<p>កាលពីថ្ងៃទី ១០ កក្កដា ឆ្នាំ ១៩៦៩ យានអវកាស Apollo 11 បានចុះចតនៅលើព្រះចន្ទ។ នៅ<br />វេលាម៉ោង ១០ និង ៥៦នាទី (EST) អវកាសចរ Neil Armstrong បានក្លាយជាមនុស្សដំបូងគេ <br />ដែលបានជាន់លើដីនៃភពក្រៅផែនដី។ មិនយូរប៉ុន្មាន អវកាសចរ Buzz Aldrin ក៏បានរួមដំណើរ<br />ជាមួយ Armstrong ឈានជើងលើភពព្រះចន្ទ។ អ្នកទាំងពីរ បានចំណាយពេល ២ម៉ោងកន្លះ<br /> ដើម្បីស្វែងយល់ និងថតរូប ព្រមទាំងប្រមូលវត្ថុគំរូ នៅទីនោះ ដើម្បីនាំមកកាន់ផែនដី។</p>
<p style="text-align: center;"><a class="thickbox" title="" href="/FileManager/Commons/2014/7/2/apollo-moon-flags-still-standing1-02-07-2014--15-35-34.png"><img src="/FileManager/Articles/mce/2014/7/2/apollo-moon-flags-still-standing1-02-07-2014--15-35-34.png" alt="" /></a></p>
<p>មុនពេលវិលមកកាន់ផែនដី ក្រុមអវកាសចរ Apollo ក៏បានបន្សល់ទុកនូវភ័ស្ដុតាងមួយចំនួន <br />នៅលើភពព្រះចន្ទ ក្នុងនោះក៏មានទង់ជាតិអាមេរិក ទំហំ 0,91 x 1,5 ម៉ែត្រផងដែរ។ សំនួរសួរ<br />ថា តើទង់ជាតិអាមេរិកនោះ នៅមាន “ជីវិត” ដែរ ឬទេ មកដល់ពេលនេះ?</p>
<p>ចាប់តាំងពីឆ្នាំ ១៩៧២ មក ពុំមានមនុស្សណាម្នាក់ផ្សេងទៀត បានឡើងទៅកាន់ព្រះចន្ទ ប៉ុន្ដែ<br /> ក៏មានផ្កាយរណបជាច្រើន ត្រូវបានបណ្ដាប្រទេសបង្ហោះឡើង ហើយពួកវាបានហោះ ជុំវិញ<br />ព្រះចន្ទ និងបានថតរូបភាពជាបន្ដបន្ទាប់។</p>
<p>ឆ្នាំ ២០១២ កាមេរ៉ានៃផ្កាយរណបដែលហោះជុំវិញព្រះចន្ទ (Lunar Reconnaissance Orbiter <br />Camera - LROC) បានថត និងបញ្ជូនរូបភាពយ៉ាងច្បាស់នៃភពព្រះចន្ទ។ នោះគឺជាបណ្ដារូបថត <br />ដែលត្រូវបាន LROC ថតក្នុងរយៈពេល ៣ឆ្នាំ ចាប់តាំងពី LROC ត្រូវបានបង្ហោះឡើងកាលពីឆ្នាំ<br /> ២០០៩។ បណ្ដារូបភាពដែល LROC ផ្ញើមកផែនដី បញ្ជាក់ថា ទង់របស់ Apollo មិនត្រឹមតែនៅ<br />មាន “ជីវិត” ប៉ុណ្ណោះទេ តែវាថែមទាំងនៅឈរត្រង់ នៅលើភពព្រះចន្ទទៀតផង។</p>
<p style="text-align: center;"><a class="thickbox" title="" href="/FileManager/Commons/2014/7/2/apollo-moon-flags-still-standing2-02-07-2014--15-53-34.png"><img src="/FileManager/Articles/mce/2014/7/2/apollo-moon-flags-still-standing2-02-07-2014--15-53-34.png" alt="" /></a></p>
<p>យ៉ាងនេះក្ដី យោងតាមសម្ដីរបស់អវកាសចរ Aldrin ក្រោយពីសម្រេចភារកិច្ច នៅលើភពព្រះ<br />ចន្ទ យាន Apollo 11 ក៏ចាប់ផ្ដើមហោះមកកាន់ផែនដី ហើយគាត់បានមើលឃើញថា ទង់ជាតិ<br />អាមេរិកនោះ ត្រូវបានបក់ប៉ើង ដោយសារកម្លាំងខ្យល់របស់យានអវកាស។ ជាងនេះ ក្រុម<br />អវកាសចរ ជឿថាទង់នេះ មិនអាចស្ថិតនៅបានយូរប៉ុន្មាននោះទេ ក្នុងបរិយាកាសដូចនៅលើ<br />ព្រះចន្ទ។ ប្រភពពី NASA ក៏បញ្ជាក់ថា ទង់ Apollo ទាំងឡាយ នៅលើភពព្រះចន្ទ នៅតែឈរ<br />ត្រង់ទៅលើ លើកលែងតែ ទង់របស់ Apollo 11 ។</p>
<p>ដោយការពិនិត្យទៅលើបណ្ដារូបថត ដែលថតបានពីកន្លែងផ្សេងៗគ្នាជារៀងរាល់ថ្ងៃ នៅលើ<br />ព្រះចន្ទ និងការពិនិត្យទៅលើការបំលាស់ទីរបស់ស្រមោល ក្រុមអ្នកវិទ្យាសាស្ដ្រ កំណត់បាននូវ<br />រូបរាងរបស់ទង់ជាតិអាមេរិកមួយចំនួន ដោយយោងទៅលើស្រមោលរបស់វា។ និយាយរួម ទង់<br />នេះ នៅតែមាន “ជីវិត” ចំណែកឧបករណ៍ផ្សេងៗដែលក្រុម Apollo ទុកចោលនៅទីនោះ ក៏ត្រូវ <br />LROC ថតបាន។ ក៏ប៉ុន្ដែ ប្រភពពីទំព័រ gizmodo ធ្លាប់បានឱ្យដឹងថា ទង់ជាតិអាមេរិក នៅលើភព<br />ព្រះចន្ទបានប្រែក្លាយទៅជាពណ៌ស អស់ទៅហើយ៕</p>
<p><object width="478" height="410" data="http://www.youtube.com/v/r5dtcdmjOaE&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/r5dtcdmjOaE&rel=1" /></object></p>
<p> </p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ todayifoundout</p>