<div class="article-content">
<p><strong>ខេត្តស្ទឹងត្រែង៖</strong> បុរសម្នាក់ ជានាយករង សាលាបឋមសិក្សាកំភុន បានរងការចោទ ប្រកាន់ពី<br />សំណាក់ ក្មេងស្រី វ័យ១៣ឆ្នាំម្នាក់ ថា បានចាប់រំលោភសេពសន្ថវៈ លើនាង បានសម្រេច។</p>
<p>ស្រ្តីជាម្តាយ បាននាំក្មេងស្រីរូបនោះ មកប្តឹងនគរបាល ព្រហ្មទណ្ឌកំរិតធ្ងន់ នៃស្នងការដ្ឋាននគរ<br />បាល ខេត្ត កាលពី ព្រឹក ថ្ងៃទី០៧ មិថុនា ឆ្នាំ២០១៣ ទៅលើឈ្មោះ ញ៉ាំង ចែង អាយុ៤០ឆ្នាំ រស់<br />នៅភូមិកំភុន ឃុំកំភុន ស្រុកសេសាន ជាគ្រូបង្រៀន និង ជានាយករងសាលា បឋមសិក្សាកំភុន <br />ថា បានចាប់រំលោភកូន ស្រីរបស់គាត់កាលពីយប់ថ្ងៃទី០១ មិថុនា ឆ្នាំ២០១៣ នៅចំណុចខ្ទម ស្រែ<br />ចំការតំបន់ អូរក្រលៀង ភូមិកំភុន ឃុំកំភុន ស្រុកសេសាន ។</p>
<p>ប្រភពពីនគរបាល បានឱ្យដឹងថា ស្រ្តីដែលដាក់ពាក្យបណ្តឹង មានឈ្មោះខាំ ជី អាយុ៥១ឆ្នាំ ជាកសិករ <br />ក្មេងស្រីរង គ្រោះ មានឈ្មោះ ហ ម ល អាយុ១៣ឆ្នាំ ជាសិស្ស ជនដែលគេចោទមាន ឈ្មោះ ញ៉ាំង<br /> ចែង អាយុ៤០ឆ្នាំ អ្នកទាំង៣ រស់នៅ ភូមិកំភុន ឃុំកំភុន ស្រុកសេសាន។</p>
<p>តាមសម្តីរបស់ស្រ្តី ជាម្តាយបានឱ្យដឹងថា នៅពេលដែលពួកគាត់ ជាឪពុកម្តាយត្រឡប់ចូលផ្ទះក្នុង <br />ភូមិដោយទុក ឱ្យកូនស្រី និងចៅប្រុសម្នាក់ នៅចាំខ្ទមចំការ ដោយមានឈ្មោះញ៉ាំង ចែង សុំស្នាក់<br />នៅ ២ថ្ងៃដើម្បីកាប់ឈើធ្វើផ្ទះ នៅវេលាម៉ោង៨យប់ ថ្ងៃទី០១ មិថុនា មេឃកំពុងភ្លៀងធ្លាក់ ដោយ<br />ឱកាសហុច ឱ្យជនកំហូចម្នាក់នោះ បានធ្វើសកម្ម ភាពខិតចូល មកជិតកូនស្រី របស់គាត់កំពុងលុង<br />លក់ ក្នុងដំណេកលើ អង្រឹង ជននោះបានចាប់នាងយកដៃបិទមាត់ លើកនាងចុះពីអង្រឹង មករនាប<br />លើខ្ទម ស្របពេលចៅប្រុស គាត់កំពុងតែដេកលុងលក់ ក៏ឆ្លៀតឱកាសអោបរិត សើយសំពត់ធ្វើ<br />សកម្មភាព រំលោភបានសំរេច។</p>
<p>ប្អូនស្រីរងគ្រោះ ហ ម ល និយាយផងដែរថា ក្នុងខណៈ ពូ ចែង ធ្វើសកម្មភាព រំលោភនាងនោះ នាង<br />មិនហ៊ានស្រែកឡើយ ព្រោះខ្លាចគាត់វាយធ្វើបាបតែនាងបានរើបម្រាស់ដែរ តែពូ ចែង មិនលើកលែង<br />ឱ្យទេ កាន់តែឱបរិតនាង ដូចជាសត្វ ពស់ថ្លាន់រិតសត្វធ្វើជាចំណី រហូតគាត់បានសម្រេចបំណង ទើប<br /> គាត់ដោះលែងនាងវិញ ហើយដើរទៅ ដេករៀងៗខ្លួន។</p>
<p>នាងនិយាយទៀតថា លុះព្រឹកឡើងនាងមានសភាព តក់ស្លុតណាស់ តែមិនហ៊ានប្រាប់ឳពុកម្តាយទេ<br /> ព្រោះខ្លាចពួកគាត់វៃ រហូត ដល់ថ្ងៃទី០៦ មិថុនា ទើបហ៊ានប្រាប់ម្តាយ ហើយម្តាយក៏នាំ នាងមកប្តឹង<br />នគរបាល នៅព្រឹកថ្ងៃទី០៧ មិថុនា ដើម្បីរកយុត្តិធម៌ ឱ្យច្បាប់ជាអ្នកផ្តន្ទាទោសទៅតាមស្ថានទំងន់។</p>
<p>ជនឈ្មោះញ៉ាំង ចែង បានឆ្លើយបដិសេធថា ខ្លួនមិនប្រព្រឹត្តដូចការចោទប្រកាន់របស់ប្អូនស្រ្តី ហ ម ល<br /> នោះទេ ថ្វីបើរូបគេ បានទៅដេកនៅខ្ទមចំការនោះមែន តែពេលភ្លៀងធ្លាក់រូបគេ បានបបួលក្មួយប្រុស<br />របស់ ហ ម ល ទៅឆ្លុះ កង្កែប ពេលត្រឡប់ ពីឆ្លុះវិញ ចូលដេកធម្មតា មិនបានប៉ះពាល់អ្វីទាំងអស់។</p>
<p>លោក ដួង ស៊ីវុត្ថា នាយការិយាល័យព្រហ្មទណ្ឌកំរិតធ្ងន់បានឱ្យដឹងថា ជនសង្ស័យកំពុងតែសាក សួរ<br /> រីឯជនរងគ្រោះ លោក បាន បញ្ជូនទៅមន្ទីរពេទ្យ ធ្វើកោសល្យវិច្ច័យ ម្យ៉ាងវិញទៀត មិនទាន់ដឹងថា <br />ករណី នេះវិវត្តយ៉ាងណាទេ តែលោកនឹង ខំប្រឹងអស់ពីសមត្ថភាព៕</p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0171.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0172.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>