<p><strong>ភ្នំពេញ៖</strong> សម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី ១ ខែ កក្កដា ឆ្នាំ ២០១៥ ក្នុងទិវាមច្ឆជាតិ ១កក្កដា ដែលធ្វើឡើង នៅសុ្រកស្ទឹងត្រង់ ខេត្តកំពង់ចាម បានស្ដីបន្ទោសដល់មន្ត្រីជលផល និងមន្រ្តីក្រសួងសុខាភិបាល ដែលបានដាក់ស្លាកសញ្ញាអប់រំ មិនត្រឹមត្រូវតាមគោលដៅ។</p>
<p>សម្ដេចតេជោ បានថ្លែងថា មន្រ្តីជលផលបានយកស្លាកសញ្ញា កុំប្រើប្រាស់ឧបករណ៍ខុសច្បាប់ នេសាទត្រី ដែលស្លាកនេះ មានការឧបត្ថម្ភពី USAID និងសហគមន៍អឺរ៉ុប ទៅដាក់នៅក្បែរផ្ទះ សម្ដេចក្បែរវិមានឯករាជ្យ មិនព្រមយកទៅដាក់នៅតំបន់ ដែលប្រជាពលរដ្ឋ នេសាទត្រី។</p>
<p>សម្ដេចបានបន្តថា «មិនយកមកដាក់កន្លែងគេនេសាទ យកទៅដាក់ក្បែរផ្ទះ នាយករដ្ឋមន្រ្តី ទៅដាក់វិមានឯករាជ្យ ដែលគេសុទ្ធតែជិះឡាន ជិះម៉ូតូ។ អត់មានដឹងអីបន្តិច!»។</p>
<p>សម្ដេចនាយករដ្ឋមន្រ្តី បានបន្ថែមថា នៅក្នុងកម្មវិធីយុទ្ធនាការ អប់រំប្រជាពលរដ្ឋឲ្យបំបៅកូនដោយទឹកដោះ មន្ត្រីក្រសួងសុខាភិបាល មិនយកបដា សូមបំបៅកូនដោយទឹកដោះ ទៅដាក់នៅភ្នំពេញ ទីប្រជុំជនទេ បែរជាយកទៅដាក់នៅតំបន់ដាច់ ស្រយាលវិញ។</p>
<p>សម្ដេចបានបញ្ជាក់ថា «បំបៅកូនដោយទឹកដោះ គួរធ្វើនៅទីក្រុង និងទីប្រជុំជន ដែលក្មួយៗមួយចំនួន ដែលមានកូន ប្រញាប់ឆាប់ (ចង់) បានដើរលេង បំបៅទឹកដោះម្ដាយ ត្រឹមតែ២-៣ថ្ងៃតែប៉ុណ្ណឹង បន្ទាប់ទៅគឺ (បៅ) ទឹកដោះគោ រួចហើយមិនខ្ចីឲ្យកូនមក ដេកជាមួយទៀត។ មេដោះរហូត!។ អញ្ចឹងទេគួរតែធ្វើ នៅភ្នំពេញ និងទីប្រជុំជន មិនមែនទៅហែក្បួន អ្នកជនបទ បើទោះបីជា ប្រដៅគាត់ប៉ុណ្ណា មិនប្រដៅគាត់ ក៏គាត់គង់តែឲ្យ បៅទឹកដោះម្ដាយដែរ ព្រោះគាត់អត់មាន លុយទិញទឹកដោះគោ»។</p>
<p>យ៉ាងណាក៏ដោយ ការដាក់ស្លាកសញ្ញា អប់រំទាំងខុសទិសដៅ ត្រូវបានគេដឹងជាទូទៅថា មន្រ្តីទាំងនោះ យកគាប់គួរនិងផ្គាប់ចិត្ត ថ្នាក់ដឹកនាំតែប៉ុណ្ណោះ មិនបានបំរើប្រជាពលរដ្ឋ ឱ្យអស់ពីចិត្តពីថ្លើមនោះទេ៕</p>
<p><a class="thickbox" title="" href="/FileManager/Commons/2015/7/1/7-1-2015-4-21-21-pm-01-07-2015--16-27-08.png"><img src="/FileManager/Articles/mce/2015/7/1/7-1-2015-4-21-21-pm-01-07-2015--16-27-08.png" alt="" /></a></p>
<p><a class="thickbox" title="" href="/FileManager/Commons/2015/7/1/7-1-2015-4-31-00-pm-01-07-2015--16-36-47.png"><img src="/FileManager/Articles/mce/2015/7/1/7-1-2015-4-31-00-pm-01-07-2015--16-36-47.png" alt="" /></a></p>
<p><a class="thickbox" title="" href="/FileManager/Commons/2015/7/1/7-1-2015-4-30-46-pm-01-07-2015--16-37-09.png"><img src="/FileManager/Articles/mce/2015/7/1/7-1-2015-4-30-46-pm-01-07-2015--16-37-09.png" alt="" /></a><a class="thickbox" title="" href="/FileManager/Commons/2015/7/1/7-1-2015-4-31-00-pm-01-07-2015--16-36-47.png"></a><a class="thickbox" title="" href="/FileManager/Commons/2015/7/1/7-1-2015-4-21-21-pm-01-07-2015--16-27-08.png"></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span></p>