<div class="article-content">
<p><strong>-ជនរងគ្រោះ ដែលស្លាប់ ម្នាក់ជាអ្នកបើក រថយន្តស្ទូច និងម្នាក់ទៀត ជាមន្រ្តីក្រុមហ៊ុន ធារា<br />រ៉ាប់រង កាំមីនកូ ខណៈអធិការងម្នាក់ បានបាក់ដៃ</strong></p>
<p><strong>ព្រះសីហនុ៖</strong> មានហេតុការណ៍ ដ៏គួរឲ្យរន្ធត់មួយទៀត បានកើតឡើង នៅកន្លែងគ្រោះថ្នាក់ចរា-<br />ចរណ៍របស់ក្រុមតារាចម្រៀង លោក ខេមរៈ សេរីមន្ត តាមបណ្តោយ ផ្លូវជាតិលេខ៤ ស្រុកព្រៃនុប<br />នោះ ខណៈកម្លាំងសមត្ថកិច្ច កំពុងតែជួយ អន្តរាគមន៍ គ្រោះថ្នាក់ចរាចរណ៍ ខាងលើនេះ ស្រាប់តែ<br />មាន រថយន្តមួយគ្រឿង បើកចុះចំណោទ ក៏ដាច់ហ្វ្រាំង ហើយបានបុក មនុស្ស បណ្តាលឲ្យស្លាប់<br />ពីរនាក់ និងរបួសធ្ងន់ស្រាល៤ទៅ៥នាក់ ។</p>
<p>សមត្ថកិច្ច មូលដ្ឋាន និងមន្រ្តីនគរបាល ចារាចរណ៍ជើងគោក បានឲ្យដឹងថា ជនរងគ្រោះដែល ស្លាប់<br />ចំនួន២នាក់ ខាងលើនេះ រួមមានម្នាក់ ជាមន្រ្តីរបស់ក្រុមហ៊ុន ធារារ៉ាប់រង កាំមីនកូ និងម្នាក់ទៀត ជា<br />អ្នកបើករថយន្តស្ទូច ។ រីឯអ្នករងរបួសចំនួន៤ទៅ៥នាក់ នោះមានម្នាក់ជាអធិការរង នគរបាល ស្រុក<br />ព្រៃនប់ លោក សេង ចំរើន ទទួលផែនចរាចរណ៍។</p>
<p>បើតាមសមត្ថកិច្ច មុនពេលកើតហេតុ ខណៈការកកស្ទះចរាចរណ៍ ដែលមានមនុស្សយ៉ាងណែនតាន់<br />តាប់ និងការចោមរោមមើល យ៉ាងច្រើនកុះករ និងមានការជួយ អន្តរាគមន៍ ពីសំណាក់កម្លាំងសមត្ថ-<br />កិច្ចផងនោះ ចំពោះគ្រោះថ្នាក់ចរាចរណ៍ ទៅលើក្រុមតារាចម្រៀង លោក ខេមរៈ សេរីមន្ត នោះស្រាប់<br />តែមានរថយន្ត របស់ក្រុមហ៊ុន ឯកជនមួយគ្រឿង បានបើកចុះចំណោទ ហើយដាច់ហ្វ្រាំង រួចក៏ជ្រុល<br />ទៅបុក មនុស្ស បណ្តាលឲ្យស្លាប់ មន្រ្តីរបស់ក្រុហ៊ុន ធារារ៉ាប់រងកាំមីនកូ ហើយរថយន្ត ក៏ជ្រុលទៅ<br />បុកអ្នកបើករថយន្តស្ទូច បណ្តាលឲ្យស្លាប់ទៀត។</p>
<p>យ៉ាងណាក៏ដោយសមត្ថកិច្ចមិនទាន់បាន បញ្ជាក់ពីអត្តសញ្ញាណជនរងគ្រោះនៅឡើយទេ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Lay-063.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Lay-064.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Lay-065.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Lay-066.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>