនិត្យ<br />ឃើញថា ស្រោមខួរក្បាលដែលនៅត្រង់ថ្ងាស់ ជាកន្លែងគ្រប់គ្រងអារម្មណ៍ បានធ្វើសកម្មភាពខ្លាំង<br />ជាងមុន។ ទន្ទឹមនឹងនេះ កូនកណ្ដុរនៅលើស្រោមខួរ ជាកន្លែងគ្រប់គ្រងការភ័យខ្លាច ក៏ដំណើរការ<br />ខ្លាំងជាងក្រុមដទៃ។<br /><br />ប្រការនេះបង្ហាញថា ភាពច្របូកច្របល់មុខងារនៅលើតំបន់ខួរកបាលទាំងពីរនេះ អាចបង្កអស្ថេរ<br />ភាពផ្នែកផ្លូវចិត្តរបស់យុវវ័យទើបធំ បណ្ដាលឱ្យពួកគេព្រួយបារម្ភ រីឯចរឹតទៅជាឆេវឆាវ មាននិន្នាការ<br />ទៅរកការប្រើប្រាស់សារជាតិញៀន។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/60938/east-meets-west--an-infographic-portrait-by-yang-liu"><span style="color: #3366ff;">ភាពខុសគ្នា ១៦ចំណុច រវាងវប្បធម៌លោកខាងលិច និងលោកខាងកើត</span></a></span></p>
<p><span style="color: #3366ff;"><a href="/News/Detail/39486/the-difference-between-a-cyclone-a-hurricane-and-a-typhoon"><span style="color: #3366ff;">ឈ្មោះរបស់ព្យុះ មានភាពខុសគ្នា បែបណា ?</span></a></span></p>
<p><span style="color: #3366ff;"><a href="/News/Detail/50641/the-terrifying-things-that-happen-before-you-leave-the-womb"><span style="color: #3366ff;">ពេលនៅក្នុងផ្ទៃម្ដាយ អ្នកបានដឹងអ្វីខ្លះ? (មានវីដេអូ)</span></a></span></p>
<p style="text-align: right;"><br /><br /><br />ប្រែសម្រួលដោយ ៖ តារា<br />ប្រភព ៖ KH</p>