<p><span style="color: #000000;"><strong>ភ្នំពេញ៖</strong> តារាច្រៀងក្មេងវ័យ កញ្ញា ទេព បូព្រឹក្ស បានបញ្ចេញប្រតិកម្មធ្ងន់ៗ និងគំរាមដាក់ពាក្យប្ដឹង ចាត់វិធានការតាមផ្លូវច្បាប់ ដល់ជនអនាមិក ដែលទម្លាយ រូបភាពអាក្រាត (រូបភាពកាត់ត) មានចេតនាឈ្នានីសបង្ខូចកិត្តិយសនាង ក្នុងនាមជាមនុស្សស្រី និងក្នុងនាមជាតារាល្បី ដែលមហាជនគាំទ្រ ធ្វើឲ្យប៉ះពាល់យ៉ាងធ្ងន់ធ្ងរ ខណៈដែលរូបភាពនេះ មិនមែនជារូបភាពរបស់នាង ពិតប្រាកដឡើយ។</span></p>
<p><span style="color: #000000;">ការព្រមានធ្ងន់ៗ បានកើតឡើង ក្រោយពេលដែល ថ្មីៗនេះ នៅក្នុងបណ្តាញទំនាក់ទំនង សង្គម Facebook ត្រូវបានអ្នកនិយមលេងមួយចំនួន ប្រទះឃើញរូបថត មួយសន្លឹកដែលមាន សណ្ឋានអាក្រាត ល្វែងលើលេចចេញសុដន់ ត្រូវបានគេសង្ស័យថា ជារូបរបស់តារាចម្រៀង បែបយុវវ័យធ្មេញជំពើស ទេព បូព្រឹក្ស ខណៈដែលរូបភាពនេះមានលក្ខណៈ មុខមាត់ស្រដៀងនឹង រូបនាងបេះបិទ ។ ប៉ុន្តែ ទេព បូព្រឹក្ស បានអះអាងថា ជារូបកាត់ត ទាំងស្រុង ។</span></p>
<p><span style="color: #000000;">ជុំវិញរូបភាពមួយសន្លឹកនេះ ត្រូវបាន ទេព បូព្រឹក្ស បញ្ចេញប្រតិកម្ម និងធ្វើការបកស្រាយ ដោយបញ្ជាក់ថា រូបភាពបែបហ្នឹងធ្លាប់ មានមនុស្ស ផ្ញើមកកាន់នាង តាំងពី២ខែមុនមកម្ល៉េះ ហើយបានគំរាមនាងថា នៅមានរូបបែបនេះជាច្រើនទៀត ដែលគេអាចនឹងទម្លាយ ជាសាធារណៈ ដើម្បីបង្ខូចកិត្តិយស នាង ។</span></p>
<p><span style="color: #000000;">ទោះបីជាយ៉ាងណា បន្ទាប់ពីនាងមិនខ្ចីតបត ទៅនឹងទង្វើ អមនុស្សធម៌នេះ គេបែរជាមិនស្ងប់ស្ងៀមនោះឡើយ ហើយចេះ តែរករឿងទាំងខ្លួននាងផ្ទាល់ មិនដឹងថា មានកំហុសអ្វី ។ ទេព បូព្រឹក្ស និយាយ “ខ្ញុំឆ្ងល់ដល់ហើយរូបភាព ហ្នឹងធ្លាប់ផ្ញើមកខ្ញុំម្តងដែរ តាំងពី២ខែមុន រួចគេគំរាមខ្ញុំថា នៅមានរូបហ្នឹងច្រើនទៀត ។ ខ្ញុំឆ្ងល់ថា តើខ្ញុំបានធ្វើអ្វីខុស ម្តងគេផ្ញើចូល Line ម្តងគេ Post ក្នុង Faceaccount ។ ខ្ញុំមិនចង់ឲ្យមានរឿងវែងឆ្ងាយ ក៏ចេះតែមិនតបត ខ្ញុំចង់សន្សំសុខ តែគេបែរជា មិនយល់ ។ បើគេនៅតែធ្វើបែបនេះ ខ្ញុំនឹងអាចមានវិធានការ តាមផ្លូវច្បាប់ ព្រោះនេះជារឿងកិត្តិយស ខ្ញុំមិនសុខចិត្តទេ"។</span></p>
<p><span style="color: #000000;">ទេព បូព្រឹក្ស បានថ្លែងឲ្យដឹងបន្តទៀតថា អ្នកដែលមានចេតនា ចង់បង្ខូចកេរ្តិ៍ឈ្មោះកិត្តិយសរបស់នាង តែងតែគំរាមនាងជាបន្តបន្ទាប់ ហើយត្រូវបាននាង ដាក់ការសង្ស័យថា ជាមនុស្សស្រីម្នាក់ ស្ថិតក្នុងរង្វង់ជាអ្នកសិល្បៈដូចគ្នា ព្រោះកន្លងរូបនាង ធ្លាប់មានបញ្ហាជាមួយនឹង តារាចម្រៀងស្រីម្នាក់នោះ ។ យ៉ាងណាមិញ ទេព បូព្រឹក្ស បានបដិសេធន៍ថា រូបភាពនេះ មិនមែនជារូបភាពរបស់នាងឡើយ ពោលជនអនាមិក អាចច្នៃកាត់ត ក្នុងន័យឲ្យដូចរូបនាង ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/8/11-08-01-2015--08-52-44.jpg"><img src="/FileManager/Articles/mce/2015/1/8/11-08-01-2015--08-52-44.jpg" alt="" /></a></span></p>
<p><a class="thickbox" title="" href="/FileManager/Commons/2015/1/8/12-08-01-2015--08-52-53.jpg"><img src="/FileManager/Articles/mce/2015/1/8/12-08-01-2015--08-52-53.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/1/8/11-08-01-2015--08-52-44.jpg"></a></span></p>
<p><a class="thickbox" title="" href="/FileManager/Commons/2015/1/8/13-08-01-2015--08-53-00.jpg"><img src="/FileManager/Articles/mce/2015/1/8/13-08-01-2015--08-53-00.jpg" alt="" /></a></p>
<p><a class="thickbox" title="" href="/FileManager/Commons/2015/1/8/15-08-01-2015--08-53-06.jpg"><img src="/FileManager/Articles/mce/2015/1/8/15-08-01-2015--08-53-06.jpg" alt="" /></a></p>
<p><a class="thickbox" title="" href="/FileManager/Commons/2015/1/8/16-08-01-2015--08-53-12.jpg"><img src="/FileManager/Articles/mce/2015/1/8/16-08-01-2015--08-53-12.jpg" alt="" /></a></p>
<p><a class="thickbox" title="" href="/FileManager/Commons/2015/1/8/17-08-01-2015--08-53-19.jpg"><img src="/FileManager/Articles/mce/2015/1/8/17-08-01-2015--08-53-19.jpg" alt="" /></a></p>
<p><a class="thickbox" title="" href="/FileManager/Commons/2015/1/8/18-08-01-2015--08-53-26.jpg"><img src="/FileManager/Articles/mce/2015/1/8/18-08-01-2015--08-53-26.jpg" alt="" /></a></p>
<p><a class="thickbox" title="" href="/FileManager/Commons/2015/1/8/19-08-01-2015--08-53-32.jpg"><img src="/FileManager/Articles/mce/2015/1/8/19-08-01-2015--08-53-32.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>